នាថ្ងៃទី ១៦ កុម្ភៈ កិច្ចសន្ទនាក្រោមប្រធានបទ  “ការត្រិះរិះក្នុងឱកាសរំលឹកខួបលើកទី ៥០ នៃកិច្ចព្រមព្រៀងទីក្រុងប៉ារីស ស្តីពីការបញ្ចប់សង្រ្គាម បង្កើតសន្តិភាពឡើងវិញនៅវៀតណាម៖ ការជះឥទ្ធិពលដល់ទំនាក់ទំនងរវាងវៀតណាម និងសហរដ្ឋអាមេរិកនាបច្ចុប្បន្ន” បានប្រព្រឹត្តទៅនៅទីក្រុងវ៉ាស៊ីងតោន។

អញ្ជើញថ្លែងនៅក្នុងកម្មវិធី អនុប្រធានវិទ្យាស្ថានសន្តិភាព (USIP) លោក William Taylor បានចែករំលែកថា ពិធីរំលឹកខួបលើកទី ៥០ នៃកិច្ចព្រមព្រៀងសន្តិភាពទីក្រុងប៉ារីស គឺជាឱកាសដ៏ល្អប្រសើរ ដើម្បីភាគីពាក់ព័ន្ធទាំងអស់រួមគ្នាត្រិះរិះអំពីប្រវត្តិសាស្ត្រ វាយតម្លៃលើជោគជ័យ និងបញ្ហានៃរាល់ការខិតខំប្រឹងប្រែងទប់ស្កាត់ជម្លោះក្នុងអតីតកាល ហើយតាមនោះដកមេរៀនបទពិសោធន៍ ដែលអាចអនុវត្តន៍នាពេលអនាគត។

ចំណែកឯលោកឯកអគ្គរដ្ឋទូត Nguyen Quoc Dung បានសង្កត់ធ្ងន់ថា កិច្ចព្រមព្រៀងបានបិទបញ្ចប់ជំពូកដ៏ក្រៀមក្រំក្នុងប្រវត្តិសាស្ត្រទំនាក់ទំនងវៀតណាម - អាមេរិក ហើយបានចាប់ផ្តើមសម្រាប់ដំណើរការដ៏វែងឆ្ងាយឆ្ពោះទៅរកការផ្សះផ្សា  បង្កើនការយល់ដឹងគ្នាទៅវិញទៅមក ធ្វើប្រក្រតីភាពទំនាក់ទំនងក្នុងឆ្នាំ ១៩៩៥ និងបង្កើតទំនាក់ទំនងភាពជាដៃគូគ្រប់ជ្រុងជ្រោយក្នុងឆ្នាំ ២០១៣ ផងដែរ៕