ថ្លែងមតិក្នុងជំនួបនេះ អនុរដ្ឋមន្ត្រីការបរទេសលោក Do Hung Viet រួមជាមួយប្រធាន SOM មកពីបណ្តាប្រទេសនានាបានវាយតម្លៃខ្ពស់ចំពោះការត្រៀមរៀបចំរបស់ឡាវលើគ្រប់វិស័យ ដោយអះអាងថា នឹងសម្របសម្រួលយ៉ាងជិតស្និទ្ធជាមួយប្រធានម្ចាស់ផ្ទះឡាវ ដើម្បីរួមចំណែកយ៉ាងសកម្មដល់ជោគជ័យនៃសន្និសីទ។ ក៏នៅក្នុងកិច្ចប្រជុំនេះដែរ លោកអនុរដ្ឋមន្ត្រី Do Hung Viet និងប្រមុខ SOM អាស៊ានបានពិភាក្សា និងវាយតម្លៃការអនុវត្តគំនិតផ្តួចផ្តើម និងអាទិភាពសហប្រតិបត្តិការរបស់អាស៊ានក្នុងឆ្នាំនេះ ការកសាងចក្ខុវិស័យសហគមន៍អាស៊ានឆ្នាំ ២០៤៥ ការដាក់ពង្រាយផែនទីបង្ហាញផ្លូវដើម្បីគាំទ្រទីម័រខាងកើតឱ្យក្លាយជាសមាជិកពេញសិទ្ធិរបស់អាស៊ាន ការពង្រឹងទំនាក់ទំនងការបរទេសរបស់អាស៊ាន និងបញ្ហាជាច្រើនទៀតដែលជាកង្វល់រួម។
ដោយប្រធានបទ “អាស៊ាន៖ លើកកម្ពស់ការតភ្ជាប់ និងភាពធន់” កិច្ចប្រជុំកំពូលអាស៊ានលើកទី៤៤ និងទី៤៥ គឺជាឱកាសសម្រាប់ថ្នាក់ដឹកនាំនៃប្រទេសនានាក្នុងការផ្លាស់ប្តូរ និងធ្វើការសម្រេចចិត្តជាយុទ្ធសាស្ត្រលើបញ្ហាសំខាន់ៗដែលអាស៊ាន និងតំបន់កំពុងប្រឈមមុខ ជាពិសេសការតំរង់ទិសអភិវឌ្ឍន៍របស់អាស៊ានក្នុង ពីរទសវត្សរ៍ខាងមុខ ពង្រឹងស្វ័យភាពជាយុទ្ធសាស្រ្ត និងការពឹងផ្អែកលើខ្លួនឯង ការលើកកម្ពស់តួនាទីកណ្តាលរបស់អាស៊ាន និងការលើកកម្ពស់ការតភ្ជាប់ក្នុងតំបន់៕
