• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមជានិច្ចកាលខិតខំប្រឹងប្រែងកសាង និងអនុវត្តគោលនយោបាយស្ដីពីកិច្ចការពារ និងជំរុញសិទ្ធិមនុស្ស

វៀតណាមក៏បានចែករំលែកគំនិតជឿនលឿនអំពីសិទ្ធិមនុស្សដែលត្រូវបានអង្គការសហប្រជាជាតិបញ្ជាក់ក្នុងសេចក្តីប្រកាស និងឯកសារសំខាន់ៗផ្សេងទៀត។
  ទិដ្ឋភាពទូទៅនៃការប្រារព្ធទិវាសិទ្ធិមនុស្សអន្តរជាតិ ។ រូបថត៖ Anh Son/ baoquocte.vn  

នាថ្ងៃទី១២ ខែធ្នូ ឆ្នាំ២០២២ នៅទីក្រុងហាណូយ ក្រសួងការបរទេសវៀតណាមបាន សហការជាមួយកម្មវិធីអភិវឌ្ឍន៍អង្គការសហប្រជាជាតិ (UNDP) រៀបចំពិធីអបអរសាទរទិវាសិទ្ធិមនុស្សអន្តរជាតិ (១០ ធ្នូ)។ ព្រឹត្តិការណ៍នេះមានការចូលរួមពីប្រតិភូជាច្រើន ដែលជាប្រធានតំណាងទីភ្នាក់ងារអង្គការសហប្រជាជាតិ អង្គការអន្តរជាតិ និងស្ថាប័នការទូតនៅវៀតណាម រួមជាមួយតំណាងក្រសួង ស្ថាប័ន ស្ថាប័នមជ្ឈិម និងមូលដ្ឋាន អង្គការសង្គម-នយោបាយ និងវិជ្ជាជីវៈនៅវៀតណាមដែលកំពុងប្រតិបត្តិការលើវិស័យសិទ្ធិមនុស្ស។

អញ្ជើញថ្លែងមតិក្នុងពិធីបើក អនុរដ្ឋមន្ត្រីការបរទេសវៀតណាម លោក Ha Kim Ngoc បានបញ្ជាក់ថា ក្នុងរយៈពេល ៧៤ ឆ្នាំកន្លងមកនេះ ចាប់តាំងពីពេលដែលត្រូវបានមហាសន្និបាតអង្គការសហប្រជាជាតិធ្វើការអនុម័តមក  សេចក្តីប្រកាសជាសកលស្តីពីសិទ្ធិមនុស្សបានបង្ហាញពីសេចក្តីប្រាថ្នា គោលដៅ និងតម្រូវការទូទៅរបស់មនុស្សជាតិស្ដីពីសិទ្ធិមនុស្ស។ លោកអនុរដ្ឋមន្ត្រី Ha Kim Ngoc បានអះអាងថា វៀតណាមក៏បានចែករំលែកគំនិតជឿនលឿនអំពីសិទ្ធិមនុស្សដែលត្រូវបានអង្គការសហប្រជាជាតិបញ្ជាក់ក្នុងសេចក្តីប្រកាស និងឯកសារសំខាន់ៗផ្សេងទៀត។ វៀតណាមជានិច្ចកាលបានប្តេជ្ញាចិត្ត និងខិតខំប្រឹងប្រែងកសាង និងអនុវត្តន៍គោលនយោបាយការពារ និងលើកកម្ពស់សិទ្ធិមនុស្ស សម្រេចបានលទ្ធផលលេចធ្លោដែលត្រូវបានទទួលស្គាល់ និងកោតសរសើរដោយសហគមន៍អន្តរជាតិ។ ឧទាហរណ៍ថា នាពេលថ្មីៗនេះ គឺការដែលវៀតណាមត្រូវបានបោះឆ្នោតជាសមាជិកក្រុមប្រឹក្សាសិទ្ធិមនុស្សអង្គការសហប្រជាជាតិសម្រាប់អាណត្តិ ២០២៣-២០២៥។

នៅក្នុងសុន្ទរកថាបើក អ្នកសម្របសម្រួលអង្គការសហប្រជាជាតិប្រចាំនៅវៀតណាម លោកស្រី Pauline Tamesis បានអបអរសាទរចំពោះ វៀតណាមដែលត្រូវបានជាប់ឆ្នោតជាក្រុមប្រឹក្សាសិទ្ធិមនុស្សអាណត្តិ ២០២៣-២០២៥ ហើយបាននិយាយថា នេះគឺជាឱកាសដ៏សំខាន់ដើម្បីបង្ហាញពីការខិតខំប្រឹងប្រែងដើម្បីការពារ និង លើកកម្ពស់សិទ្ធិសេដ្ឋកិច្ច សង្គម វប្បធម៌ ស៊ីវិល និងនយោបាយ ស្របតាមស្តង់ដារសិទ្ធិមនុស្សអន្តរជាតិផងដែរ៕

តាម VOV5 - វិទ្យុសំឡេង​វៀតណាម

ក្នុងឆមាសទី២ ឆ្នាំ២០២៤ ការនាំចេញទៅកាន់សហភាពអឺរ៉ុបអាចកើនដល់ជាង ៥០ពាន់លានដុល្លារអាមេរិក

ក្នុងឆមាសទី២ ឆ្នាំ២០២៤ ការនាំចេញទៅកាន់សហភាពអឺរ៉ុបអាចកើនដល់ជាង ៥០ពាន់លានដុល្លារអាមេរិក

ចំណុចភ្លឺបំផុតដែលឃើញនៅក្នុងការធ្វើស្ថិតិរបស់ក្រសួងឧស្សាហកម្ម និងពាណិជ្ជកម្ម គឺការនាំចេញក្នុងឆមាសទី ១ ឆ្នាំ ២០២៤ ឈានដល់ ២៤.៥ ពាន់លានដុល្លារអាមេរិក កើនឡើង ១៤.១% បើធៀបនឹងរយៈពេលដូចគ្នាកាលពីឆ្នាំមុន។

Top