• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមបញ្ជាក់ជាថ្មីនូវការគាំទ្រចំពោះការអំពាវនាវរបស់អគ្គលេខាធិការអង្គការសហប្រជាជាតិសម្រាប់បទឈប់បាញ់ជាសកល

ទីស្នាក់ការកណ្តាលនៅទីស្នាក់ការអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក។ ព្រឹត្តិការណ៍នេះត្រូវបានសហការរៀបចំដោយម៉ាឡេស៊ី បង់ក្លាដែស អេក្វាឌ័រ អេហ្ស៊ីប ហ្សាម៉ាអ៊ីក ជប៉ុន អូម៉ង់ សេណេហ្គាល់ ស្លូវេនី និងស៊ុយអែត។
  ឯកអគ្គរដ្ឋទូត លោកស្រី Nguyen Phuong Tra ភារធារីវៀតណាមប្រចាំនៅអង្គការសហប្រជាជាតិ (រូបថត៖ VOV)  

នាថ្ងៃទី ២៨ មិថុនា វៀតណាមបានអះអាងជាថ្មីនូវការគាំទ្ររបស់ខ្លួនចំពោះការអំពាវនាវរបស់អគ្គលេខាធិការអង្គការសហប្រជាជាតិលោក Antonio Guterres សម្រាប់បទឈប់បាញ់ជាសាកលនៅសម័យសន្ទនាក្រោមប្រធានបទ "ពីពាក្យសម្តីទៅសកម្មភាព៖ បទឈប់បាញ់ជាសកល បន្ទាប់ពីជំងឺរាតត្បាតកូវីដ ១៩” ត្រូវបានប្រារព្ធឡើងនៅអង្គការសហប្រជាជាតិ។ ទីស្នាក់ការកណ្តាលនៅទីស្នាក់ការអង្គការសហប្រជាជាតិ នៅទីក្រុងញូវយ៉ក សហរដ្ឋអាមេរិក។ ព្រឹត្តិការណ៍នេះត្រូវបានសហការរៀបចំដោយម៉ាឡេស៊ី បង់ក្លាដែស អេក្វាឌ័រ អេហ្ស៊ីប ហ្សាម៉ាអ៊ីក ជប៉ុន អូម៉ង់ សេណេហ្គាល់ ស្លូវេនី និងស៊ុយអែត។

អញ្ជើញថ្លែងមតិក្នុងជំនួបនេះ ឯកអគ្គរដ្ឋទូតលោកស្រី Nguyen Phuong Tra ភារធារីវៀតណាមប្រចាំនៅអង្គការសហប្រជាជាតិបានចាត់ទុកថា ក្នុងពិភពអស្ថិរភាពបច្ចុប្បន្ន សហគមន៍អន្តរជាតិគួរតែដាក់អាទិភាពខ្ពស់លើការធានាការអនុលោមតាមច្បាប់អន្តរជាតិ និងធម្មនុញ្ញរបស់អង្គការសហប្រជាជាតិ ដោយបញ្ជាក់ឡើងវិញនូវតួនាទីនៃពហុភាគីនិយម និងស្ថាប័នពហុភាគីជាមួយអង្គការសហប្រជាជាតិជាមជ្ឈមណ្ឌល។ ដើម្បីជំរុញបទឈប់បាញ់ វៀតណាមជឿជាក់ថា ចាំបាច់ត្រូវតែពង្រឹងការអនុលោមតាមសេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ ដែលក្នុងនោះ អាចនឹងពិចារណាបង្កើតក្របខ័ណ្ឌមួយ ដើម្បីត្រួតពិនិត្យប្រកបដោយប្រសិទ្ធភាពនូវកិច្ចព្រមព្រៀងបទឈប់បាញ់ដែលសម្រេចបាននៅក្នុងតំបន់ជម្លោះ។

ឯកអគ្គរដ្ឋទូត លោកស្រី Nguyen Phuong Tra បានរំលឹកឡើងវិញនូវការខិតខំប្រឹងប្រែងរបស់វៀតណាមក្នុងការជម្រុញក្រុមប្រឹក្សាសន្តិសុខអង្គការសហប្រជាជាតិដើម្បីអនុម័តសេចក្តីសម្រេចចិត្តស្តីពីការការពារហេដ្ឋារចនាសម្ព័ន្ធស៊ីវិលដែលចាំបាច់សម្រាប់ជីវភាពរស់នៅរបស់ប្រជាជន ហើយបាននិយាយថា បញ្ហានេះក៏ដូចជាការធានាការចែកចាយវ៉ាក់សាំងប្រកបដោយសុវត្ថិភាពក្នុងស្ថានភាពជម្លោះ ហើយត្រូវបានយកចិត្តទុកដាក់យ៉ាងត្រឹមត្រូវ។  តំណាងវៀតណាមក៏បានសង្កត់ធ្ងន់លើសារៈសំខាន់នៃការដោះស្រាយឫសគល់នៃជម្លោះ ការលើកកម្ពស់ការកសាងសន្តិភាព និងការពង្រឹងភាពធន់យូរអង្វែងដើម្បីទប់ទល់នឹងបញ្ហាប្រឈមនាពេលអនាគត៕

តាម​ VOV5 - វិទ្យុសម្លេងវៀតណាម

វៀតណាមខិតខំប្រឹងប្រែងរួមជាមួយអាស៊ានកសាងសហគមន៍រឹងមាំ

វៀតណាមខិតខំប្រឹងប្រែងរួមជាមួយអាស៊ានកសាងសហគមន៍រឹងមាំ

នៅថ្ងៃទី៨ ខែសីហា ឆ្នាំ១៩៦៧ សេចក្តីថ្លែងការណ៍ទីក្រុងបាងកក ត្រូវបានចុះ ហត្ថលេខាជាមួយនឹងការបង្កើតសមាគមប្រជាជាតិអាស៊ីអាគ្នេយ៍ (អាស៊ាន)។ ឆ្លងកាត់ អស់រយៈពេលជាង ៥៥ ឆ្នាំនៃការគង់វង្សនិងអភិវឌ្ឍ អាស៊ានបានបង្ហាញឲ្យឃើញនូវ គំរូសហប្រតិបត្តិការតំបន់ប្រកបដោយជោគជ័យនៅលើពិភពលោក កសាង សហគមន៍ ដែលនាំមកនូវឱកាសសម្រាប់ប្រជាជនទាំងអស់។ ដោយប្រធានបទ “រួបរួមគ្នាឲ្យកាន់តែខ្លាំងមាំមួន” អាស៊ានជាថ្មីម្តងទៀតបានសង្កត់ធ្ងន់លើស្មារតីសាមគ្គីភាព ពង្រីកកម្លាំង សមូហភាពក្នុងបរិបទពិភពលោកពោរពេញទៅដោយបញ្ហាប្រឈមនាពេល បច្ចុប្បន្ន។ ក្រោមដំបូលផ្ទះរួមអាស៊ានក្នុងអំឡុងពេល ២៧ ឆ្នាំក្រោយពីបានចូលរួម វៀតណាមតែងតែខិតខំប្រឹងប្រែដើរជួរមុខក្នុងការកសាងសហគមន៍ បង្កើតឋានៈ អាស៊ានលើឆាកអន្តរជាតិ។

Top