ពិធីទទួលបដិសណ្ឋាកិច្ចអគ្គលេខាបក្សលោក Nguyen Phu Trong នៅព្រលានយន្តហោះ Soekarno-Hatta (រូបថត៖TTXVN)
ក្នុងក្របខ័ណ្ឌដំណើរទស្សនកិច្ចជាផ្លូវការនៅសាធារណៈរដ្ឋឥណ្ឌូនេស៊ី នាថ្ងៃទី២២ ខែសីហា ឆ្នាំ២០១៧ នៅរដ្ឋធានីហ្សាកាតា អគ្គលេខាបក្សកុម្មុយនីស្តវៀតណាម លោក Nguyen Phu Trong បានអញ្ជើញជួបសន្ទនា ជាមួយប្រធានក្រុមប្រឹក្សាតំណាងប្រជាជន (សភាជាន់ទាប) ឥណ្ឌូនេស៊ីលោក Setya Novanto។ នៅទីនេះ ថ្នាក់ដឹកនាំទាំង២រូបបានឯកភាពថា ប្រទេសទាំង២ចាំបាច់ត្រូវបើកទូលាយថែមទៀតទំនាក់ទំនង រវាងបក្ស រដ្ឋាភិបាល រដ្ឋសភានិងអង្គការមហាជននានា រួមចំណែកពង្រឹង និងពង្រីកទំនាក់ទំនងមិត្តភាពប្រពៃណី ដៃគូយុទ្ធសាស្ត្រ រវាងប្រទេសទាំង២នាពេលខាងមុខ។ ថ្នាក់ដឹកនាំទាំង២រូប បានឯកភាពលើការជំរុញខ្លាំង ទំនាក់ទំនងសហប្រតិបតិ្តការរវាងប្រទេសទាំង២ លើវិស័យសេដ្ឋកិច្ច ពាណិជ្ជកម្ម ខំប្រឹងប្រែងនាំទំហំពាណិជ្ជកម្មទ្វេភាគីឡើងដល់ ទៅ៨ពាន់លាន ដុល្លាអាមេរិកនាឆ្នាំ២០១៨ ហើយសំរេចគោលដៅ ១០ពាន់លានដុល្លាអាមេរិកយ៉ាងឆាប់ៗ។ ទន្ទឹមនឹងនោះ ភាគីទាំង២បន្តបង្កើនការផ្លាស់ប្ដូរព័ត៌មាននិងសហការយ៉ាងស្អិតរមួត គាំទ្រគ្នាទៅវិញទៅមកនៅវេទិកាតំបន់ និងអន្តរជាតិទៀតផង៕
តាម VOV5 - វិទ្យុសម្លេងវៀតណាម
