នាថ្ងៃទី ១៤ និង ១៥ ឧសភា ប្រធានរដ្ឋលោក Nguyen Xuan Phuc និងបេក្ខជនបានជួបសំណេះសំណាលជាមួយម្ចាស់ឆ្នោតនៅស្រុកចំនួន ២ គឺ Cu Chi និង Hoc Mon នៃទីក្រុងហូជីមិញ។

ថ្លែងក្នុងពិធីជួបសំណេះសំណាលនេះ ប្រធានរដ្ឋ លោក Nguyen Xuan Phuc បានសង្កត់ធ្ងន់ថា៖ “ប្រសិនបើខ្ញុំទទួលបានការទុកចិត្តពីម្ចាស់ឆ្នោត រូបខ្ញុំផ្ទាល់នឹងព្យាយាមអស់ពីសមត្ថភាព ដើម្បីបម្រើប្រទេសជាតិ និងប្រជា ជន។ ដូច្នេះ ដំបូងបង្អស់គឺត្រូវបំពេញការទទួលខុសត្រូវ ជាតំណាងរបស់ប្រជាជន ហើយត្រូវស្តាប់យោបល់ គំនិតនិងសេចក្តីប្រាថ្នារបស់ម្ចាស់ឆ្នោត ដើម្បីរាយការណ៍ជូនរដ្ឋសភា ជូនបក្ស រដ្ឋនិងស្ថាប័នមានសមត្ថកិច្ចជាបន្ទាន់ រួមទាំងដោះស្រាយញត្តិនិងយោបល់ស្របច្បាប់របស់ម្ចាស់ឆ្នោតនៅកន្លែងដែលខ្លួន ឈរឈ្មោះបោះឆ្នោត។ ចំណែកទីក្រុង ហូជីមិញ ខ្ញុំត្រូវចូលរួមវិភាគទានយ៉ាងសកម្ម ព្រមទាំងចូលរួមលើកកម្ពស់គុណភាពនិងប្រសិទ្ធ ភាពរបស់គណៈប្រតិភូរដ្ឋសភាទីក្រុងហូជីមិញ ព្រោះនេះជាគណៈប្រតិភូធំជាងគេនៅក្នុងប្រទេស ហើយតួនាទីនិងការចូលរួមចំណែករបស់គណៈប្រតិភូក្នុង ការបង្កើតគោលនយោបាយនិងច្បាប់ គឺធំធេងណាស់”។

នៅក្នុងពិធី ម្ចាស់ឆ្នោតជាច្រើនបានបង្ហាញនូវជំនឿចិត្តរបស់ខ្លួនចំពោះបេក្ខជន ជាពិសេសរំពឹងទៅលើការដែលប្រសិនបើប្រធារដ្ឋត្រូវបានជាប់ឆ្នោតនឹងរួមចំណែក នាំទីក្រុងហូជីមិញអភិវឌ្ឍន៍កាន់តែខ្លាំងក្លាថែមទៀត៕

តាម​ VOV5 - វិទ្យុសម្លេងវៀតណាម