នាយកដ្ឋានគ្រប់គ្រងពលករនៅឯបរទេសរបស់វៀតណាមបានផ្ញើរលិខិតសំណូមពរអោយបណ្ដាសហគ្រាសដែលបញ្ជូនពលករវៀតណាមទាំង ៦ នាក់ទៅធ្វើការជាសមាជិកនាវិកនៅកូរ៉េខាងត្បូងដែលកំពុងបាត់ខ្លួននោត្រូវ ផ្ទៀងផ្ទាត់ព័ត៌មានហើយជូនដំណឹងទៅកាន់ក្រុមគ្រួសាររបស់ជនរងគ្រោះនិងជួយឧបត្ថម្ភបំពេញបែបបទចាំបាច់អោយបានឆាប់រហ័ស។
កន្លែងកើតហេតុឆេះនាវានៅតំបន់សមុទ្រជិតកោះ Jeju កូរ៉េខាងត្បូងកាលពីថ្ងៃទី១៩ ខែវិច្ឆិកា កន្លងទៅ (រូបថត៖ Yonhap)
ពាក់ព័ន្ធដល់ករណីដែលក្រុមនាវិកវៀតណាមចំនួន៦នាក់បានបាត់ខ្លួននៅតំបន់សមុទ្រជិតកោះ Jeju របស់កូរ៉េខាងត្បូងនោះ នារសៀលថ្ងៃទី២០ ខែវិច្ឆិកា តំណាងក្រុមហ៊ុនបញ្ជូនពលករបានអោយដឹងថា ការងារស្វែងរកជនរងគ្រោះនៅតែត្រូវបានគណៈគ្រប់គ្រងពលករវៀតណាមនៅកូរ៉េខាងត្បូង បណ្ដាសហគ្រាសនិងស្ថាប័នសមត្ថកិច្ចនានានៅប្រទេសសាមីសហការគ្នាអនុវត្តយ៉ាងសកម្ម ប៉ុន្តែជួបការលំបាកដោយសារអាកាសធាតុនៅសមុទ្រមិនងាយស្រួលនោះទេ។ លោក Nguyen Duc Nam អគ្គនាយកក្រុមហ៊ុនភាគហ៊ុនផ្គត់ផ្គង់ធន ធានមនុស្សអន្តរជាតិនិងពាណិជ្ជកម្ម (SoNa) ជាសហគ្រាសដែលបញ្ជូននាវិកចំនួន២នាក់ក្នុងចំណោមនាវិករងគ្រោះទាំង៦នាក់ទៅធ្វើការនៅ កូរ៉េខាងត្បូង បានអោយដឹងថា៖
“ក្រុមហ៊ុន SoNa មានពលករ២នាក់ក្នុងចំណោមពលកររងគ្រោះទាំងឋ៦ នាក់។ ពលករទាំងពីរនេះមានស្រុកកំណើតនៅខេត្ត Quang Binh។ នាបច្ចុប្បន្ន ក្រុមហ៊ុនបានបញ្ជូនតំណាងទៅកាន់កូរ៉េខាងត្បូងហើយកំពុងសហការជាមួយអង្គភាពពាក់ព័ន្ធនានាដើម្បីដោះស្រាយរឿងហេតុនេះ។ តាមព័ត៌មានថា អាជ្ញាធរនៃប្រទេសសាមីបានបញ្ជូនអ្នកមុជទឹកនិងមធ្យោបាយដើម្បីស្វែងរកជនរងគ្រោះ ប៉ុន្តែមិនទាន់ទទួលបានលទ្ធផលណាមួយនៅឡើយ”។
មុននោះ នាយកដ្ឋានគ្រប់គ្រងពលករនៅឯបរទេសរបស់វៀតណាមបានផ្ញើលិខិតសំណូមពរអោយបណ្ដាសហគ្រាសដែលបញ្ជូនពលករវៀតណាមទាំង ៦ នាក់ទៅធ្វើការជាសមាជិកនាវិកនៅកូរ៉េខាងត្បូងដែលកំពុងបាត់ខ្លួននោះ ត្រូវផ្ទៀងផ្ទាត់ព័ត៌មានហើយជូនដំណឹងទៅកាន់ក្រុមគ្រួសាររបស់ជនរងគ្រោះនិងជួយឧបត្ថម្ភបំពេញបែបបទចាំបាច់អោយបានឆាប់រហ័ស៕
តាម VOV5 - វិទ្យុសម្លេងវៀតណាម
