វៀតណាមសង្កត់ធ្ងន់ UNCLOS ជាមូលដ្ឋានគតិយុត្តិ
ដើម្បីអនុវត្តគោលដៅប្រើប្រាស់នៅមហាសាគរដោយចីរភាព
ក្នុងកិច្ចប្រជុំនាថ្ងៃទី៧ ខែមិថុនា ឆ្នាំ២០១៧នៃសន្និសីទមហាសាគរ ដោយអង្គការសហប្រជាជាតិរៀបចំឡើង អនុរដ្ឋមន្ត្រីការបរទេសវៀតណាម លោក Dang Dinh Quy បានមានបទសន្ទរកថាដោយបង្ហាញនូវការឯកភាពចំពោះពង្រាងឯកសារ” អំពាវនាវធ្វើសកម្មភាព” ដោយប្រធានបទ” មហាសាគររបស់យើង នងអនាគតរបស់យើង” របស់អង្គការសហប្រជាជាតិ។ ទន្ទឹមនឹងនោះ លោកក៏បានអះអាងថា៖ វៀតណាមគាំទ្រការខំប្រឹងប្រែងរបស់អន្តរជាតិសំដៅអនុវត្តគោលដៅលេខ ១៤ អំពីការអភិរក្សនិងប្រើប្រាស់ចីរភាពមហាសាគរសមុទ្រនិងប្រភពធនធានពីសមុទ្រ។ តាមអនុរដ្ឋមន្ត្រី លោក Dang Dinh Quy មូលដ្ឋានខាងគតិយុត្តិ ដើម្បីអនុវត្តប្រកបដោយប្រសិទ្ធភាពគោលដៅអភិវឌ្ឍន៍និរន្តរភាពលេខ ១៤ ជាបណ្ដាមាត្រានៃច្បាប់អន្តរជាតិ ដែលបានអត្ថាធិប្បាយនិងអនុវត្តតាមរបៀបដែលបានពិភពលោកទទួលស្គាល់ ពិសេសគឺអនុសញ្ញាអង្គការសហប្រជាជាតិស្ដីអំពីច្បាប់សមុទ្រ អង្គការសហប្រជាជាតិ ១៩៨២ (UNCLOS) ។ អនុរដ្ឋមន្ត្រីបានសង្កត់ធ្ងន់ថា៖ ក្នុងសភាពការណ៍ជំលោះកើតមានឡើងជាច្រើននៅតំបន់សមុទ្រទូទាំងពិភពលោក ការគោរពនិងអនុវត្តមាត្រានានាក្នុង UNCLOS នឹងធានាសន្តិសុខនិងសុវត្ថិភាពនាវាចរណ៍ ហើយបង្កើតឡើងបរិយាកាសសន្តិភាពនៅលើសមុទ្រ។ អនុរដ្ឋមន្ត្រី លោក Dang Dinh Quy ក៏បានអោយដឹងថា៖វៀតណាមបានរួមផ្សំគោលដៅអភិវឌ្ឍន៍ចីរភាពក្នុងផែនការនិងយុទ្ធសាស្ត្រអភិវឌ្ឍន៍ជាតិ៕
តាម VOV5- វិទ្យុសម្លេងវៀតណាម
