អនុរដ្ឋមន្ត្រីក្រសួងការបរទេសវៀតណាម លោក Nguyen Minh Vu ប្រធានគណៈកម្មការជាតិវៀតណាមទទួលបន្ទុក UNESCO បានដឹកនាំគណៈ ប្រតិភូ វៀតណាមចូលរួមសម័យប្រជុំ។ នេះជាសម័យប្រជុំលើកទី២ ដែលវៀត ណាមបានចូលជាសមាជិកគណៈកម្មាធិការបេតិកភណ្ឌពិភពលោកអាណត្តិ ២០២៣-២០២៧។
 គណៈប្រតិភូវៀតណាមចូលរួមសម័យប្រជុំលើកទី ៤៧ នៃគណៈកម្មាធិការបេតិកភណ្ឌពិភពលោក - រូបថតៈ Anh Tuan/VOV |
ថ្លែងមតិក្នុងសម័យប្រជុំ ប្រធានគណៈកម្មការជាតិវៀតណាមទទួលបន្ទុក យូណេស្កូ អនុរដ្ឋមន្ត្រី លោក Nguyen Minh Vu បានអះអាងថា វៀតណាមជានិច្ចកាលផ្តោតការយកចិត្តទុកដាក់អនុវត្តប្រកបដោយប្រសិទ្ធភាពអនុសញ្ញាបេតិកភណ្ឌពិភពលោក រួមបញ្ចូលស្មារតី និងខ្លឹមសារនៃអនុសញ្ញាទៅក្នុងច្បាប់ស្តីពីបេតិកភណ្ឌវប្បធម៌ឆ្នាំ ២០២៤ និងកម្មវិធីគោលដៅជាតិស្តីពីការអភិវឌ្ឍន៍វប្បធម៌ដំណាក់កាល ២០២៥-២០៣៥ ដោយផ្តោតលើការយក សហគមន៍និងប្រជាជនជាមជ្ឈមណ្ឌល លើកកម្ពស់ការអភិរក្ស និងតម្លៃនៃបេតិកភណ្ឌពិភពលោកចំនួន ៨ នៅវៀតណាម ធ្វើឱ្យមានតុល្យភាពការអភិរក្ស និងការអភិវឌ្ឍសេដ្ឋកិច្ចសង្គម ព្រមទាំងកិច្ចសហប្រតិបត្តិការប្រកបដោយប្រសិទ្ធភាពជាមួយមជ្ឈមណ្ឌលបេតិកភណ្ឌពិភពលោក និងទីភ្នាក់ងារប្រឹក្សាយោបល់។
វៀតណាមសន្យាបន្តរួមចំណែកដល់មូលនិធិបេតិកភណ្ឌពិភពលោក ហើយស្នើថា UNESCO និងប្រទេសជាសមាជិកបន្តពង្រឹងកិច្ចសហប្រតិបត្តិការអន្តរជាតិ អនុវត្តប្រកបដោយប្រសិទ្ធភាពអនុសញ្ញា ចែករំលែកបទពិសោធន៍ លើកកំពស់សមត្ថភាព និងលើកកម្ពស់ការចូលរួម និងការរួមចំណែករបស់សហគមន៍ ស្ត្រី និងយុវជន៕
