ថ្លែងមតិក្នុងកិច្ចប្រជុំនេះ ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស លោក Bui Thanh Son បានសង្កត់ធ្ងន់ថា ក្នុងដំណាក់កាលអស្ថិរភាពនាបច្ចុប្បន្ន សាមគ្គីភាពនិងតួនាទីមជ្ឈភាពរបស់អាស៊ាន រួមជាមួយនឹងការសន្យាយ៉ាងមុតមាំចំ ពោះការអភិវឌ្ឍប្រកបដោយបរិយាប័ន្ននិងនិរន្តរភាពនោះ បន្តជាត្រីវិស័យណែនាំ សម្រាប់សហគមន៍អាស៊ាន។ ឈរលើមូលដ្ឋាននោះ លោកឧបនាយករដ្ឋមន្ត្រី និងរដ្ឋមន្ត្រីបានស្នើទិសដៅសំខាន់ៗចំនួន៣ សម្រាប់អាស៊ាននាពេលខាងមុខ។ ទី១ ឆ្ពោះទៅរកគោលដៅក្លាយជាមហាអំណាចសេដ្ឋកិច្ចទី៤លើពិភពលោកនៅឆ្នាំ២០៣០។ អាស៊ានត្រូវបន្តផ្តល់អាទិភាពចម្បងដល់ការរក្សាកំណើនសេដ្ឋកិច្ចឲ្យរឹងមាំ។ ទីពីរ ឆ្ពោះទៅរកសហគមន៍ឌីជីថលឈានមុខគេ។ អាស៊ានចាំបាច់ត្រូវពន្លឿនការចរចា លើកិច្ចព្រមព្រៀងក្របខ័ណ្ឌស្តីពីសេដ្ឋកិច្ចឌីជីថល ដោយធានាការឆ្លើយតបនឹង តម្រូវការជាក់ស្តែង ជាពិសេសសហគ្រាសខ្នាតតូច មធ្យម និងមីក្រូ។ ទី៣ ដើម្បី កសាងសហគមន៍ដែលពិតជាផ្តោតលើប្រជាជន អាស៊ានចាំបាច់ត្រូវពង្រឹងការតភ្ជាប់ ជាមួយប្រជាជន។

នៅខាងក្រៅកិច្ចប្រជុំ AMM-58 កាលពីថ្ងៃទី ៩ កក្កដា ឧបនាយករដ្ឋមន្ត្រី និង ជារដ្ឋមន្ត្រីការបរទេស លោក Bui Thanh Son បានទទួលទានអាហារពេលព្រឹកនិង ធ្វើការជាមួយឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិ ការអន្តរជាតិកម្ពុជា លោក ប្រាក់ សុខុន និងរដ្ឋមន្ត្រីការបរទេសឡាវ លោក Thoongsavan Phomvihan; ជួបជាមួយរដ្ឋមន្ត្រីក្រសួងការបរទេស និងសហប្រតិ បត្តិការរបស់ទីម័រលេស្តេ Bendito dos Santos Freitas និងរដ្ឋមន្ត្រីការបរទេសហ្វីលីពីន Maria Theresa Lazaro៕