វៀតណាមចូលរួមសន្និសីទរដ្ឋមន្ត្រីការបរទេសក្រុម G20
នាយប់ថ្ងៃទី១៦ ខែកុម្ភះ ឆ្នាំ២០១៧ (តាមម៉ោងវៀតណាម) សន្និសីទរដ្ឋមន្ត្រីការបរទេសក្រុមបណ្ដាខឿនសេដ្ឋកិច្ចអភិវឌ្ឍន៍ និងទើបលេចចេញជួរមុខលើពិភពលោក (G20) បានប្រារព្វឡើងនៅទីក្រុង Bonn (ប្រទេសអាលឺម៉ង់)។ ឧបនាយករដ្ឋមន្ត្រីវៀតណាម លោក Pham Binh Minh បានដឹកនាំគណៈប្រតិភូវៀតណាមអញ្ជើញចូលរួមសន្និសីទ។
ក្នុងក្របខ័ណ្ឌចូលរួមសន្និសីទលើកនេះ នារសៀលថ្ងៃទី១៦ ខែកុម្ភះ ឆ្នាំ២០១៧ឧបនាយករដ្ឋមន្ត្រីវៀតណាម លោក Pham Binh Minh បានអញ្ជើញចូលរួម និងថ្លែងមតិនៅកិច្ចប្រជុំ ស្ដីអំពី៖របៀបវារះឆ្នាំ២០៣០ ដើម្បីការអភិវឌ្ឍន៍ចីរភាព។ ដោយមានសារ “បង្កើនទំនាក់ទំនងដៃគូសកល ដើម្បីទទួលអោយបានគោលដៅ នៃរបៀបវារះឆ្នាំ២០៣០” ឧបនាយករដ្ឋមន្ត្រី លោក Pham Binh Minh បានសង្កត់ធ្ងន់ទៅលើការបង្កើនកិច្ចសហប្រតិបត្តិការសកល ក្នុងការអនុវត្តកិច្ចសន្យា និងគោលដៅរបៀបវារះឆ្នាំ២០៣០ ដោយមានផែនការ និងវិធានការណ៍ជាក់ស្ដែង ស្នើអោយបណ្ដាប្រទេសG20 បង្កើនជំនួយសំរាប់ប្រទេសកំពុងអភិវឌ្ឍន៍ ជាពិសេសគឺក្នុងវិស័យហេដ្ឋារចនាសម្ព័ន្ធ អភិវឌ្ឍន៍ប្រភពធនធានមនុស្ស និងទប់ទល់នឹងបំរ៉ែបំរួលអាកាសធាតុ។ ឧបនាយករដ្ឋមន្ត្រី ក៏បានវាយតំលៃអំពីការស្ថិរភាព របស់ខឿនសេដ្ឋកិច្ចសកល ជាលក្ខណះចាំបាច់សំរាប់ការអភិវឌ្ឍន៍ចីរភាពជាពិសេសគឺ ចំពោះប្រទេសកំពុងអភិវឌ្ឍន៍។ ឧបនាយករដ្ឋមន្ត្រីក៏បានអះអាងថា៖ ដោយមានតួនាទីជាប្រទេសម្ចាស់ផ្ទះឆ្នាំ APEC 2017 វៀតណាមកំពុងរួមសហការជិតស្និទ្ធ ជាមួយខឿនសេដ្ឋកិច្ចជាសមាជិក APEC ខំប្រឹងប្រែងជំរុញការអភិវឌ្ឍន៍ចីរភាព ច្នៃប្រឌិត និងគ្រប់ដណ្ដប់។ នៅខាងក្រៅសន្និសីទ ឧបនាយករដ្ឋមន្ត្រី លោក Pham Binh Minh ក៏មានជំនួបសន្ទនាជាមួយរដ្ឋមន្ត្រីការបរទេសអេស្ប៉ាញ លោក Alfonso Dastis និងរដ្ឋមន្ត្រីការបរទេសសអាលឺម៉ង់ លោក Sigma Gabriel ផងដែរ៕
តាម VOV5 - វិទ្យុសំឡេងវៀតណាម
