ព័ត៌មាន
រដ្ឋមន្ត្រីការបរទេសវៀតណាមលោក Bui Thanh Son អញ្ជើញចូលរួមព្រះរាជពិធីបុណ្យសពព្រះមហាក្សត្រិយ៍ Elizabeth II
តបតាមសេចក្ដីអញ្ជើញរបស់រាជរដ្ឋាភិបាលអង់គ្លេស រដ្ឋមន្ត្រីការបរទេសវៀតណាមលោក Bui Thanh Son តាងនាមប្រធានរដ្ឋវៀតណាមបានអញ្ជើញចូលរួម ព្រះរាជពិធីបុណ្យសពព្រះមហាក្សត្រិយ៍ Elizabeth II ដែលបានប្រព្រឹត្តិទៅនៅ ព្រះវិហារ Westminter ទីក្រុងឡុងដ៍ នាវេលាថ្ងៃត្រង់ ទី ១៩ កញ្ញា។ នារសៀលថ្ងៃទី១៨ ខែកញ្ញា រដ្ឋមន្ត្រីការបរទេសលោក Bui Thanh Son បានអញ្ជើញចូលរួមពិធីគោរពព្រះវិញ្ញាណក្ខន្ធព្រះបរមសពរបស់ព្រះមហាក្សត្រី នៅមហាសាល Westminter Hall នៃសភាអង់គ្លេស និងពិធីទទួលតំណាងប្រទេសនានា ដែលដឹកនាំដោយ ព្រះអង្គម្ចាស់ Charles III នៅវិមាន Buckingham នាយប់ថ្ងៃទី ១៨ កញ្ញា។ លោករដ្ឋមន្ត្រីក៏អញ្ជើញចូលរួមពិធីទទួលស្វាគមន៍ដែលរៀបចំដោយរដ្ឋមន្ត្រីការបរទេស និងអភិវឌ្ឍន៍ អង់គ្លេស លោក James Cleverly នៅ ព្រះវិហារ Westminster នាថ្ងៃទី ១៩ កញ្ញា បន្ទាប់ពី ព្រះរាជពិធីបុណ្យសព មហាក្សត្រិយ៍ ។
អញ្ជើញចារក្នុងក្រាំងមាសមរណទុក្ខ លោករដ្ឋមន្ត្រី Bui Thanh Son បានអះអាងថា៖ វៀតណាមជានិច្ចកាលគោរពការគាំទ្ររបស់ព្រះ មហាក្សត្រិយ៍ក្នុងការពង្រឹងទំនាក់ទំនងភាពជាដៃគូយុទ្ធសាស្ត្ររវាងវៀតណាម និងចក្រភពអង់គ្លេស។ យើងខ្ញុំសូមចូលរួមរំលែកទុក្ខដ៏ក្រៀមក្រំបំផុត និងក្តីសង្ឃឹមយ៉ាងស្មោះស្ម័គ្រថា ព្រះរាជវង្សានុវង្ស រាជរដ្ឋាភិបាលនិងប្រជាជនអង់គ្លេសនឹងជំនះលើការបាត់បង់ដ៏ធំធេងនេះយ៉ាងឆាប់ៗ ហើយបន្តដឹកនាំចក្រភពអង់គ្លេសលើមាគ៌ាឆ្ពោះទៅការអភិវឌ្ឍ និងវិបុលភាព។
