អាហារសម្រាប់ព្យាបាលការកង្វះអាហារូបត្ថម្ភញាំភ្លាមៗ (RUTF) ចំនួន ១០ តោន ត្រូវបានបញ្ជូនទៅអាកាសយានដ្ឋានអន្តរជាតិ Noi Bai នៅទីក្រុងហាណូយ ហើយនឹងត្រូវបានចែកចាយដល់ប្អូនៗកុមារ។
នេះជាសកម្មភាពមួយរបស់មូលនិធិសហប្រជាជាតិសម្រាប់កុមារ (UNICEF) ក្នុងគ្រាអាសន្ន ដើម្បីឆ្លើយតបនឹងតម្រូវការបន្ទាន់របស់កុមារខ្វះអាហារូបត្ថម្ភធ្ងន់ធ្ងរ ដែលរស់នៅក្នុងតំបន់រងការបំផ្លិចបំផ្លាញដោយសារព្យុះ និងទឹកជំនន់នៃភាគកណ្តាលវៀតណាម។
ការដឹកជញ្ជូនផលិតផលអាហារូបត្ថម្ភ ដើម្បីព្យាបាលកុមារដែលខ្វះអាហារូបត្ថម្ភនៅវៀតណាម (រូបថត៖ អង្គការ UNICEF ប្រចាំវៀតណាម)
ក្នុងការងារឆ្លើយតបទៅនឹងភាពអាសន្នដែលបណ្តាលមកពីព្យុះនិងទឹកជំនន់ នៅភាគកណ្តាលវៀតណាមនោះ UNICEF កំពុងធ្វើសកម្មភាពដើម្បីជួយកុមារនិងស្ត្រីងាយរងគ្រោះ ដែលរស់នៅក្នុងតំបន់រងផលប៉ះពាល់។ ទន្ទឹមនឹងនោះ UNICEF កំពុងបញ្ជាទិញផលិតផលអាហារូបត្ថម្ភព្យាបាលចំនួន ៦០ តោន ហើយនឹងដឹកជញ្ជូនទៅកាន់វៀតណាមនៅប៉ុន្មានសប្តាហ៍ខាងមុខនេះ។ ផលិតផលអាហាររូបត្ថម្ភសម្រាប់ព្យាបាលដ៏ចាំបាច់នេះ នឹងត្រូវចែកចាយដល់មណ្ឌលសុខភាពឃុំ តាមរយៈវិទ្យាស្ថានអាហារូបត្ថម្ភជាតិ។
តាមការប៉ាន់ប្រមាណថា មានកុមារជាង ៤ ពាន់នាក់ដែលខ្វះអាហារូបត្ថម្ភស្រួចស្រាវនៅប្រទេសវៀតណាម នឹងទទួលបានការឧបត្ថម្ភនេះជារៀងរាល់ថ្ងៃ ក្នុងរយៈពេល ៣ ខែខាងមុខ៕
តាមកាសែតកងទ័ពប្រជាជនអនឡាយ
