• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមតែងតែចាត់ទុកការងារបង្ការទប់ទល់នឹងគ្រោះធម្មជាតិជាកិច្ចការកំពូល

នាព្រឹកថ្ងៃទី១៣ ខែតុលា ឆ្នាំ២០២១ នៅទីក្រុងហាណូយ គណៈកម្មាធិការមជ្ឈឹមដឹកនាំការបង្ការ និងទប់ទល់គ្រោះមហន្តរាយធម្មជាតិ បានរៀបចំកិច្ចប្រជុំដើម្បីឆ្លើយតបទៅនឹងទិវាអន្តរជាតិកាត់បន្ថយហានិភ័យគ្រោះមហន្តរាយ (១៣ តុលា)។

ឧបនាយករដ្ឋមន្រ្តី លោក Le Van Thanh ប្រធានគណៈកម្មាធិការជាតិដឹកនាំការបង្ការទប់ស្កាត់គ្រោះធម្មជាតិ ប្រធានគណៈកម្មាធិការជាតិដើម្បីឆ្លើយតបគ្រោះមហន្តរាយធម្មជាតិ ស្វែងរកនិងជួយសង្គ្រោះបានធ្វើជាអធិបតីក្នុងពិធីនេះ។ អញ្ជើញចូលរួមក៏មានថ្នាក់ដឹកនាំការិយាល័យប្រចាំតំបន់របស់អង្គការសហប្រជាជាតិ លេខាធិការដ្ឋានអាស៊ាន បណ្តាឯកអគ្គរដ្ឋទូត តំណាងអង្គការអន្តរជាតិ ដៃគូក្នុងការកាត់បន្ថយហានិភ័យគ្រោះមហន្តរាយ ថ្នាក់ដឹកនាំក្រសួងទីភ្នាក់ងារមជ្ឈឹមនិងមូលដ្ឋានផងដែរ។

 

ទិដ្ឋភាពនៃពិធី (រូបថត៖ Anh Huyen)
 
ឧបនាយករដ្ឋមន្ត្រី លោក Le Van Thanh (រូបថត៖ Anh Huyen)


ថ្លែងមតិនៅទីនេះ ឧបនាយករដ្ឋមន្ត្រី លោក Le Van Thanh បានសង្កត់ធ្ងន់ថា ក្នុងនាមជាប្រទេសមួយក្នុងចំណោមប្រទេសដែលរងផលប៉ះពាល់យ៉ាងធ្ងន់ធ្ងរបំផុត ពីការប្រែប្រួលអាកាសធាតុក្នុងរយៈពេលជាច្រើនឆ្នាំកន្លងមក ការងារបង្ការទប់ទល់នឹងគ្រោះមហន្តរាយតែងតែបានវៀតណាមផ្តោតការយកចិត្តទុកដាក់ខ្លាំង ជាពិសេសក្នុងកិច្ចសហប្រតិបត្តិការអន្តរជាតិ។ វៀតណាមបានចូលរួមយ៉ាងសកម្មនៅក្នុងបណ្តាអង្គការ វេទិការអន្តរជាតិពាក់ព័ន្ធនឹងការបង្ការនិងកាត់បន្ថយគ្រោះមហន្តរាយ ដូចជាការចូលរួមក្នុងក្របខ័ណ្ឌសកម្មភាពសកល Sendai ស្តីពីការគ្រប់គ្រងហានិភ័យគ្រោះមហន្តរាយ កិច្ចព្រមព្រៀងទីក្រុងប៉ារីសស្តីពីការប្រែប្រួលអាកាសធាតុសកល ការចុះហត្ថលេខាលើពិធីសារក្យូតូនៃក្របខ័ណ្ឌអង្គការសហប្រជាជាតិស្តីពីការប្រែប្រួលអាកាសធាតុ…ទោះជាយ៉ាងណាក៏ដោយ ការប្រែប្រួលអាកាសធាតុនិងការរីករាលដាលនៃជំងឺកូវីដ ១៩ បាននិងកំពុងបង្កបញ្ហាប្រឈមជាច្រើនចំពោះការងារបង្ការទប់ស្កាត់គ្រោះមហន្តរាយ។ ទន្ទឹមនឹងការកៀរគរប្រភពធនធាននិងការចូលរួមពីសង្គមទាំងមូល វៀតណាមត្រូវការកិច្ចសហប្រតិបត្តិការជាបន្ទាន់ពីបណ្តាប្រទេសដៃគូ និងមិត្តភក្តិអន្តរជាតិ ដើម្បីការងារបង្ការនិងទប់ស្កាត់គ្រោះមហន្តរាយប្រកបដោយប្រសិទ្ធភាព នាពេលខាងមុខនេះ។

រដ្ឋាភិបាលវៀតណាមបញ្ជាក់ថា ខ្លួនតែងតែចាត់ទុកការងារបង្ការទប់ទល់គ្រោះធម្មជាតិជាកិច្ចការកំពូលជាប្រចាំដើម្បីការពារអាយុជីវិត សុខភាពនិងទ្រព្យសម្បត្តិរបស់ប្រជាជន។ វៀត ណាមវាយតម្លៃខ្ពស់និងសង្ឃឹមថា បណ្តាប្រទេស អង្គការនិងមិត្តអន្តរជាតិដទៃទៀតនឹងបន្តរួមដំណើរជាមួយវៀតណាមក្នុងការទទួលបាននូវវិទ្យាសាស្ត្រនិងបច្ចេកវិទ្យាទំនើប ដើម្បីវៀត ណាមអាចឆ្លើយតបទៅនឹងគ្រោះមហន្តរាយធម្មជាតិយ៉ាងឆាប់រហ័ស។ យ៉ាងណាមិញ វៀត ណាម ប្តេជ្ញាបង្កើតលក្ខខណ្ឌល្អបំផុតសម្រាប់អង្គការអន្តរជាតិនៅពេលអនុវត្តន៍គម្រោងជំនួយបច្ចេកទេស ការកសាងសមត្ថភាព ការផ្តល់ជំនួយសង្គ្រោះនិងជំនួយក្នុងការបង្ការនិងគ្រប់គ្រងគ្រោះធម្មជាតិ”។

ឧបនាយករដ្ឋមន្ត្រី លោក Le Van Thanh ជឿជាក់ថា ជាមួយនឹងកិច្ចខិតខំប្រឹងប្រែងនិងការសម្របសម្រួលយ៉ាងជិតស្និទ្ធនិងមានប្រសិទ្ធភាព ហានិភ័យគ្រោះធម្មជាតិនឹងត្រូវបានកាត់បន្ថយជាពុំខាន៕

តាម VOV5 - វិទ្យុសំឡេងវៀតណាម

ពិធីបុណ្យបើកព្រះត្រា Tran នានិទាឃរដូវឆ្នាំរោង ឆស័ក ២០២៤

ពិធីបុណ្យបើកព្រះត្រា Tran នានិទាឃរដូវឆ្នាំរោង ឆស័ក ២០២៤

ពិធីបុណ្យបើកព្រះត្រា Tran នៅនិទាឃរដូវ ឆ្នាំរោង ឆស័ក ២០២៤ បានប្រព្រឹត្តិទៅនាយប់ថ្ងៃទី២៣ ខែកុម្ភៈ និងព្រឹកព្រលឹមថ្ងៃទី ២៤ ខែកុម្ភៈ (ពោលគឺរាត្រីថ្ងៃទី ១៤ ព្រឹកព្រលឹមថ្ងៃទី ១៥ តាមច័ន្ទគតិ) នៅបរិវេណវិហារ Tran នៃខេត្ត Nam Dinh។

Top