កុមារៗដែលកំពុងសម្រាកព្យាបាលនៅមន្ទីរពេទ្យមានឱកាសទស្សនាកំសាន្តឈុតសម្ដែងបទចម្រៀង របាំសត្វតោនិងសកម្មភាពជាច្រើនផ្សេងៗទៀត។

ក្មួយៗកុមារនៅមន្ទីរពេទ្យជម្ងឺមហារីកដាណាំងទទួលអំណោយក្នុងកម្មវិធី។ (រូបថត៖ VOV)

នាថ្ងៃទី២៥ កញ្ញា នៅមន្ទីរពេទ្យជម្ងឺមហារីកទីក្រុងដាណាំងបានប្រព្រឹត្តទៅនូវកម្មវិធី “បុណ្យសំពះព្រះខែជូនកុមារ”។ កុមារៗដែលកំពុងសម្រាកព្យាបាលនៅមន្ទីរពេទ្យ មានឱកាសទស្សនាកំសាន្ត ឈុតសម្ដែងបទចម្រៀង របាំសត្វតោនិងសកម្មភាពជាច្រើនផ្សេងៗទៀត។ ក្នុងឱកាសនេះដែរ គណៈចាត់តាំងក៏បានប្រគល់អំណោយជូនកុមារមានស្ថានភាពរស់នៅលំបាកខ្លះៗដែលកំពុងសម្រាកព្យាបាលនៅមន្ទីរពេទ្យផងដែរ។

នាយប់ថ្ងៃដដែល មន្ទីរការងារ យុទ្ធជនពិការនិងសង្គមកិច្ចខេត្ត Quang Tri បានសហការជាមួយសម្ព័ន្ធយុវជនខេត្តរៀបចំកម្មវិធីអំណរសាទរបុណ្យសំពះព្រះខែជូនក្មួយៗនៅសាលាកុមារពិការខេត្ត Quang Tri។ កម្មវិធីនេះត្រូវបានរៀបចំឡើងក្នុងបុណ្យសំពះព្រះខែជារៀងរាល់ឆ្នាំ ក្នុងបំណងចង់ជួយកុមារពិការស្រឡាញ់ជីវិតបន្ថែមទៀត ជឿជាក់លើខ្លួនឯង ដើម្បីសម្របខ្លួននៅក្នុងសហគមន៍ហើយទទួលអំណរបុណ្យសំពះព្រះខែយ៉ាងកក់ក្ដៅ ផងដែរ៕
 

តាម VOV5- វិទ្យុសម្លេងវៀតណាម