ថ្លែងមតិនៅជំនួបនេះ លេខាគណៈកម្មាធិការបក្សទីក្រុងហាណូយ លោក Dinh Tien Dung បានវាយតម្លៃថា ដំណើរទស្សនកិច្ចរបស់គណៈប្រតិភូនៅទីក្រុងហាណូយលើកនេះ បន្តអះអាងនូវភាពស្អិតរមួត ទំនាក់ទំនងមិត្តភាពប្រពៃណីដ៏ល្អប្រសើររវាងរដ្ឋធានីទាំងពីរ; សង្កត់ធ្ងន់ទៅលើទំនាក់ទំនងសហប្រតិបត្តិការរវាងទីក្រុងហាណូយជាមួយទីក្រុងវៀងច័ន្ទ ខិតខំក្លាយទៅជាគំរូក្នុងទំនាក់ទំនងរវាងបណ្ដាមូលដ្ឋាននៃប្រទេសទាំងពីរវៀតណាម-ឡាវ រួមចំណែកជាក់ស្ដែងក្នុងទំនាក់ទំនងរវាងបក្សទាំងពីរ និងប្រទេសទាំងពីរ។

លេខាគណៈកម្មាធិការបក្សទីក្រុងហាណូយ លោក Dinh Tien Dung ក៏បានឲ្យដឹងថា ថ្នាក់ដឹកនាំទីក្រុងហាណូយនិយាយដោយឡែក និងថ្នាក់ដឹកនាំវៀតណាមនិយាយរួម គាំទ្រប្រទេសឡាវទទួលតួនាទីជាប្រធានសមាគមប្រជាជាតិអាស៊ីអាគ្នេយ៍ (អាស៊ាន) ប្រកបដោយជោគជ័យនាឆ្នាំខាងមុខ។ លើសពីនេះទៀត ទីក្រុងហាណូយនឹងសម្របសម្រួលដើម្បីគាំទ្រប្រទេសឡាវក្នុងការរៀបចំឆ្នាំទេសចរណ៍ឆ្នាំ ២០២៤ ប្រកបដោយជោគជ័យ និងសកម្មភាពសំខាន់ៗផ្សេងទៀតក្នុងដំណាក់កាលនេះ។

នាថ្ងៃដដែលនោះ គណៈប្រតិភូជាន់ខ្ពស់រដ្ឋធានីវៀងច័ន្ទបានចូលអញ្ជើញចូលវិមានតម្កល់សពគោរពវិញ្ញាណក្ខ័ន្ធលោកប្រធានហូជីមិញផងដែរ៕