• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមមានបំណងចង់ពង្រឹងកិច្ចសហប្រតិបត្តិការពហុភាគីជាមួយបណ្តាប្រទេស

ក្នុងជំនួបទាំងនេះ រដ្ឋមន្ត្រីនៃបណ្តាប្រទេសបានវាយតម្លៃខ្ពស់ចំពោះតួនាទីរបស់វៀតណាមក្នុងតំបន់ ដោយអះអាងនូវបំណងចង់ពង្រីកកិច្ចសហប្រតិបត្តិការជាមួយវៀតណាម។
  រដ្ឋមន្ត្រីការបរទេស លោក Bui Thanh Son និងទីប្រឹក្សារដ្ឋ រដ្ឋមន្ត្រីការបរទេសចិន លោក Wang Yi (រូបថត៖ VOV)  
  រដ្ឋមន្ត្រីការបរទេស លោក Bui Thanh Son និងតំណាងជាន់ខ្ពស់ EU ទទួលបន្ទុកគោលនយោបាយការបរទេស និងសន្តិសុខ Josep Borrell (រូបថត៖ VOV)  

ក្នុងក្របខ័ណ្ឌនៃកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ (AMM-៥៥) និងកិច្ចប្រជុំពាក់ព័ន្ធដែលប្រព្រឹត្តទៅនៅរាជធានីភ្នំពេញ (កម្ពុជា) នាថ្ងៃទី ៤ ខែសីហា រដ្ឋមន្ត្រីការបរទេសវៀតណាមលោក Bui Thanh Son បានអញ្ជើញជួបជាមួយសមភាគីនៃប្រទេសមួយចំនួនដើម្បីពិភាក្សាអំពីវិធីជំរុញកិច្ចសហប្រតិបត្តិការជាមួយប្រទេសនីមួយៗ។ ក្នុងជំនួបទាំងនេះ រដ្ឋមន្ត្រីនៃបណ្តាប្រទេសបានវាយតម្លៃខ្ពស់ចំពោះតួនាទីរបស់វៀតណាមក្នុងតំបន់ ដោយអះអាងនូវបំណងចង់ពង្រីកកិច្ចសហប្រតិបត្តិការជាមួយវៀតណាម។

ក្នុងជំនួបពិភាក្សារវាងលោករដ្ឋមន្ត្រីការបរទេស Bui Thanh Son និងទីប្រឹក្សារដ្ឋ និងជារដ្ឋមន្ត្រីការបរទេសចិន លោក Wang Yi, ភាគីទាំងពីរបានឯកភាពពង្រឹងកិច្ចសហប្រតិបត្តិការលើគ្រប់វិស័យ និងការជឿទុកចិត្តផ្នែកនយោបាយ រួមទាំងការផ្លាស់ប្តូរ និងទំនាក់ទំនងកម្រិតខ្ពស់ និងនៅគ្រប់កម្រិត; លុបបំបាត់ឧបសគ្គក្នុងពាណិជ្ជកម្ម  ទប់ទល់នឹងជំងឺរាតត្បាត; តភ្ជាប់ផ្លូវដែកនិងផ្លូវដែក និងជំរុញទំនាក់ទំនងរវាងប្រជាជននិងប្រជាជន។

ជួបជាមួយរដ្ឋមន្ត្រីការបរទេសឥណ្ឌា Jaishanka លោករដ្ឋមន្ត្រី Bui Thanh Son បានស្នើជំរុញកិច្ចសហប្រតិបត្តិការក្នុងអនុតំបន់មេគង្គ។ ភាគីទាំងពីរបានឯកភាពផ្តល់អាទិភាពដល់ការគ្រប់គ្រងប្រកបដោយនិរន្តរភាពនៃធនធានទឹក ឆ្លើយតបទៅនឹងការប្រែប្រួលអាកាសធាតុ និងកិច្ចសហប្រតិបត្តិការរវាងគណៈកម្មការទន្លេមេគង្គ និងទីភ្នាក់ងារជាតិសម្រាប់ទន្លេគង្គា។

ក្នុងជំនួបជាមួយតំណាងជាន់ខ្ពស់ EU ទទួលបន្ទុកគោលនយោបាយការបរទេស និងសន្តិសុខ លោក Josep Borrell លោករដ្ឋមន្ត្រី Bui Thanh Son មានបំណងចង់ឲ្យ EU និងសមាជិក EU នឹងផ្តល់សច្ចាប័នឲ្យបានឆាប់ៗខាងមុខ លើកិច្ចព្រមព្រៀងគាំពារវិនិយោគ EU-វៀតណាម (EVIPA) និងដកកាតលឿងសម្រាប់ជលផលវៀតណាម បង្កើតភាពជាដៃគូផ្លាស់ប្តូរថាមពលដោយយុត្តិធម៌ជាមួយវៀតណាម។

នាថ្ងៃដដែល លោករដ្ឋមន្ត្រី Bui Thanh Son បានជួបសន្ទនាជាមួយរដ្ឋមន្ត្រីការបរទេសបង់ក្លាដែស A.K Abdul Momentn; រដ្ឋមន្ត្រីការបរទេសប៉ាគីស្ថាន Bilawai Bhutto Zardari ផងដែរ៕

Van Do, Phung Kien - អ្នកយកព័ត៌មាន VOV ប្រចាំកម្ពុជា

តាម VOV5 - វិទ្យុសំឡេងវៀតណាម

ប្រធានរដ្ឋសភា លោក Vuong Dinh Hue៖ Ha Tinh ត្រូវប្រែក្លាយសក្តានុពល និងគុណសម្បត្តិរបស់ខ្លួន ទៅជាកម្លាំងជំរុញសម្រាប់ការអភិវឌ្ឍ

ប្រធានរដ្ឋសភា លោក Vuong Dinh Hue៖ Ha Tinh ត្រូវប្រែក្លាយសក្តានុពល និងគុណសម្បត្តិរបស់ខ្លួន ទៅជាកម្លាំងជំរុញសម្រាប់ការអភិវឌ្ឍ

នាព្រឹកថ្ងៃទី២៨ ខែឧសភា ឆ្នាំ២០២៣ នៅខេត្ត Ha Tinh ប្រធានរដ្ឋសភា លោក Vuong Dinh Hue បានអញ្ជើញចូលរួមសន្និសីទប្រកាសផែនការខេត្តដំណាក់កាល ២០២១- ២០៣០ ចក្ខុវិស័យដល់ឆ្នាំ ២០៥០ និងការជំរុញពាណិជ្ជកម្មចូលខេត្ត Ha Tinh។

Top