អគ្គលេខាបក្ស លោក Nguyen Phu Trong បានស្វាគមន៍ចំពោះដំណើរទស្សនកិច្ចនៅវៀតណាមរបស់ប្រធានរដ្ឋសភាសិង្ហបុរីដោយសម្តែងជំនឿជាក់ថា ដំណើរទស្សនកិច្ចនេះនឹងជាព្រឹត្តិការណ៍សំខាន់ក្នុងបរិបទដែលប្រទេសទាំងពីរកំពុងឆ្ពោះទៅរកខួបលើកទី ៥០ នៃការបង្កើតទំនាក់ទំនងការទូត និង ១០ ឆ្នាំនៃការបង្កើតទំនាក់ទំនងភាពជាដៃគូយុទ្ធសាស្ត្ររវាងប្រទេសទាំងពីរនៅឆ្នាំ២០២៣។ លោកអគ្គលេខាបក្សបានវាយតម្លៃខ្ពស់ចំពោះលទ្ធផលនៃកិច្ចពិភាក្សារវាងប្រធានរដ្ឋសភានៃប្រទេសទាំងពីរ ហើយស្នើឱ្យរដ្ឋសភាទាំងពីរបន្តសុក្រិតច្បាប់ និងយន្តការ ចាត់វិធានការជាក់លាក់ ដើម្បីអនុវត្តន៍កិច្ចសហប្រតិបត្តិការរវាងប្រទេសទាំងពីរ។
ជាការឆ្លើយតប លោកប្រធានរដ្ឋសភា Tan Chuan-jin បានអះអាងថា សិង្ហបុរីយកចិត្តទុកដាក់យ៉ាងខ្លាំងចំពោះការអភិវឌ្ឍទំនាក់ទំនងជាមួយវៀតណាម ជំរុញសមិទ្ធិផលនានា ពង្រីកកិច្ចសហប្រតិបត្តិការក្នុងដំណាក់កាលថ្មីដូចជា បច្ចេកវិទ្យាឌីជីថល ប្រយុទ្ធប្រឆាំងនឹងបម្រែបម្រួលអាកាសធាតុ និងការអភិវឌ្ឍប្រកបដោយចីរភាព។ ប្រធានរដ្ឋសភាសិង្ហបុរីបានជម្រាបជូនលោកអគ្គលេខាបក្សអំពីលទ្ធផលនៃកិច្ចពិភាក្សាការងារជាមួយប្រធានរដ្ឋសភា លោក Vuong Dinh Hue រួមទាំងការចុះហត្ថលេខាលើអនុស្សារណៈយោគយល់គ្នាស្តីពីកិច្ចសហប្រតិបត្តិការរវាងភាគីទាំងពីរ ឯកភាពពង្រឹងការផ្លាស់ប្តូរ និងទំនាក់ទំនងរវាងភាគីទាំងពីរ សមាជិកសភា កិច្ចសហប្រតិបត្តិការរវាងគណៈកម្មាធិការជំនាញ ការចែករំលែកបទពិសោធន៍ក្នុងវិស័យសកម្មភាពរបស់រដ្ឋសភាទាំងពីរ និងកិច្ចសហប្រតិបត្តិការនៅវេទិកាអន្តរជាតិផងដែរ៕
