• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាម និងសហរដ្ឋអាមេរិកបង្កើនទំនាក់ទំនងមិត្តភាព ជំរុញការអភិវឌ្ឍ គោរពច្បាប់អន្តរជាតិ និងឆ្លើយតបទៅនឹងបញ្ហាប្រឈមរួម

នាយប់ថ្ងៃទី ២៩ មីនា នៅទីក្រុងហាណូយ អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាមលោក Nguyen Phu Trong បានអញ្ជើញធ្វើកិច្ចសន្ទនាជាន់ខ្ពស់តាមទូរស័ព្ទជាមួយប្រធានាធិបតីអាមេរិកលោក Joe Biden។
  ទិដ្ឋភាពនៃកិច្ចសន្ទនាតាមទូរស័ព្ទ (រូបថត៖ VNA)
 

ក្នុងកិច្ចសន្ទនាតាមទូរស័ព្ទ អគ្គលេខាបក្សលោក Nguyen Phu Trong បានស្នើឲ្យភាគីទាំងពីរបន្តពង្រីក និងនាំកិច្ចសហប្រតិបត្តិការសេដ្ឋកិច្ច វិទ្យាសាស្ត្រ និងបច្ចេកវិទ្យាទៅជាស្នូល ហើយជាកម្លាំងចលករសម្រាប់ទំនាក់ទំនងទ្វេភាគី អនុវត្តន៍កិច្ចព្រមព្រៀង សហប្រតិបត្តិការលើវិស័យការពារជាតិ-សន្តិសុខ គោរពការជំរុញពាណិជ្ជកម្មប្រកបដោយសុខដុមរមនា និងនិរន្តរភាព សហប្រតិបត្តិការ ធានាខ្សែសង្វាក់ផ្គត់ផ្គង់ ហេដ្ឋារចនាសម្ព័ន្ធ និងវិស័យថ្មីៗដូចជា ភស្តុភារ សេដ្ឋកិច្ចឌីជីថល ការផ្លាស់ប្តូរបៃតង និងសុខាភិបាល។

លោកអគ្គលេខាបក្សបានលើកច្បាស់ថា៖ វៀតណាមបន្តសម្របសម្រួលជាមួយសហរដ្ឋអាមេរិក និងដៃគូនានា ជំរុញសន្តិភាព កិច្ចសហប្រតិបត្តិការ និងការអភិវឌ្ឍប្រកបដោយចីរភាពក្នុងអនុតំបន់មេគង្គ ព្រមទាំងសហការដើម្បីសហរដ្ឋអាមេរិករៀបចំវេទិកាកិច្ចសហប្រតិបត្តិការសេដ្ឋកិច្ចអាស៊ី - ប៉ាស៊ីហ្វិក (APEC) ២០២៣ ប្រកបដោយជោគជ័យ។ លោកអគ្គលេខាបក្សបានអះអាងថា ការឆ្លើយតបទៅនឹងបម្រែបម្រួលអាកាសធាតុគឺជាគោលការណ៍ដ៏សំខាន់ក្នុងគោលនយោបាយអភិវឌ្ឍន៍របស់វៀតណាម។ លោកបានស្នើឲ្យសហរដ្ឋអាមេរិកបន្តជួយឧបត្ថម្ភដល់រាល់ការខិតខំប្រឹងប្រែងរបស់វៀតណាម។

រីឯខ្លួនវិញ ប្រធានាធិបតីអាមេរិក លោក Joe Biden បានអះអាងថា វៀតណាមជាដៃគូដ៏សំខាន់ គាំទ្រវៀតណាម “ឯករាជ្យ ខ្លួនទីពឹងខ្លួន និងវិបុលភាព” ព្រមទាំងអះអាងឡើងវិញនូវការគោរពឯករាជ្យ អធិបតេយ្យភាព បូរណភាពទឹកដី និងរបៀបរបនយោបាយរបស់វៀតណាម។ លោកប្រធានាធិបតី Joe Biden បានសង្កត់ធ្ងន់ថា កិច្ចសហប្រតិបត្តិការពាណិជ្ជកម្ម ថាមពលស្អាត ការផ្លាស់ប្តូរថាមពល និងអាកាសធាតុគឺជាវិស័យសក្កានុពល។

សហរដ្ឋអាមេរិកប្តេជ្ញាជំរុញសន្តិភាព និងវិបុលភាពនៅតំបន់មហាសមុទ្រឥណ្ឌាប៉ាស៊ីហ្វិក ហើយមានគោលបំណងអំពីកិច្ចសហប្រតិបត្តិការរបស់វៀតណាម និងប្រទេសនានាក្នុងការចរចាលើក្របខ័ណ្ឌសេដ្ឋកិច្ចមហាសមុទ្រឥណ្ឌា ប៉ាស៊ីហ្វិក គាំទ្រ និងសហប្រតិបត្តិការជំរុញតំបន់មេគង្គអភិវឌ្ឍន៍ប្រកបដោយសន្តិភាព និងនិរន្តរភាព ហើយអះអាងពីការគោរពមជ្ឈភាពរបស់អាស៊ាន។ ថ្នាក់ដឹកនាំទាំងពីរក៏បានឯកភាពគ្នាលើការរក្សាសន្តិភាព ស្ថិរភាព កិច្ចសហប្រតិបត្តិការ ធានាសេរីភាពនាវាចរណ៍ អាកាសចរណ៍ មិនប្រើប្រាស់ ឬគំរាមកំហែងកម្លាំងហឹង្សាក្នុងទំនាក់ទំនងអន្តរជាតិ អនុវត្តន៍សេចក្តីថ្លែងការណ៍ស្ដីពីការប្រព្រឹត្តរបស់ភាគីនានានៅសមុទ្រខាងកើត (DOC) ហើយចុះហត្ថលេខាលើក្រមប្រតិបត្តិរបស់ភាគីនានានៅសមុទ្រខាងកើត (COC) ប្រកបដោយប្រសិទ្ធភាព ឲ្យបានឆាប់ៗ ស្របតាមច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្ដីពី ច្បាប់សមុទ្រឆ្នាំ ១៩៨២។

អគ្គលេខាបក្សលោក Nguyen Phu Trong និងប្រធានាធិបតីលោក Joe Biden បានរំលឹកឡើងវិញនូវការអញ្ជើញបំពេញទស្សនកិច្ចជាន់ខ្ពស់ទៅវិញទៅមក។ ថ្នាក់ដឹកនាំទាំងពីរបានទទួលការអញ្ជើញដោយក្តីសប្បាយរីករាយផងដែរ៕

តាម​ VOV5 - វិទ្យុសម្លេងវៀតណាម

ឧបនាយករដ្ឋមន្ត្រី លោក Tran Luu Quang អញ្ជើញជូនពរព្រះសង្ឃ និងពុទ្ធសាសនិកជននៅខេត្ត Bac Ninh

ឧបនាយករដ្ឋមន្ត្រី លោក Tran Luu Quang អញ្ជើញជូនពរព្រះសង្ឃ និងពុទ្ធសាសនិកជននៅខេត្ត Bac Ninh

នាព្រឹកថ្ងៃទី២៩ ខែឧសភា ឆ្នាំ២០២៣ ឧបនាយករដ្ឋមន្ត្រី លោក Tran Luu Quang បានអញ្ជើញទៅសួរសុខទុក្ខនិងជូនពរដល់ព្រះសង្ឃ និងពុទ្ធបរិស័ទ ក្នុងឱកាសមហាពិធីបុណ្យវិសាខបូជា ពុទ្ធសករាជ ២៥៦៧ - ប្រតិទិនសុរិយគតិ ២០២៣ នៅវត្ត Ham Long (សង្កាត់ Nam Son ទីក្រុង Bac Ninh) និងវត្ត Phat Tich (ស្រុក Tien Du ខេត្ត Bac Ninh)។

Top