• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាម និងសហរដ្ឋអាមេរិក ជំរុញកិច្ចសហប្រតិបត្តិការក្នុងការជំនះពុះពារលើផលវិបាកនៃគ្រាប់បែកមីនក្រោយសង្គ្រាម

វៀតណាមចង់ឱ្យអាមេរិកផ្តល់អាទិភាពដល់ការផ្តល់មូលនិធិផ្ទាល់សម្រាប់ដៃគូវៀតណាម និងអង្គ ការអន្តរជាតិដែលមានសមត្ថភាព និងកិត្យានុភាពដែលកំពុងប្រតិបត្តិការនៅវៀតណាម
ទិដ្ឋភាពនៃជំនួបធ្វើការ (រូបថត៖ qdnd)

នារសៀលថ្ងៃទី ២៧ កុម្ភៈ នៅទីក្រុងហាណូយ ឧត្តមសេនីយឯក Hoang Xuan Chien អនុរដ្ឋមន្ត្រីក្រសួងការពារប្រទេស  ប្រធានទីភ្នាក់ងារអចិន្ត្រៃយ៍នៃគណៈកម្មាធិការជាតិដឹកនាំការជំនះពុះពារលើផលវិបាកនៃគ្រាប់បែកមីន និងសារធាតុគីមីពុលក្រោយសង្គ្រាមនៅវៀតណាម ( គណៈកម្មាធិការលេខ ៧០១) បានជួបធ្វើការជាមួយឯកអគ្គរដ្ឋទូតសហរដ្ឋអាមេរិកប្រចាំនៅវៀតណាម Marc E.Knapper ស្តីពីកិច្ចសហប្រតិបត្តិការក្នុងការជំនះនូវផលវិបាកនៃគ្រាប់បែកមីនក្រោយសង្គ្រាមនៅវៀតណាម។

ឧត្តមសេនីយឯក លោក Hoang Xuan Chien បានស្នើឲ្យភាគីអាមេរិកបន្តអនុវត្តខ្លឹមសារដែលខ្លួនបានប្តេជ្ញាឧបត្ថម្ភ រួមទាំងពន្លឿនការបញ្ចប់ការសាងសង់ទីលានហ្វឹកហាត់ស្របតាមស្តង់ដារសកម្មភាពមីនអន្តរជាតិ។ វៀតណាមចង់ឱ្យអាមេរិកផ្តល់អាទិភាពដល់ការផ្តល់មូលនិធិផ្ទាល់សម្រាប់ដៃគូវៀតណាម និងអង្គការអន្តរ ជាតិដែលមានសមត្ថភាព និងកិត្យានុភាពដែលកំពុងប្រតិបត្តិការនៅវៀតណាម; ពង្រីកវិសាលភាពនៃការគាំទ្រដល់តំបន់ផ្សេងទៀត ដែលរងការបំពុលដោយគ្រាប់មីន និងជាតិផ្ទុះនៅខាងក្រៅបណ្តាខេត្តភាគកណ្តាល ដោយខិតខំពីឆ្នាំ ២០២៣ ដល់ឆ្នាំ ២០២៨ ដើម្បីបញ្ចប់គោលដៅនៃការបោសសម្អាតដីបំពុលប្រមាណ ៣៥០.០០០ ហិកតា។

លោកឯកអគ្គរដ្ឋទូត Marc E.Knapper បានបញ្ជាក់ថា ចាប់តាំងពីឆ្នាំ ២០១៣ បន្ទាប់ពីភាគីទាំងពីរបានបញ្ចប់អនុស្សារណៈនៃការយោគយល់គ្នាស្តីពីការជួយក្នុងការជំនះផលវិបាកដោយគ្រាប់បែកមីន   សហរដ្ឋអាមេរិកបានខិតខំប្រឹងប្រែងយ៉ាងល្អដើម្បីបំពេញការប្តេជ្ញាចិត្តរបស់ខ្លួន និងជំរុញសកម្មភាពផ្តល់មូលនិធិ រួមទាំងដោយផ្ទាល់ និងដោយប្រយោលតាមរយៈអង្គការអន្តរជាតិ អង្គការមិនមែនរដ្ឋាភិបាល។ ក្នុងរយៈពេល ១០ ឆ្នាំកន្លងមកនេះ វៀតណាមបានធ្វើការដោះមីនលើផ្ទៃដីជិត ៥០០.០០០ ហិកតា។ ដោយមានតួនាទីជាសហប្រធាននៃក្រុមដៃគូសម្រាប់ជំនះផលវិបាកដោយគ្រាប់បែកមីន សហរដ្ឋអាមេរិកបានភ្ជាប់យ៉ាងសកម្ម និងអំពាវនាវឱ្យសហគមន៍អន្តរជាតិ បណ្តាប្រទេស និងអង្គការនានារួមដៃគ្នាជួយឧបត្ថម្ភវៀតណាមក្នុងការជំនះនូវផលវិបាកដោយគ្រាប់បែកមីន៕

តាម​ VOV5 - វិទ្យុសម្លេងវៀតណាម

សេចក្តី​ប្រកាស​ព័ត៌មានពានរង្វាន់ជាតិ ស្តីពីព័ត៌មានកិច្ចការបរទេសលើកទី៩

សេចក្តី​ប្រកាស​ព័ត៌មានពានរង្វាន់ជាតិ ស្តីពីព័ត៌មានកិច្ចការបរទេសលើកទី៩

នាថ្ងៃទី ២៩ ខែមីនា ឆ្នាំ ២០២៣ គណៈកម្មាធិការដឹកនាំ ការងារព័ត៌មានកិច្ចការបរទេស គណៈឃោសនាអប់រំមជ្ឈិម ទីភ្នាក់ងារសារព័ត៌មានវៀតណាម និងស្ថាប័នពាក់ព័ន្ធបានរៀបចំសន្និសីទកាសែត ដើម្បីបើក​ដំណើរការពានរង្វាន់ជាតិស្តីពី​ព័ត៌មាន​កិច្ចការបរទេស​លើកទី ៩ ។ ពានរង្វាន់នេះមានគោលបំណងទទួលស្គាល់ និងផ្តល់កិត្តិយសដល់អ្នកនិពន្ធ ស្នាដៃ និងផលិតផលឆ្នើមក្នុងវិស័យព័ត៌មានកិច្ច​ការបរទេស និងរួមចំណែកលើកកម្ពស់សមិទ្ធិផលអភិវឌ្ឍន៍របស់ប្រទេសលើ​វស័យជាច្រើន។ ទីភ្នាក់ងារសារព័ត៌មានវៀតណាម គឺជាទីភ្នាក់ងារអចិន្ត្រៃយ៍នៃពានរង្វាន់ជាតិស្តីពីព័ត៌មាន​កិច្ច​ការ​បរទេសលើកទី៩។

Top