វៀតណាម និងឡាវ៖ ទំនាក់ទំនងស្មោះត្រង់ ស្មោះសរនិងរឹងមាំ
នាព្រឹកថ្ងៃទី ៦ ខែកក្ដដា ឆ្នាំ២០១៧ នៅខេត្ត Son La ប្រទេសវៀតណាមបានប្រព្រឹត្តិទៅពិធីសម្ពោធមណ្ឌលកេរ្តិ៍ដំណែលប្រវត្តិសាស្ត្របដិវត្តន៍វៀតណាមនិងឡាវ។ មណ្ឌលកេរ្តិ៍ដំណែលនេះបានកត់ត្រានូវចំណងសាមគ្គីភាពរវាងប្រទេសទាំងពីរ វៀតណាម និងឡាវនិយយរួម និងរវាងប្រជាជននៃបណ្ដាជនជាតិខេត្ត Son La ជាមួយបណ្ដាខេត្តភាគខាងជើងឡាវនិយាយដោយឡែកក្នុងការតស៊ូប្រឆាំង អាណានិគមឈ្លានពាននិងការពារមាតុប្រទេស។ អញ្ជើញថ្លែងមតិនៅទីនេះ តាងនាមបក្ស រដ្ឋវៀតណាម ប្រធានរដ្ឋសភាលោកស្រី Nguyen Thi Kim Ngan បានសង្កត់ធ្ងន់ថា៖
“ទំនាក់ទំនងដ៏ថ្លៃថ្លានិងពិសិដ្ឋនេះត្រូវបានលោកប្រធានហូជីមិញសំរិតសំរាំងក្នុងកំណាព្យទាំង ៤ ឃ្លាជាអមតៈដែលមានអត្ថន័យថា យើងស្រឡាញ់គ្នាទោះបីកំពូលភ្នំខ្ពស់ ទឹកទន្លេជ្រៅទាំងប៉ុន្មានក៏យើងឆ្លង់កាត់បានទាំងអស់ ចំណាងមនោសញ្ចេតនារវាងវៀតណាមនិងឡាវជ្រោលជ្រៅជាងទឹកទន្លេ Hong Ha និងCuu Longទៅទៀត។ រីឯខ្លួនវិញ លោកប្រធាន Cayson Phonvihan ក៏បានអះអាងថា ក្នុងប្រវត្តិកសាស្ត្របដិវត្តន៍នៃពិភពលោកមានគំរូភ្លឺចែងចាំងស្ដីពីស្មារតីអន្តរជាតិអធន ក៏ប៉ុន្តែមិនធ្លាប់មានចំណងសាមគ្គីភាព រួមគ្នាតស៊ូប្រឆាំងពិសេសយូរអង្វែងដូចជាទំនាក់ទំនងរវាងឡាវ និងវៀតណាមបានឡើយ”។
រីឯខ្លួនវិញ ប្រធានរដ្ឋសភាឡាលោកស្រី Pany Yathotu បានចាត់ទុកថាការសម្ពោធដាក់ឲ្យប្រើប្រាស់មណ្ឌល កេរ្តិ៍ដំណែលនេះនឹងរួមវិភាគទានយ៉ាងសំខាន់ក្នុងការពូនជ្រំទំនាក់ទំនងមិត្តភាព ចំណងសាមគ្គីភាពពិសេស និងកិច្ចសហប្រតិបត្តិការលើគ្រប់វិស័យរវាងឡាវនិងវៀតណាម ហើយក្លាយទៅជាទីកន្លែងអប់រំប្រជាជននៃប្រទេសទាំងពីរ ជាពិសេសគឺយុវជនដើម្បីយល់ដឹងបន្ថែមស្ដីពីប្រវត្តិសាស្ត្ររួមគ្នាសហការប្រយុទ្ធយ៉ាងអង់អាចក្លាហាននៃប្រទេសទាំងពីរ៕
តាម VOV5-វិទ្យុសម្លេងវៀតណាម
