ព័ត៌មាន

រដ្ឋមន្ត្រីការបរទេសវៀតណាមលោក Bui Thanh Son ជួបពិភាក្សាការងារជាមួយរដ្ឋមន្ត្រីការបរទេសប្រេស៊ីល

11/04/2024

នាព្រឹកថ្ងៃទី ១០ មេសា នៅទីក្រុងហាណូយ រដ្ឋមន្ត្រីការបរទេសវៀតណាម លោក Bui Thanh Son បានទទួល និងជួបពិភាក្សាការងារជាមួយរដ្ឋមន្ត្រីការបរទេស ប្រេស៊ីល លោក Mauro Vieira ដែលកំពុងអញ្ជើញបំពេញទស្សនកិច្ចនៅវៀតណាម ចាប់ពីថ្ងៃទី ៩ ដល់ថ្ងៃទី ១១ ខែមេសា។

រដ្ឋមន្ត្រីការបរទេសវៀតណាម លោក Bui Thanh Son បានទទួលនិងជួបពិភាក្សាការងារជាមួយរដ្ឋមន្ត្រីការបរទេស ប្រេស៊ីល លោក Mauro Vieira។ (រូបថត៖ baoquocte.vn)

ក្នុងជំនួបនេះ លោករដ្ឋមន្ត្រីការបរទេស Bui Thanh Son បានអះអាងថា ដំណើរ ទស្សនកិច្ចរបស់រដ្ឋមន្ត្រី Mauro Vieira មានអត្ថន័យសំខាន់ក្នុងបរិបទដែលឆ្នាំនេះ វៀតណាមនិងប្រេស៊ីលប្រារព្ធខួបលើកទី ៣៥ នៃទំនាក់ទំនងការទូត (១៩៨៩-២០២៤)។ លោករដ្ឋមន្ត្រី Bui Thanh Son បានសង្កត់ធ្ងន់ថា ទំនាក់ទំនងវៀតណាម-ប្រេស៊ីល អភិវឌ្ឍន៍ដោយឈរលើចំណងមិត្តភាពជាប្រពៃណី និងតម្លៃរួមអំពីសន្តិភាព កិច្ចសហប្រតិបត្តិការ និងការអភិវឌ្ឍ។ វៀតណាមចាត់ទុកប្រេស៊ីលជាដៃគូជួរមុខរបស់ វៀតណាមនៅក្នុងតំបន់អាមេរិកឡាទីន ហើយរំពឹងថាកិច្ចសហប្រតិបត្តិការទ្វេភាគី និង ពហុភាគីនឹងកាន់តែជិតស្និទ្ធថែមទៀតនាពេលខាងមុខ តាមផែនទីបង្ហាញផ្លូវដែលថ្នាក់ ដឹកនាំនៃប្រទេសទាំងពីរបានឯកភាពគ្នាកាលពីឆ្នាំមុនក្នុងឱកាសដំណើរទស្សនកិច្ចរបស់នាយករដ្ឋមន្ត្រី
វៀតណាមលោក Pham Minh Chinh ទៅកាន់ប្រទេសប្រេស៊ីល។

រីឯខ្លួនវិញ រដ្ឋមន្ត្រីការបរទេសប្រេស៊ីល លោក Mauro Vieira បានអះអាងថា វៀតណាមជាដៃគូពាណិជ្ជកម្មដ៏សែនសំខាន់របស់ប្រេស៊ីល ហើយប្រេស៊ីលមាន បំណងចង់ជំរុញកិច្ចសហប្រតិបត្តិការលើគ្រប់វិស័យជាមួយវៀតណាម ទាំងក្នុង ក្របខ័ណ្ឌទ្វេភាគី និងពហុភាគី។ លោករដ្ឋមន្ត្រីការបរទេស Mauro Vieira សង្ឃឹមថា វៀតណាមនឹងគាំទ្រប្រេស៊ីលក្នុងឆ្នាំដែលប្រេស៊ីលធ្វើជាប្រធាន G២០ និងសន្និសីទអំពី ការប្រែប្រួលអាកាសធាតុ COP៣០ ដែលរៀបចំឡើងនៅឆ្នាំ២០២៥ នៅប្រេស៊ីល ផងដែរ៕

តាម VOV5 - វិទ្យុសម្លេងវៀតណាម

ព័ត៌មាន

រដ្ឋមន្ត្រីការបរទេសវៀតណាមលោក Bui Thanh Son ជួបពិភាក្សាការងារជាមួយរដ្ឋមន្ត្រីការបរទេសប្រេស៊ីល

អត្ថបទផ្សេងទៀត

ឌីជីថលូបនីយកម្មបង្កើតសន្ទុះ - បៃតងភាវូបនីយកម្មរីកសាយភាយ - សហគ្រាសទម្លុះទម្លាយ - ប្រទេសជាតិឈានទៅឆ្ងាយ

នាយករដ្ឋមន្ត្រីជប៉ុនធ្វើសន្និសីទសារព័ត៌មានដើម្បីប្រកាសគោលនយោបាយក្រោយការបោះឆ្នោត

វៀតណាមចាត់ទុកការពង្រឹងនិងអភិវឌ្ឍទំនាក់ទំនងជាមួយចិនជាអាទិភាពចម្បង

លោកអគ្គលេខាបក្ស តូ ឡឹម អញ្ជើញទៅសួរសុខទុក្ខ និងជូនពរឆ្នាំថ្មីដល់បក្ខភាគ អាជ្ញាធរ និងប្រជាជនទីក្រុងហូជីមិញ

អាណិកជនវៀតណាមនៅកម្ពុជា ជួបជុំគ្នាដើម្បីអំណរបុណ្យតេតប្រពៃណីឆ្នាំ២០២៦

ថែទាំបុណ្យតេតសម្រាប់អ្នកជំងឺដែលមានស្ថានភាពលំបាក់

អត្ថបទអានច្រើនបំផុត

បទប្បញ្ញត្តិស្តីពីការទប់ស្កាត់ការរាតត្បាតនៃជំងឺ Covid-19 សម្រាប់ប្រជាជនដែលចូលមកប្រទេសវៀតណាម

បើកកិច្ចប្រជុំរដ្ឋមន្ត្រីអប់រំអាស៊ានលើកទី១២

វៀតណាមនឹងរួមដៃជាមួយសហគមន៍អន្តរជាតិកសាងពិភពលោកមានសន្តិភាព

បងប្អូនគ្រិស្តសាសនិកវៀតណាមអំណរសាទរបុណ្យណូអែលដ៏សុខសាន្តត្រាណក្នុងបរិបទនៃជម្ងឺរាតត្បាតកូវីដ-១៩

ប្រធានរដ្ឋវៀតណាមលោក Nguyen Xuan Phuc ជួបសំណេះសំណាលជាមួយម្ចាស់ឆ្នោតនៅទីក្រុងហូជីមិញ

អានកាសែតបោះពុម្ភ

រូបថតសេវាកម្ម