នាឱកាសបុណ្យចូលឆ្នាំថ្មីប្រពៃណី ថ្ងៃទី៤ ខែមេសា លោកនាយករដ្ឋមន្រ្តីនៃរដ្ឋាភិបាល ង្វៀន ស្វឹនភុក (Nguyen Xuan Phuc) បានផ្ញើសំបុត្រជូនពរបុណ្យចូលឆ្នាំថ្មីទៅដល់បងប្អូនជនរួមជាតិ សមមិត្ត និង ព្រះសង្ឃ។ លោកនាយករដ្ឋមន្រ្តីមានប្រសាសន៍ថា៖
ស្រប់ក្នុងឱកាសបុណ្យចូលឆ្នាំថ្មីប្រពៃណីរបស់ជនរួមជាតិខ្មែរឆ្នាំកុរឯកស័ក២០១៩ ជំនួសមុខថ្នាក់ដឹកនាំបក្ស រដ្ឋ ខ្ញុំ សូមគោរពផ្ញើជូនដល់ជនរួមជាតិខ្មែរ សមមិត្ត និងព្រះសង្ឃនូវវាចាសួរសុខទុក្ខយ៉ាងកក់ក្តៅ និង ប្រសិទ្ធិពរឆ្នាំថ្មីបវរសួស្តីមហាប្រសើរ។
ក្នុងប៉ុន្មានឆ្នាំកន្លង ដោយការសាមគ្គី ឯកភាព រួមកម្លាំងកាយចិត្តទូទាំងបក្ស ទូទាំងប្រជាជន និង ទូទាំងកងទ័ព ប្រទេសយើងសម្រេចបានសមទ្ធិផលសំខាន់ៗជាច្រើន និង គ្រប់ជ្រុងជ្រោយលើរាល់វិស័យ។ ជីវភាពប្រជាជនបានកែលម្អយ៉ាងច្បាស់ ធ្លុងមហាសាមគ្គីជនជាតិត្រូវបានពង្រីកយ៉ាងរឹងមាំ។ ក្នុងសមិទ្ធផលនៃការរីកចម្រើនរួមរបស់ប្រទេសជាតិ មានការខិតខំខ្នះខ្នែង រួមចំណែកដីធំធេងរបស់ជនរួមជាតិ សមមិត្ត និង ព្រះសង្ឃខ្មែរ។
ឆ្នាំ២០១៩ ជាឆ្នាំដែលយើងគ្រប់គ្នារំលឹកខួបអនុស្សាវរីយ៍លើកទី៥០ឆ្នាំ នៃការអនុវត្តមត៌កសាសន៍ ដីឧត្តង្គឧត្តម របស់លោកប្រធានហូជីមិញជាទីគោរព។ ខ្ញុំសង្ឃឹមថា ជនរួមជាតិ សមមិត្ត និង ព្រះសង្ឃ សាមគ្គី ខិតខំប្រឹងប្រែងជាបន្ត ដើម្បីសម្រេចបានស្នាដៃកាន់តែធំធេងជាងទៀត ក្នុងការអភិវឌ្ឍសេដ្ឋកិច្ច - សង្គម កាត់បន្ថយភាពក្រីក្រដោយចីរភាព អភិរក្ស និង ពង្រីកអត្តសញ្ញាណវប្បធម៌ប្រពៃណី ព្រួតដៃរួមកម្លាំង ជាមួយទូទាំងប្រទេស កសាងភូមិស្រុក ប្រទេសជាតិវៀតណាមកាន់តែសម្បូររុងរឿង ប្រជាជនយើងគ្រប់រូប គ្រប់គ្រួសារនឹងទទួលបានជីវភាពសម្បូរសប្បាយ សុភមង្គលសមដូចបណ្តាំរបស់អ៊ំហូ ដែលបានចារក្នុងមត៌កសាសន៍ ជាប្រវត្តិសាស្រ្តនេះ។
សូមប្រសិទ្ធិពរជនរួមជាតិខ សមមិត្ត និង ព្រះសង្ឃ ទទួលអំណរបុណ្យចូលឆ្នាំថ្មី ឆ្នាំកុរឯកស័ក២០១៩ ប្រកបដោយសុខដុមរមនា សប្បាយរីករាយ និង សុភមង្គល៕
សូមគោរពដោយមេត្រីភាព!
ង្វៀន ស្វឹនភុក
អនុវត្តន៍៖ កាសែតរូបភាពវៀតណាម
