• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមអំពាវនាវឱ្យគ្រប់ភាគីសម្រេចកិច្ចព្រមព្រៀងឈប់បាញ់នៅអាហ្វហ្កានីស្ថានក្នុងពេលឆាប់ៗនេះ

ឯកអគ្គរដ្ឋទូតលោក Dang Dinh Quy ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិ
 

ក្រុមប្រឹក្សាសន្តិសុខអង្គការសហប្រជាជាតិបានបើកកិច្ចប្រជុំបន្ទាន់មួយនៅថ្ងៃទី ៦ ខែសីហាស្តីពីស្ថានភាពនៅអាហ្វហ្គានីស្ថាន ខណៈជម្លោះនៅក្នុងប្រទេសនេះនៅតែបន្តវិវឌ្ឍន៍យ៉ាងស្មុគស្មាញក្នុងរយៈពេលប៉ុន្មានខែកន្លងមកនេះ។

ប្រទេសជាសមាជិកក្រុមប្រឹក្សាសន្តិសុខបានថ្កោលទោស ការវាយប្រហារទៅលើជនស៊ីវិលនិងបុគ្គលិកអង្គការសហប្រជាជាតិនិងអំពាវនាវឱ្យគ្រប់ភាគីពាក់ព័ន្ធនៅអាហ្វហ្គានីស្ថាន បញ្ចប់អំពើហិង្សាក៏ដូចជាសម្រេចបាននូវលទ្ធផលដ៏សំខាន់ក្នុងការចរចាឆាប់ៗនេះ។

ឯកអគ្គរដ្ឋទូតលោក Dang Dinh Quy ប្រធានបេសកកម្មអចិន្ត្រៃយ៍វៀតណាមប្រចាំនៅអង្គការសហប្រជាជាតិបានឲ្យដឹងថា មិនអាចដោះស្រាយបញ្ហាដោយដំណោះស្រាយយោធាបានឡើយ មានតែដំណោះស្រាយនយោបាយទូលំទូលាយតែប៉ុណ្ណោះ ដែលអាចនាំមកនូវសន្តិភាពនិងស្ថិរភាពយូរអង្វែងនៅក្នុងប្រទេសនេះ។ លោកឯកអគ្គរដ្ឋទូតបានអំពាវនាវឱ្យភាគីពាក់ព័ន្ធ ឈានដល់កិច្ចព្រមព្រៀង បទឈប់បាញ់មួយយ៉ាងឆាប់ៗ ដើម្បីបង្កើតលក្ខខណ្ឌអំណោយផលសម្រាប់ដំណើរការចរចាសន្តិ ភាព។ លោកឯកអគ្គរដ្ឋទូតបានបញ្ជាក់ការគាំទ្រចំពោះកិច្ចខិតខំប្រឹងប្រែងរបស់អង្គការសហប្រជាជាតិ បេសកកម្មជំនួយរបស់អង្គការសហប្រជាជាតិនៅអាហ្វហ្គានីស្ថាន ប្រទេស អង្គការតំបន់និងដៃគូអន្តរជាតិដទៃទៀតក្នុងការគាំទ្រដំណើរការចរចាសន្តិភាពនៅអាហ្វហ្គានីស្ថាន៕

តាម VOV5 - វិទ្យុសំឡេងវៀតណាម

វៀតណាម-កម្ពុជាបង្កើនកិច្ចសហប្រតិបត្តិការសន្តិសុខ ការពារជាតិ ជំរុញ​ខ្លាំង​ការតភ្ជាប់សេដ្ឋកិច្ច

វៀតណាម-កម្ពុជាបង្កើនកិច្ចសហប្រតិបត្តិការសន្តិសុខ ការពារជាតិ ជំរុញ​ខ្លាំង​ការតភ្ជាប់សេដ្ឋកិច្ច

នាព្រឹកថ្ងៃទី ២១ ខែមីនា នៅទីក្រុងហាណូយ រដ្ឋមន្ត្រីការបរទេសវៀតណាមលោក Bui Thanh Son និងឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជា លោក ប្រាក់ សុខុន បានអញ្ជើញធ្វើជាសហប្រធាន កិច្ចប្រជុំលើកទី ២០ នៃគណៈកម្មការចម្រុះវៀតណាម-កម្ពុជា ស្តីពីកិច្ចសហប្រតិបត្តិការសេដ្ឋកិច្ច វប្បធម៌ វិទ្យាសាស្ត្រ និងបច្ចេកទេស។

Top