កិច្ចប្រជុំចង្អៀតរដ្ឋមន្រ្តីការបរទេសអាស៊ាន (AMM Retreat) ដែលបានប្រារព្ធធ្វើឡើងនាថ្ងៃទី១៧ មករា ឆ្នាំ២០២០ នៅទីក្រុង Nha Trang ប្រទេសវៀតណាម។ (រូបថត៖ baoquocte.vn)
 

កិច្ចប្រជុំ AMM ៥៣ និងកិច្ចប្រជុំពាក់ព័ន្ធនានានឹងប្រព្រឹត្តទៅចាប់ពីថ្ងៃ ទី៩ដល់ថ្ងៃទី១២ កញ្ញា តាមប្រព័ន្ធវីដេអូក្រោមអធិបតីភាពរបស់វៀត ណាម។ អញ្ជើញចូលរួមព្រឹត្តិការណ៍នេះមានគណៈប្រតិភូចំនួន២៧មកពី ប្រទេសសមាជិកអាស៊ានទាំងអស់និងប្រទេសដៃគូនៅទ្វីបចំនួន៤។
 
នៅសន្និសីទសារព័ត៌មានអន្តរជាតិនារសៀលថ្ងៃទី៧ កញ្ញានៅទីក្រុង ហាណូយ អនុរដ្ឋមន្រ្តីការបរទេសវៀតណាមលោក Nguyen Quoc Dung បានអះអាងថា វៀតណាមនឹងបន្តពង្រីកតួនាទីជាប្រធានអាស៊ានឆ្នាំ២០២០ ដោយស្មារតី “ភាពស្អិតរមួតនិងការឆ្លើយតប” ព្រមទាំងត្រៀមខ្លួន ជាស្រេចធានាឲ្យកិច្ចប្រជុំ AMM ៥៣និងកិច្ចប្រជុំពាក់ព័ន្ធនានាប្រព្រឹត្តទៅ ប្រកបដោយជោគជ័យផងដែរ។ លោកអនុរដ្ឋមន្រ្តី Nguyen Quoc Dung បានមានប្រសាសន៍ថា៖

“កិច្ចប្រជុំ AMM ៥៣ និងកិច្ចប្រជុំពាក់ព័ន្ធនានាជាបណ្ដាព្រឹត្តិការណ៍ដ៏ សំខាន់បំផុតក្នុងឆ្នាំប្រធានអាស៊ានរបស់វៀតណាម។ កិច្ចប្រជុំទាំងនេះ ប្រព្រឹត្តទៅក្នុងបរិបទដែលពិភពលោកនិងតំបន់កំពុងកើតមានឡើងការ វិវត្តន៍ដ៏ស្មុគស្មាញដោយសារការប្រកួតប្រជែងយុទ្ធសាស្ត្រដ៏តឹងរឹងរវាង ប្រទេសធំៗ ការកើនឡើងនៃភាពតានតឹងនៅតំបន់មួយចំនួន ក៏ដូចជាការ ផ្ទុះឡើងរលក Covid-19 ថ្មីៗដែលប៉ះពាល់យ៉ាងធ្ងន់ធ្ងរទៅលើស្ថានភាព សេដ្ឋកិច្ចសង្គមនៃប្រទេសសមាជិកអាស៊ានទាំងអស់ផងដែរ។ ក្នុងបរិបទ នោះ វៀតណាមបាននិងកំពុងខិតខំប្រឹងប្រែងដើម្បីសម្រេចភារកិច្ចជា ប្រធានអាស៊ានឲ្យបានល្អបំផុតដោយលើកឡើងគំនិតផ្ដួចផ្ដើមជាច្រើន រក្សា និងជំរុញកិច្ចសហប្រតិបត្តិការទាំងក្នុងការបង្ការប្រយុទ្ធប្រឆាំងជម្ងឺរាតត្បាតផង ក៏ដូចជាក្នុងការកសាងសហគមន៍ ជំរុញទំនាក់ទំនងជាមួយបណ្ដាដៃគូ និងពង្រឹងមជ្ឈភាពរបស់អាស៊ានទៀតផង”។
 
លោកអនុរដ្ឋមន្រ្តីការបរទេស Nguyen Quoc Dung បានឲ្យដឹងថា កិច្ច ប្រជុំ AMM ៥៣ គ្រោងនឹងអនុម័តលើសេចក្ដីថ្លែងការណ៍រួមមួយនិងឯកសារ ពាក់ព័ន្ធចំនួន៤០ផ្សេងទៀត ដែលផ្ដោតសំខាន់ទៅលើការសន្យាដ៏ឥត ងាករេរបស់អាស៊ានក្នុងការជំរុញការកសាងសហគមន៍អាស៊ាន ការតភ្ជាប់ សេដ្ឋកិច្ច កិច្ចសហប្រតិបត្តិការជាមួយដៃគូសន្ទនាក្នុងតំបន់ ព្រមទាំងពង្រីក កិច្ចសហប្រតិបត្តិការលើវិស័យដែលភាគីទាំងពីរមានផលប្រយោជន៍រួម សំដៅឆ្លើយតបឲ្យបានល្អថែមទៀតនឹងបញ្ហាប្រឈមដែលកំពុងលេចចេញ ក៏ដូចជាបញ្ហាផ្សេងៗទៀតដែលពាក់ព័ន្ធដល់សន្តិភាព សន្តិសុខនិងស្ថិរ ភាពផងដែរ៕

តាម VOV5 - វិទ្យុសំឡេង​វៀតណាម​