ថ្ងៃទី១០ ខែសីហា ឆ្នាំ២០១៨ ជាទិវាដើម្បីជនរងគ្រោះដោយជាតិគីមីពុលពណ៌លឿង ទុំ/dioxin នៅវៀតណាម។ ដើម្បីរួមចំណែកចែករំលែកការឈឺចាប់ការលំបាកលំបិនជាមួយជនរងគ្រោះទាំងនោះ តំបន់នានាទូទាំងប្រទេសវៀតណាមបានរៀបចំសកម្មភាពជាក់ស្ដែងនិងមានអត្ថន័យជាច្រើន។
ជូនអំណោយសំរាប់ជនរងគ្រោះដោយជាតិគីមីពុលពណ៌លឿងទុំ/dioxin នៅខេត្ត Kon Tum (រូបថត៖ VTV)
សមាគមន៍ជនរងគ្រោះដោយជាតិគីមីពុលពណ៌លឿងទុំ/dioxin ខេត្ត Kon Tum បានរៀបចំការប្រគល់អំណោយប្រមាណ២៥០ចំណែកជូនចំពោះបណ្ដា ជនរងគ្រោះនៅក្នុងតំបន់។ នៅទីក្រុង Da Nang សមាគមន៍ជនរងគ្រោះដោយជាតិគីមីពុលពណ៌លឿងទុំ/dioxin នៃទីក្រុងបានរៀបចំការសាកសួរសុខទុក្ខជូនអំណោយប្រមាណ ៣១០ចំណែកជូនចំពោះបណ្ដាជនរងគ្រោះ។
រីឯនៅខេត្ត Dak Nong វិញ ក្នុងរយៈពេល៥ឆ្នាំកន្លងទៅ សមាគមន៍ជនរងគ្រោះដោយជាតិគីមីពុលពណ៌លឿងទុំ/dioxin នៃខេត្តបានចលនាបានទឹកប្រាក់ប្រមាណ ១១ ពាន់លានដុងពីសប្បុរសជនសំដៅជួយបន្ធូរស្រាលការឈឺចាប់របស់ជនរងគ្រោះ ដោយជាតិគីមីពុលពណ៌លឿងទុំ/dioxin និងជួយគេមានជីវភាពរស់នៅដោយស្ថិរភាព។ លោកស្រី Dang Thi Tam ប្រធានសមាគមន៍ជនរងគ្រោះ ដោយជាតិគីមីពុលពណ៌លឿងទុំ/dioxin ខេត្ត Dak Nong បានឲ្យដឹងថា៖
“យើងខ្ញុំមានគោលបំណងថា បណ្ដាស្ថាប័ននិងប្រជាជនក្នុងទូទាំងប្រទេស បន្តយកចិត្តទុកដាក់ថែមទៀតដល់ជនរងគ្រោះដោយជាតិគីមីពុលពណ៌លឿងទុំ/ dioxin។ យើងត្រូវការរួមដៃគ្នារបស់សង្គមទាំងមូល ដើម្បីបន្ធូរស្រាលការឈឺចាប់និងផលវិបាកដោយសង្គ្រាមបន្សល់ទុក”៕
តាម VOV5 - វិទ្យុសម្លេងវៀតណាម
