នាថ្ងៃទី១១ ខែកញ្ញា ឆ្នាំ២០១៨ នៅវេទិកាបើកទូលាយ «អាស៊ាន៤.០- ឱកាសសំរាប់ទាំង អស់គ្នា» នាយកប្រតិបត្តិការទទួលបន្ទុកតំបន់អាស៊ីអាគ្នេយ៍និង ឥណ្ឌានៃ ក្រុមហ៊ុន Google លោក Rajan Anandan បានអះអាងថា វៀតណាមជាប្រទេស មានស្មារតីធុរកិច្ចចាប់ផ្តើមធ្វើអាជីវកម្មដ៏ល្អបំផុត។
វេទិកាបើកទូលាយ «អាស៊ាន៤.០- ឱកាសសំរាប់ទាំងអស់គ្នា»
«ខ្ញុំចូលចិត្តមកដល់ប្រទេសវៀតណាមណាស់។ ខ្ញុំគិតថាវៀតណាមជាប្រទេសមានស្មារតីធុរកិច្ចចាប់ផ្តើមធ្វើអាជីវកម្មដ៏ល្អបំផុត។ មនុស្សគ្រប់រូបដែលខ្ញុំបានជួបសុទ្ធតែនិយាយអំពីបដិវត្តន៍ឧស្សាហកម្ម ៤.០ និងយើងអាច ឃើញនូវសក្តានុភាពនៃខឿនសេដ្ឋកិច្ចឌីជីថលនេះតាមកំរិតកំណើន នៃ GDP។»
ផ្តោតលើបញ្ហា ហេតុអ្វីបានជាក្រុមហ៊ុន Google នៅមិនទាន់មាន វត្តមាន នៅទីផ្សារវៀតណាម លោក Rajan Anandan បានអះអាងថា វៀតណាមជាប្រទេសដ៏សែនសំខាន់ចំពោះបរិមាណអ្នកប្រើប្រាស់អ៊ីនធឺណិតជាង ៥០ លាននាក់ ដែលច្រើនជាងប្រទេសដទៃទៀតផង។ ក៏ប៉ុន្តែយុទ្ធសាស្ត្ររបស់ ក្រុមហ៊ុន Google គឺផ្តោតទៅលើប្រទេសនិមួយៗ ដើម្បីធានាមានផលិតផលល្អបំផុត ហើយមានវត្តមាននៅទីផ្សារគឺជាជំហានចុងក្រោយ។ លោក Rajan បានឲ្យដឹងទៀតថា លោកកំពុងពិភាក្សាជាមួយរដ្ឋាភិបាលវៀតណាមអំពីគោលនយោបាយពាក់ព័ន្ធមួយចំនួនទៀត។ តំណាងក្រុមហ៊ុន Google រូបនេះក៏បានបន្តថា ក្រុមហ៊ុន Google ផ្តោតទៅលើការបណ្តុះបណ្តាលខាងជំនាញវិជ្ជាជីវៈពីសំណាក់និស្សិតដល់សហគ្រាសខ្នាតតូចនិងមធ្យមផងដែរ៕
តាម VOV5 - វិទ្យុសម្លេងវៀតណាម
