លោកនាយករដ្ឋមន្ត្រី ហ្វាម មិញជីញ អញ្ជើញចុះត្រួតពិនិត្យការសាងសង់ផ្លូវល្បឿនលឿន ហូវងី - ជីឡាំង និងដុងដាំង - ត្រាលីញ ក្នុងខេត្តឡាងសើន និងកៅបាំង (រូបថត៖ ឡាយហ័រ/VOV)

នៅទីតាំងនីមួយៗ លោកនាយករដ្ឋមន្ត្រីបានស្នើឱ្យប្រព័ន្ធនយោបាយទាំងមូលចូលរួមយ៉ាងសកម្ម; ជាពិសេសលេខាគណគម្មាធិការបក្ស និងប្រធានគណៈកម្មាធិការប្រជាជនខេត្ត ត្រូវម្ចាស់ការដឹកនាំដោយផ្ទាល់នូវការងារបោះសម្អាតដីធ្លី។ លោកនាយករដ្ឋមន្ត្រីបានកត់សម្គាល់ថា នៅពេលអនុវត្តន៍ត្រូវតែធានាសិទ្ធិ និងផលប្រយោជន៍ស្របច្បាប់របស់ប្រជា ជននៅក្នុងតំបន់; ថែទាំជីវភាពរស់នៅរបស់ប្រជាជនឲ្យកាន់តែសម្បូររុងរឿងនិងសុភមង្គល។

លោកនាយករដ្ឋមន្ត្រីបានស្នើឱ្យខិតខំប្រឹងប្រែងបង្ហើយការសាងសង់ផ្លូវល្បឿនលឿន ហូវងី - ជីឡាំង  មុនថ្ងៃទី៣០ ខែមេសា ឆ្នាំនេះ ដើម្បីអបអរសាទរខួបលើកទី៥១ នៃទិវារំដោះភាគខាងត្បូង បង្រួបបង្រួមប្រទេសជាតិ។ លោកនាយករដ្ឋមន្ត្រីបានចាត់ទុកថា ការសាងសង់ផ្លូវល្បឿនលឿនដល់ទីណា នឹងបើកចេញឱកាសអភិវឌ្ឍន៍ថ្មីៗដល់ទីនោះ ដោយបង្កើនប្រសិទ្ធភាពនៃការប្រើប្រាស់ដីធ្លី ទាក់ទាញសហគ្រាសឱ្យមកវិនិយោគ បង្កើតមុខរបរចិញ្ចឹមជីវភាពសម្រាប់ប្រជាជន និងរួមចំណែកបើកចេញលំហអភិវឌ្ឍន៍កាន់តែទូលំទូលាយសម្រាប់ប្រទេសជាតិ៕