• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លើកកម្ពស់ទំនាក់​ទំនង់​ភាពជាដៃគូយុទ្ធសាស្ត្រវៀតណាម-ឥណ្ឌូនេស៊ី

នាថ្ងៃទី ២២ ខែធ្នូ នៅទីក្រុងហ្សាកាតា(ឥណ្ឌូនេស៊ី) ក្នុងក្របខ័ណ្ឌនៃដំណើរទស្សនកិច្ចផ្លូវរដ្ឋរបស់ប្រធានរដ្ឋវៀតណាម លោក Nguyen Xuan Phuc ទៅកាន់ឥណ្ឌូនេស៊ី បន្ទាប់ពីជំនួបសន្ទនា លោកប្រធានរដ្ឋ Nguyen Xuan Phuc និងប្រធានាធិបតីឥណ្ឌូនេស៊ីលោក Joko Widodo បានជួបប្រាស្រ័យជាមួយអ្នកសារព័ត៌មាន។
ប្រធានរដ្ឋ លោក Nguyen Xuan Phuc និងប្រធានាធិបតីឥណ្ឌូនេស៊ី លោក Joko Widodo ។
 

ថ្នាក់ដឹកនាំទាំងពីរបានអះអាងថា កិច្ចសន្ទនាទទួលបានជោគជ័យ ក្នុងនោះភាគីទាំងពីរបានឯកភាពលើខ្លឹមសារសហប្រតិបត្តិការសំខាន់ៗជាច្រើន លើកកម្ពស់ភាពជាដៃគូយុទ្ធសាស្ត្ររវាងប្រទេសទាំងពីរ។

ប្រធានរដ្ឋលោក Nguyen Xuan Phuc និងប្រធានាធិបតីលោក Joko Widodo បានឯកភាពគ្នា បង្កើនការផ្លាស់ប្តូរដំណើរទស្សនកិច្ចជាន់ខ្ពស់និងគ្រប់ជាន់ថ្នាក់ អនុវត្តប្រកបដោយប្រសិទ្ធភាពនូវយន្តការសហប្រតិបត្តិការ និងគណៈកម្មាធិការចម្រុះ ស្តីពីកិច្ចសហប្រតិបត្តិការទ្វេភាគី; អនុវត្តប្រកបដោយប្រសិទ្ធភាពនូវកិច្ចព្រមព្រៀងសហប្រតិបត្តិការដែលបានចុះហត្ថលេខា; កសាងកម្មវិធីសកម្មភាពដើម្បីអនុវត្តទំនាក់ទំនងភាពជាដៃគូយុទ្ធសាស្ត្រដំណាក់កាល ២០២៤-២០២៨ យ៉ាងពេញលេញលើគ្រប់ជ្រុងជ្រោយ និងជាក់ស្តែង។

កិច្ចសហប្រតិបត្តិការពាណិជ្ជកម្មរវាងប្រទេសទាំងពីរបានកើនឡើង យ៉ាងរឹងមាំតាមទិសតុល្យភាពនិងចីរភាព; បង្កើតលក្ខណៈអំណោយផលសម្រាប់អង្គភាពអាជីវកម្មនៃប្រទេសទាំងពីរ ដើម្បីធ្វើពិពិពិធកម្មវិស័យវិនិយោគនិងការអភិវឌ្ឍសេដ្ឋកិច្ចឌីជីថល ការផ្លាស់ប្តូរឌីជីថល សេដ្ឋកិច្ចបៃតង ថាមពលកកើតឡើងវិញ ទេសចរណ៍ សេវាកម្មនិងការពង្រឹងជើងហោះហើរផងដែរ។ ជាមួយនឹងទំហំពាណិជ្ជកម្មទ្វេភាគីសម្រេចបាន ១១,៥ ពាន់លានដុល្លារក្នុងឆ្នាំ ២០២១ ហើយឆ្នាំនេះអាចសម្រេចបាន ១៣ ពាន់លានដុល្លារ ភាគីទាំងពីរបានឯកភាពគ្នានាំទំហំពាណិជ្ជកម្មទ្វេភាគីឈានដល់ ១៥ ពាន់លានដុល្លារ និងខ្ពស់ជាង នៅមុនឆ្នាំ ២០២៨។ ក្នុងឆ្នាំ ២០២៣ ប្រទេសទាំងពីរនឹងរំលឹកខួបលើកទី ១០ នៃទំនាក់ទំនងភាពជាដៃគូយុទ្ធសាស្ត្រដោយបើកទំព័រថ្មីក្នុងកិច្ចសហប្រតិបត្តិការរវាងប្រទេសទាំងពីរ។

ស្ដីពីបញ្ហាអន្តរជាតិនិងតំបន់ ថ្នាក់ដឹកនាំទាំងពីររូបបានឯកភាព បង្កើនកិច្ចសហប្រតិបត្តិការលើបណ្តាវេទិកាតំបន់និងអន្តរជាតិ ជាពិសេសគឺវេទិកានៃសមាគមប្រជាជាតិអាស៊ីអាគ្នេយ៍ (អាស៊ាន) អង្គការសហប្រជាជាតិ ទន្ទឹមនឹងនោះក៏បានចែករំលែកទស្សនៈអំពីបញ្ហាតំបន់និងអន្តរជាតិមួយចំនួន ដែលមានការយកចិត្តទុកដាក់ដូចគ្នា ក្នុងនោះមានបញ្ហាសមុទ្រខាងកើតផងដែរ។ វៀតណាមនិងឥណ្ឌូនេស៊ីបានឯកភាព សម្របសម្រួលគ្នាជំរុញអាស៊ានមួយប្រកបដោយសាមគ្គីភាព ខ្លួនទីពឹងខ្លួន និងពង្រីកមជ្ឈភាព រក្សាគោលជំហររួមរបស់អាស៊ានស្តីពីសមុទ្រខាងកើត ធានាសន្តិភាព សុវត្ថិភាព សន្តិសុខ សេរីភាពនាវាចរណ៍ និងអាកាសចរណ៍ដោយឈរលើមូលដ្ឋាននៃច្បាប់អន្តរជាតិ និងអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) ឆ្នាំ ១៩៨២ ៕

 

តាម​ VOV5 - វិទ្យុសម្លេងវៀតណាម

ឈូងសមុទ្រ Ha Long និង Mu Cang Chai ស្ថិតក្នុងចំណោមគោលដៅចម្រុះពណ៌បំផុតរបស់ពិភពលោក

ឈូងសមុទ្រ Ha Long និង Mu Cang Chai ស្ថិតក្នុងចំណោមគោលដៅចម្រុះពណ៌បំផុតរបស់ពិភពលោក

Mu Cang Chai (ខេត្ត Yen Bai) ក្នុងរដូវស្រូវទុំ និងឈូងសមុទ្រ Ha Long (Quang Ninh) របស់វៀតណាម ត្រូវបានបោះឆ្នោតជ្រើសរើសជាគោលដៅទេសចរណ៍ចម្រុះពណ៌បំផុតនៅលើពិភពលោកក្នុងឆ្នាំ 2023 ដោយគេហទំព័រទេសចរណ៍ Condé Nast Traveler។

Top