• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លោកនាយករដ្ឋមន្ត្រី Pham Minh Chinh ស្នើឲ្យ Samsung ចាត់ទុកវៀតណាមជា មូលដ្ឋានយុទ្ធសាស្ត្រសកលសម្រាប់ការអភិវឌ្ឍផលិតផលសំខាន់ៗ

នាព្រឹកថ្ងៃទី ២៣ ធ្នូ នៅទីក្រុងហាណូយ នាយករដ្ឋមន្ត្រីវៀតណាម លោក Pham Minh Chinh បានអញ្ជើញចូលរួមពិធីសម្ពោធមជ្ឈមណ្ឌលស្រាវជ្រាវនិងអភិវឌ្ឍន៍ (R&D) របស់សម្ព័ន្ធក្រុមហ៊ុន Samsung នៅទីក្រុងហាណូយ។ មជ្ឈមណ្ឌល R&D របស់ Samsung នៅទីក្រុងហាណូយ ត្រូវបានបើកការដ្ឋានសាងសង់នៅខែមីនា ឆ្នាំ ២០២០ លើផ្ទៃដីជាង ១១,៦ ពាន់ម៉ែត្រការ៉េ ក្នុងដើមទុនវិនិយោគសរុបចំនួន ២២០ លានដុល្លារអាមេរិក។ រហូតមកដល់ពេលនេះ នេះគឺជាមជ្ឈមណ្ឌល R&D ដ៏ធំបំផុត នៅអាស៊ីអាគ្នេយ៍ និងជាមជ្ឈមណ្ឌលមួយក្នុងចំណោមមជ្ឈមណ្ឌល R&D ចំនួន ១៨ របស់ Samsung នៅជុំវិញពិភពលោក។ នៅមជ្ឈមណ្ឌល R&D ហាណូយ Samsung គ្រោងនឹងធ្វើការស្រាវជ្រាវនិងអភិវឌ្ឍន៍សម្រាប់ស្មាតហ្វូន ថេប្លេត ហាតវែរ និង សូហ្វវែរ ដោយទាក់ទាញពលករប្រហែល ៣ ពាន់នាក់។
លោកនាយករដ្ឋមន្រ្តី Pham Minh Chinh ទទួលជួបជាមួយលោក Lee Jae Yong ប្រធានសម្ព័ន្ធក្រុមហ៊ុន Samsung។ (រូបថត៖ VGP)

ថ្លែងមតិក្នុងព្រឹត្តិការណ៍នេះ នាយករដ្ឋមន្ត្រីវៀតណាម លោក Pham Minh Chinh បានសង្កត់ធ្ងន់ថា Samsung គឺជាវិនិយោគិនកូរ៉េខាងត្បូងធំជាងគេ ហើយក៏ ជាវិនិយោគិនបរទេសធំជាងគេនៅវៀតណាម ដោយមានទុនវិនិយោគចុះបញ្ជីសរុបជិត ២០ ពាន់លានដុល្លារអាមេរិក។ ការដែល Samsung ដាក់ឲ្យដំណើរការនូវគម្រោង វិនិយោគមជ្ឈមណ្ឌល R&D នៅទីក្រុងហាណូយ គឺជាសក្ខីភាពនៃការតំរង់ទិស និង ការសន្យារបស់ Samsung ចំពោះប្រតិបត្តិការរយៈពេលយូរអង្វែងនៅប្រទេសវៀតណាម។ លោកនាយករដ្ឋមន្ត្រីបានស្នើឲ្យសម្ព័ន្ធក្រុមហ៊ុនបន្តពង្រីកសកម្មភាពវិនិយោគ និងអាជីវកម្មដោយចាត់ទុកវៀតណាមជាមូលដ្ឋានសំខាន់ យុទ្ធសាស្ត្រសកលសម្រាប់ការ ផលិត ស្រាវជ្រាវ និងអភិវឌ្ឍន៍ផលិតផលសំខាន់ៗទៅកាន់ទីផ្សារអន្តរជាតិ។ 

នាព្រឹកថ្ងៃដដែល លោកនាយករដ្ឋមន្រ្តី Pham Minh Chinh បានទទួលជួប ជាមួយលោក Lee Jae Yong ប្រធានសម្ព័ន្ធក្រុមហ៊ុន Samsung។ លោកនាយក រដ្ឋមន្ត្រីបានថ្លែងអំណរគុណដល់ការរួមវិភាគទាននានារបស់ក្រុមហ៊ុន Samsung ចំពោះវៀតណាម ក្នុងនាមជាសហគ្រាសវិនិយោគផ្ទាល់ពីបរទេស (FDI) ដ៏ធំបំផុត ក៏ដូចជាការរួមវិភាគទានយ៉ាងសកម្មទៅក្នុងកិច្ចការសន្តិសុខសង្គម ការបង្ការទប់ស្កាត់ ជំងឺកូវីដ-១៩។ លោកនាយករដ្ឋមន្ត្រីសង្ឃឹមថា Samsung នឹងបន្តពង្រីកសកម្មភាព ស្រាវជ្រាវនិងអភិវឌ្ឍន៍ ជំរុញខ្លាំងសកម្មភាពបណ្តុះបណ្តាលធនធានមនុស្ស និងការ តភ្ជាប់ជាមួសហគ្រាសវៀតណាម។

រីឯខ្លួនវិញ ប្រធានសម្ព័ន្ធក្រុមហ៊ុន Samsung លោក Lee Jae Yong បានឲ្យដឹងថា ទន្ទឹមនឹងការធ្វើឲ្យបានល្អនូវសកម្មភាព R&D នៅវៀតណាម Samsung នឹងជំរុញ ខ្លាំងការបណ្តុះបណ្តាល និងការអភិវឌ្ឍធនធានមនុស្សដែលអាចឆ្លើយតបនឹងបរិ យាកាសការងារសកល ហើយនឹងសម្របសម្រួលជាមួយភាគីវៀតណាមដើម្បី លើក កំពស់ថែមទៀតនូវអត្រាមូលដ្ឋានីយកម្មទាំងផ្នែករឹងនិងផ្នែកទន់ផងដែរ។
គួរជម្រាបបន្ថែមទៀតថា Samsung មានផែនការលើកកំពស់ឋានៈរបស់វៀត ណាមឲ្យលើសពីតួនាទីជាមូលដ្ឋានផលិតកម្មសកលក្លាយទៅជាមូលដ្ឋានយុទ្ធសាស្ត្រ សម្រាប់ការស្រាវជ្រាវនិងអភិវឌ្ឍរបស់ Samsung លើទូទាំងពិភពលោក។ រហូតមក ដល់ពេលនេះ ៥០% នៃបរិមាណទូរស័ព្ទចល័តសរុបរបស់ Samsung លើទូទាំងពិភព លោកកំពុងត្រូវបានផលិតនៅក្នុងប្រទេស វៀតណាម៕

តាម​ VOV5 - វិទ្យុសម្លេងវៀតណាម

ក្រសួងការបរទេសត្រូវពង្រីកតួនាទីឈានមុខគេក្នុងភារកិច្ចការបរទេស

ក្រសួងការបរទេសត្រូវពង្រីកតួនាទីឈានមុខគេក្នុងភារកិច្ចការបរទេស

នារសៀលថ្ងៃទី៣១ ខែមករា ឆ្នាំ២០២៣ នៅទីស្នាក់ការក្រសួងការបរទេស ឧបនាយករដ្ឋមន្រ្តីលោក Tran Luu Quang បានជួបធ្វើការជាមួយក្រសួងការបរទេសស្តីពីការអនុវត្តកិច្ចការបរទេសនៅឆ្នាំ ២០២៣ ។

Top