• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមខិតខំប្រឹងប្រែងរួមជាមួយសហគមន៍អន្តរជាតិឆ្លើយតបនឹងការប្រែប្រួល អាកាសធាតុ

វៀតណាមកំពុងដាក់ពង្រាយសកម្មភាពជាក់ស្ដែងជាច្រើន ដើម្បីឆ្លើយនឹងការ ប្រែប្រួលអាកាសធាតុ ក្រោយពីកិច្ចប្រជុំលើកទី២៦ បណ្ដាភាគីដែលចូលរួមអនុសញ្ញា ក្របខ័ណ្ឌអង្គការសហប្រជាជាតិ (អ.ស.ប) ស្តីពីការប្រែប្រួលអាកាសធាតុ (COP២៦) នៅចក្រភពអង់គ្លេស (ខែវិច្ឆិកា ២០២១)។ នេះគឺជាការបោះជំហានដ៏សមស្រប ដើម្បី អនុវត្តន៍ជាក់ស្ដែងគោលដៅអភិវឌ្ឍ ប្រទេសជាតិប្រកប ដោយសុខដុមរមនា ចីរភាព លើគ្រប់ជ្រុងជ្រោយ។ រាល់កិច្ចខិតខំប្រឹងប្រែងរបស់វៀតណាមក៏ទទួលបានការវាយ តម្លៃវិជ្ជមានពី សាធារណៈ មតិអន្តរជាតិផងដែរ។
  នាយករដ្ឋមន្ត្រីវៀតណាមលោក Pham Minh Chinh អញ្ជើញថ្លែងនៅកិច្ចប្រជុំ COP២៦។ (រូបថត៖ VNA)  

ការឆ្លើយតបនឹងការប្រែប្រួលអាកាសធាតុ ការកាត់បន្ថយការបំភាយឧស្ម័ន កាបូន និងការអភិវឌ្ឍប្រកបដោយចីរភាព គឺជានិន្នាការដែលមិនអាចបញ្ច្រាសបាន ឡើយ។ នេះគឺជាបញ្ហា សកលដែលប៉ះពាល់ដល់ប្រជាជនទាំងអស់។ រដ្ឋាភិបាល វៀតណាមបានកំណត់ថា ក្នុងគ្រប់សកម្មភាព ត្រូវតែយកប្រជាជនជាគោលដៅ កម្លាំងជំរុញ មជ្ឈភាព និងជាម្ចាស់កម្មវត្ថុដើម្បីអនុវត្តន៍។

សកម្មភាពជាក់លាក់

ភ្លាមៗបន្ទាប់ពីកិច្ចប្រជុំ COP២៦ នាយករដ្ឋមន្ត្រីវៀតណាមលោក Pham Minh Chinh បានបង្កើតគណៈកម្មការជាតិដឹកនាំការអនុវត្តការសន្យារបស់វៀតណាម។ រដ្ឋមន្ត្រីក្រសួងធនធាននិងបរិស្ថាន ក៏បានបង្កើតក្រុមជំនួយការគណៈកម្មការដឹកនាំ ផងដែរ។ ថ្លែងនៅកិច្ចប្រជុំលើកទី១នៃគណៈកម្មការដឹកនាំ (នៅពាក់កណ្តាល ខែមករា ឆ្នាំ២០២២) លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា៖

បើយើបានជាធ្វើហើយគឺត្រូវតែធ្វើឲ្យមានប្រសិទ្ធភាព។ ប្រសិទ្ធភាពសម្រាប់ប្រជាជន និង ប្រទេសជាតិ។ យកថ្នាក់មូលដ្ឋានជាគ្រឹះដើម្បីដាក់ពង្រាយបណ្ដាកម្មវិធី។ ត្រូវគួបផ្សំ គ្នាប្រកបដោយសុខដុមរមនា ប្រសិទ្ធភាព និងសមហេតុផល រវាងការផ្លាស់ប្តូរបៃតង ការផ្លាស់ប្ដូរឌីជីថល ព្រមទាំងកៀរគរកម្លាំងចម្រុះនៃប្រព័ន្ធនយោបាយទាំងមូល កៀរគរប្រភពធនធាននៅក្នុងនិងក្រៅប្រទេស ធនធានរបស់រដ្ឋនិងឯកជន ទើបយើង អាចធ្វើបាន

រដ្ឋាភិបាលវៀតណាមក៏បានត្រួតពិនិត្យ កែសម្រួលយុទ្ធសាស្ត្រ ផែនការមេ ពាក់ព័ន្ធឲ្យបានស្របតាមគោលដៅអំពីការបំភាយឧស្ម័នសូន្យសុទ្ធនៅត្រឹមឆ្នាំ២០៥០; ម្ចាស់ការ សកម្មធ្វើការជាមួយអង្គការអន្តរជាតិ ដៃគូអភិវឌ្ឍនានា ដើម្បីទាញយក ប្រយោជន៍ពីកិច្ចសហប្រតិបត្តិការផ្នែកហិរញ្ញវត្ថុ បច្ចេកវិទ្យា លើកកំពស់សមត្ថភាព អនុវត្តកិច្ចព្រមព្រៀងទីក្រុងប៉ារីស និងការសន្យានៅកិច្ចប្រជុំCOP២៦ ផងដែរ។ វៀតណាមបានកសាងផែនការបម្លែងថាមពលធ្យូងថ្មទៅជាថាមពលស្អាត; កៀរគរ ប្រភពធនធានសម្រាប់វិនិយោគលើហេដ្ឋារចនាសម្ព័ន្ធប្រកបដោយភាពធន់នឹងការប្រែប្រួលអាកាសធាតុ ហើយអនុវត្តន៍យុទ្ធសាស្ត្រជាតិស្តីពីកំណើនបៃតង រួមចំណែកដល់ ការសម្រេចបានគោលដៅនានាដែលបានសន្យា; បង្កលក្ខណៈអំណោយផលសម្រាប់ វិនិយោគិនចូលមកវៀតណាមអនុវត្តន៍គម្រោងឆ្លើយតបនឹងការប្រែប្រួលអាកាសធាតុ អភិវឌ្ឍន៍ថាមពលកកើតឡើងវិញ ជាដើម។

វៀតណាមក៏កំពុងជំរុញខ្លាំងការកសាងសេចក្តីព្រាងយុទ្ធសាស្ត្រជាតិស្តីពីការប្រែប្រួលអាកាសធាតុរហូតដល់ឆ្នាំ ២០៥០។ បើប្រៀបធៀបនឹងយុទ្ធសាស្ត្រមុន ដែល ត្រឹមតែផ្តោតលើប្រសិទ្ធភាពនៃការកាត់បន្ថយការបំភាយឧស្ម័នផ្ទះកញ្ចក់ប៉ុណ្ណោះ លក្ខណៈវិនិច្ឆ័យសម្រាប់កំណត់វិធានការកាត់បន្ថយ លើកនេះគឺផ្អែកលើ និន្នាការ អភិវឌ្ឍសេដ្ឋកិច្ច-សង្គមជាតិ លើឧស្សាហកម្ម/វិស័យនានាដែលមានលទ្ធភាពកាត់ បន្ថយការបំភាយឧស្ម័នផ្ទះកញ្ចក់ ដោយមានការពិចារណាលើហានិភ័យនិង បញ្ហាប្រឈមដែលអាចកើត មានឡើងព្រមទាំងផ្ដល់អាទិភាពដល់ការ ទាញយប្រយោជន៍ពីបច្ចេកវិទ្យាដែលមាន ស្រាប់ទាំងក្នុងស្រុកនិងអន្តរជាតិផងដែរ។

រួមដំណើរជាមួយសហគមន៍អន្តរជាតិ

ចាប់ពីដើមឆ្នាំ២០២២មក វៀតណាមបានទទួលស្វាគមន៍ ហើយធ្វើការជាមួយ គណៈប្រតិភូអន្តរជាតិនានាដូចជា លោក Alok Kumar Sharma រដ្ឋមន្ត្រី ប្រធាន COP២៦ និងលោក Frans Timmermans អនុប្រធានប្រតិបត្តិនៃគណៈកម្មាធិការអឺរ៉ុប (EC) ហើយនាពេលថ្មីបំផុតគឺ បេសកជនពិសេសរបស់ប្រធានាធិបតីអាមេរិកទទួល បន្ទុកការប្រែប្រួលអាកាសធាតុលោក John Kerry។  នេះគឺជាសក្ខីភាពដ៏រស់រវើកនៃ ការយកចិត្តទុកដាក់ពិសេសរបស់សហគមន៍អន្តរជាតិចំពោះវៀតណាមក្រោយពីកិច្ច ប្រជុំ COP២៦។

ចាប់អារម្មណ៍ចំពោះការខិតខំប្រឹងប្រែងរបស់វៀតណាមសំដៅអនុវត្តន៍ជាក់ស្ដែងការសន្យានៅ COP២៦ លោក Alok Sharma រដ្ឋមន្ត្រីនិងជាប្រធាន COP២៦ បាន ចាត់ទុកថា វៀតណាមមានឱកាសជាច្រើន នៅពេលដែលជាប្រទេសមួយក្នុងចំណោម ប្រទេស មានកំណើនសេដ្ឋកិច្ចលឿនបំផុតលើពិភពលោក ប៉ុន្តែក៏ជាប្រទេសដែលមាន ហានិភ័យខ្ពស់ដោយការប្រែប្រួលអាកាសធាតុផងដែរ។ លោកក៏មានការចាប់អារម្មណ៍ ចំពោះការដែលលោកនាយករដ្ឋមន្ត្រីវៀតណាមបានបង្កើតគណៈកម្មការជាតិយ៉ាងឆាប់រហ័ស ហើយដឹកនាំគណៈកម្មការនេះដោយផ្ទាល់។ ប្រការនេះនាំមកនូវជំនឿ ទុកចិត្តដ៏ធំធេងជូនវិនិយោគិនបរទេស។ ចែករំលែកអំពីថាមពលកកើតឡើងវិញ រដ្ឋមន្ត្រី ប្រធាន COP២៦ លោក Alok Sharma មានប្រសាសន៍ថា៖

ការប្រែប្រួលអាកាសធាតុមិនរើសអើងព្រំដែនរវាងបណ្ដាប្រទេសនោះឡើយ។ ហេតុនេះហើយ ជាមួយនឹងសេណារីយ៉ូថា ប្រសិនបើសីតុណ្ហភាពផែនដីកើនឡើង ២អង្សាសេនោះ ៤០%នៃតំបន់ដីសណ្ដទន្លេ Cuu Long នឹងរងផលប៉ះពាល់។ ដូច្នេះ ហើយ វានឹងប៉ះពាល់ដល់មនុស្សចំនួន១៧លាននាក់ ក៏មានន័យថារបររកស៊ីចំនួន ១៧លានក៏រងផលប៉ះពាល់ដោយការប្រែប្រួលអាកាសធាតុផងដែរ ដែលនឹងបង្កឡើង ការខាតបង់សេដ្ឋកិច្ច។ ដូច្នេះប្រសិនបើយើងមិនធ្វើអ្វីសោះ ការ ខូចខាតនឹងខ្ពស់ជាង ច្រើនដងបើធៀបនឹងការចំណាយ នៅពេលយើងធ្វើសកម្មភាព... យើងខ្ញុំគាំទ្រយ៉ាង ពេញទំហឹង ហើយសប្បាយចិត្តយ៉ាងខ្លាំងនៅពេលដែលវៀតណាមចែករំលែកអំពីការ បង្កើនសមាមាត្រនៃថាមពលកកើតឡើងវិញដើម្បីឆ្ពោះទៅរកគោលដៅប្រែក្លាយវាទៅ ជាប្រភពថាមពលស្នូលរបស់វៀតណាម

ភាពម្ចាស់ការនិងសកម្មរបស់វៀតណាមក្នុងការអនុវត្តដំណោះស្រាយ ដើម្បី ឆ្លើយតបនឹងការប្រែប្រួលអាកាសធាតុ បានបង្ហាញពីការទទួលខុសត្រូវរបស់ វៀតណាមចំពោះសហគមន៍អន្តរជាតិ។ ប្រការនេះក៏បានរួមចំណែកដល់ការសម្រេច គោលដៅអភិវឌ្ឍរបស់វៀតណាមតាមទិសដៅ ប្រកបដោយសុខដុមរមនា ចីរភាព និងគ្រប់ជ្រុងជ្រោយផងដែរ៕ 

តាម VOV5 - វិទ្យុសំឡេងវៀតណាម

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

ក្រោយបុណ្យតេត ភ្ញៀវទេសចរនៅតែមកទស្សនាទីក្រុង Da Lat ក៏ដូចជា ខេត្ត Lam Dong ផងដែរ។ មន្ទីរវប្បធម៌ កីឡា និងទេសចរណ៍ខេត្ត Lam Dong កាលពីថ្ងៃទី ២៧ មករា បានឲ្យដឹងថា ចាប់ពីថ្ងៃទី ២០ ដល់ថ្ងៃទី ២៩ ខែមករា បរិមាណភ្ញៀវសរុបមកទស្សនា និងសម្រាកលំហែកាយនៅខេត្ត Lam Dong ត្រូវបានគេប៉ាន់ប្រមាណមានចំនួន ២៥ មឺនលើកនាក់ កើន ២,៥ ដងបើប្រៀប ធៀបនឹងឱកាសបុណ្យតេត ឆ្នាំ ២០២២។

Top