• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

រឹតបន្តឹងទំនាក់​ទំ​នង​កិច្ចសហប្រតិបត្តិការនគរបាលវៀតណាម - ឡាវ

នារសៀលថ្ងៃទី ២៥ ខែតុលា នៅទីក្រុងហាណូយ រដ្ឋមន្ត្រីក្រសួងនគរបាលវៀតណាមលោក To Lam រួមជាមួយឧបនាយករដ្ឋមន្ត្រី និងជារដ្ឋមន្ត្រីក្រសួងនគរបាលឡាវលោក Vilay Lakhamphong បានអញ្ជើញធ្វើជាសហអធិបតីសន្និសីទបូកសរុបការអនុវត្តផែនការសហប្រតិបត្តិការឆ្នាំ ២០២២ ចុះហត្ថលេខាលើផែនការសហប្រតិបត្តិការឆ្នាំ ២០២៣ រវាងស្ថាប័នទាំងពីរ។
រដ្ឋមន្ត្រីក្រសួងនគរបាលវៀតណាម To Lam និងរដ្ឋមន្រ្តីក្រសួងនគរបាលឡាវ Vilay Lakhamphong ចុះហត្ថលេខាលើផែនការសហប្រតិបត្តិការឆ្នាំ ២០២៣។ (រូបថត៖ Viet Cuong/VOV)

តាមនោះ នៅឆ្នាំ ២០២៣ ភាគីទាំងពីរបានឯកភាពបន្តជំរុញការអនុវត្តប្រកបដោយប្រសិទ្ធភាពនូវសន្ធិសញ្ញានិងកិច្ចព្រមព្រៀងអន្តរជាតិដែលភាគីទាំងពីរជាសមាជិក; បន្តដឹកនាំនគរបាលនៅបណ្តាអង្គភាពនិងមូលដ្ឋាននៃភាគីទាំងពីរអនុវត្តន៍កិច្ចព្រមព្រៀងរបស់រដ្ឋាភិបាលនៃប្រទេសទាំងពីរ នៅតាមតំបន់ព្រំដែន សំដៅធានាសន្តិសុខសណ្តាប់ធ្នាប់ កសាងខ្សែព្រំដែនវៀតណាម - ឡាវប្រកបដោយសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ។ ទន្ទឹមនឹងនោះ ភាគីទាំងពីរគប្បីបង្កើនការផ្លាស់ប្តូរព័ត៌មាន ជាពិសេសគឺស្ថានភាពពិភពលោក និងតំបន់ដែលជះឥទ្ធិពលដល់សន្តិសុខសណ្តាប់ធ្នាប់នៃប្រទេសទាំងពីរ សកម្មភាពរបស់ភេរវករ បទល្មើសអំពីគ្រឿងញៀន ការស្វែងរកចាប់ខ្លួន បញ្ហាជនអន្តោប្រវេសន៍ខុសច្បាប់ជាដើម; សម្របសម្រួលបង្ការនិងទប់ស្កាត់ការគំរាមកំហែងផ្នែកសន្តិសុខក្រៅប្រពៃណី ដែលជះឥទ្ធិពលដល់កិច្ចសហប្រតិបត្តិការ; សហប្រតិបត្តិការយ៉ាងជិតស្និទ្ធក្នុងការបង្ការ និងទប់ស្កាត់ “បម្រែបម្រួលដោយសន្តិភាព” ស្រាវជ្រាវ កសាងផែនការរៀបចំសកម្មភាពហ្វឹកហាត់ប្រយុទ្ធប្រឆាំងនឹងអំពើភេរវកម្ម។

នៅក្នុងសន្និសីទនេះ រដ្ឋមន្ត្រីក្រសួងនគរបាលវៀតណាមលោក To Lam និងរដ្ឋមន្រ្តីក្រសួងនគរបាលឡាវលោក Vilay Lakhamphong បានចុះហត្ថលេខាលើផែនការសហប្រតិបត្តិការឆ្នាំ ២០២៣ ផងដែរ៕

 

តាម​ VOV5 - វិទ្យុសម្លេងវៀតណាម

៥៧ ឆ្នាំនៃទំនាក់ទំនងវៀតណាម-កម្ពុជា៖ អ្នកប្រាជ្ញកម្ពុជាលើកកម្ពស់ទំនាក់ទំនងដ៏ល្អប្រសើររវាងប្រទេសជិតខាងទាំងពីរ

៥៧ ឆ្នាំនៃទំនាក់ទំនងវៀតណាម-កម្ពុជា៖ អ្នកប្រាជ្ញកម្ពុជាលើកកម្ពស់ទំនាក់ទំនងដ៏ល្អប្រសើររវាងប្រទេសជិតខាងទាំងពីរ

ដោយឡែកវៀតណាមវិញ ជាក្របខណ្ឌគោលនយោបាយការបរទេសទ្វេភាគីជាមួយប្រទេសកម្ពុជា ក៏មិនសូវជាខុសពីកម្ពុជាប៉ុន្មានដែរគឺវៀតណាមចាត់ទុកកម្ពុជាជាប្រទេសជិតខាងមួយ ដែលទំនាក់ទំនងល្អត្រូវបានចាត់ទុកជាអាទិភាពនិងត្រូវពូនជ្រុំ។

Top