ព័ត៌មាន
រៀបចំផែនការសម្រាប់ខេត្ត Vinh Phuc និង Thai Binh ក្លាយជាមជ្ឈមណ្ឌលអភិវឌ្ឍន៍ឧស្សាហកម្មថ្នាក់តំបន់
ថ្លែងមតិនៅទីនេះ ឧបនាយករដ្ឋមន្ត្រី លោក Tran Hong Ha បានឲ្យដឹងថា ផែនការខេត្ត Vinh Phuc ត្រូវបានកសាងឡើងជាមួយនឹងទស្សនៈប្រកបដោយលក្ខណៈលោតផ្លោះនិងចក្ខុវិស័យវែងឆ្ងាយ; Vinh Phuc នឹងដើរតួជាប៉ូលអភិវឌ្ឍន៍មួយក្នុងចំណោមបង្គោលអភិវឌ្ឍន៍ ដែលជាកត្តាស្នូលក្នុងជំរុញការអភិវឌ្ឍឧស្សាហកម្មទំនើបនៅតំបន់ដីសណ្តទន្លេក្រហម និងជាបង្គោលកំណើនមួយក្នុងចំណោមបង្គោលកំណើនទាំងបីនៃតំបន់រដ្ឋធានីហាណូយ។ ផែនការនេះនឹងបើកឱកាស និងលំហរអភិវឌ្ឍន៍ថ្មីសម្រាប់ខេត្ត Vinh Phuc។
នាព្រឹកមិញនេះ នៅទីក្រុង Thai Binh ឧបនាយករដ្ឋមន្ត្រី លោក Tran Luu Quang បានចូលរួមសន្និសីទផ្សព្វផ្សាយផែនការខេត្ត Thai Binh ដំណាក់កាល ២០២១ - ២០៣០ ចក្ខុវិស័យដល់ឆ្នាំ ២០៥០ និងការជំរុញការវិនិយោគ។ គោលដៅនៃផែនការគឺដើម្បីជួយ Thai Binh អភិវឌ្ឍន៍យ៉ាងឆាប់រហ័ស ទូលំទូលាយ និងប្រកបដោយនិរន្តរភាព ជាមួយនឹងគោលដៅថា នៅឆ្នាំ ២០៣០ ខេត្តនឹងក្លាយជាតំបន់មួយនៅក្នុងក្រុមដែលមានការអភិវឌ្ឍន៍ល្អ និងជាមជ្ឈមណ្ឌលអភិវឌ្ឍន៍ឧស្សាហកម្មមួយនៃតំបន់ដីសណ្ដទន្លេក្រហម។ ជាមួយគ្នានោះ ខិតខំដល់ឆ្នាំ ២០៥០ Thai Binh នឹងក្លាយជាខេត្តអភិវឌ្ឍន៍នៃតំបន់ដីសណ្ដទន្លេក្រហម ដោយមានសេដ្ឋកិច្ចរីកចម្រើន សង្គមរីកចម្រើន ហើយបរិស្ថានអេកូឡូស៊ីត្រូវបានធានា៕
