• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមនិងកូរ៉េខាងត្បូង ឆ្ពោះទៅការលើកកម្ពស់ទំនាក់ទំនងឡើងភាពជាដៃគូយុទ្ធសាស្ត្រលើគ្រប់ជ្រុងជ្រោយ

តបតាមការអញ្ជើញរបស់រដ្ឋមន្ត្រីការបរទេសកូរ៉េខាងត្បូងលោក Chung Eui-yong និងអគ្គលេខាធិការអង្គការសហប្រតិបត្តិការនិងអភិវឌ្ឍន៍សេដ្ឋកិច្ច (OECD) លោក Mathias Cormann រដ្ឋមន្ត្រីការបរទេសវៀតណាមលោក Bui Thanh Son នឹងអញ្ជើញទៅបំពេញទស្សនកិច្ចផ្លូវការនៅកូរ៉េខាងត្បូង និងចូលរួមក្នុងសន្និសីទថ្នាក់រដ្ឋមន្ត្រីនៃកម្មវិធីអាស៊ីអាគ្នេយ៍(SEARP) របស់ OECD ចាប់ពីថ្ងៃទី ៩-១១ ខែកុម្ភៈ។

 

រដ្ឋមន្ត្រីការបរទេសវៀតណាមលោក Bui Thanh Son និងរដ្ឋមន្ត្រីការបរទេសកូរ៉េខាងត្បូងលោក Chung Eui-yong ក្នុងដំណើរទស្សនកិច្ចផ្លូវការទៅកាន់វៀតណាមចាប់ពីថ្ងៃទី ២១-២៣ ខែមិថុនា ឆ្នាំ២០២១ (រូបថត៖ baoquocte.vn)

នេះជាដំណើរទស្សនកិច្ចលើកដំបូងរបស់រដ្ឋមន្ត្រីការបរទេសវៀតណាម ទៅកាន់កូរ៉េខាងត្បូងក្នុងរយៈពេល ៥ ឆ្នាំកន្លងមក។ រដ្ឋមន្ត្រីការបរទេសលោក Bui Thanh Son នឹងជួបពិភាក្សាការងារជាមួយមជ្ឈដ្ឋានមន្ត្រីកូរ៉េខាងត្បូង ដោយផ្តោតការពិភាក្សានិងឯកភាពលើកម្មវិធីធ្វើសកម្មភាពសម្រាប់ឆ្នាំរំលឹកខួប ក៏ដូចជាការបញ្ជាក់ពីទិសដៅសម្រាប់ទំនាក់ទំនងទ្វេភាគី នាពេលខាងមុខ ដែលថ្នាក់ដឹកនាំជាន់ខ្ពស់នៃប្រទេសទាំងពីរបានឯកភាពគ្នា។ វិស័យសហប្រតិបត្តិការជាអាទិភាពរួមមាន វិស័យការទូត នយោបាយ ការពារជាតិនិងសន្តិសុខ សេដ្ឋកិច្ច-សង្គមដើម្បីសន្តិភាព ស្ថិរភាព កិច្ចសហប្រតិបត្តិការនិងការអភិវឌ្ឍនៃប្រទេសទាំងពីរ និងតំបន់ទាំងពីរ អាស៊ីអាគ្នេយ៍-អាស៊ីឦសាន ក៏ដូចជាតំបន់ផ្សេងៗទៀតផងដែរ។ រដ្ឋមន្ត្រីលោក Bui Thanh Son នឹងចូលរួមកម្មវិធីអាស៊ីអាគ្នេយ៍របស់ OECD ក្រោមអធិបតីភាពរបស់កូរ៉េខាងត្បូង ក្នុងនាមជាសហប្រធានកម្មវិធីសម្រាប់ដំណាក់កាល ២០២២-២០២៥។ លើសពីនេះទៅទៀត តំណាងឱ្យវៀតណាមក្នុងតួនាទីជាអ្នកសម្របសម្រួលកិច្ចសហប្រតិបត្តិការអាស៊ាន-កូរ៉េខាងត្បូង ដំណាក់កាល ២០២០-២០២៣ រដ្ឋមន្ត្រីការបរទេសលោក Bui Thanh Son ក៏នឹងពិភាក្សាជាមួយដៃគូកូរ៉េខាងត្បូងលើប្រធានបទនេះផងដែរ។

ដំណើរទស្សនកិច្ចលើកនេះ គឺជាការបង្ហាញជាក់ស្តែងពីគោលការណ៍លើកកំពស់ទំនាក់ទំនងកិច្ចការបរទេសពហុភាគី ដែលមហាសន្និបាតបក្សលើកទី១៣ ទើបបានអនុម័ត ដែលក្នុងនោះវៀតណាមបានរួមចំណែកយ៉ាងម្ចាស់ការនិងសកម្ម ក្នុងវេទិកា និងរបៀបរបបពហុភាគី ដំបូងបង្អស់គឺក្នុងក្របខ័ណ្ឌអាស៊ាន ក្នុងនាមជាសមាជិកប្រកបដោយម្ចាស់ការនិងសកម្ម របស់អាស៊ាន៕ 

តាម VOV5 - វិទ្យុសំឡេងវៀតណាម​

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

បន្ទាប់ពីបានបញ្ចប់ដោយជោគជ័យនូវសកម្មភាពក្នុងក្របខ័ណ្ឌនៃដំណើរទស្សនកិច្ចផ្លូវការនៅសហព័ន្ធរុស្ស៊ី និងចូលរួមអបអរសាទរខួបលើកទី ៨០ នៃទិវាជ័យជំនះការពារជាតិដ៏មហិមា ចាប់ពីថ្ងៃទី ៨-១១ ឧសភា រសៀលថ្ងៃទី ១១ ឧសភា (ម៉ោងក្នុងស្រុក) អគ្គលេខាបក្ស លោកតូ ឡឹម និងលោកជំទាវភរិយា រួមជាមួយនឹងគណៈប្រតិភូជាន់ខ្ពស់វៀតណាម បានចាកចេញពីអាកាសយានដ្ឋាន Vnukovo ២ នៃរដ្ឋធានីម៉ូស្គូ សហព័ន្ធរុស្ស៊ី ដោយបំពេញដំណើរទស្សនកិច្ចថ្នាក់រដ្ឋទៅកាន់សាធារណរដ្ឋបេឡារុស តបតាមការអញ្ជើញរបស់ប្រធានាធិបតីនៃសាធារណរដ្ឋបេឡារុស Aleksandr Lukashenko។

Top