អញ្ជើញចូលរួមកម្មវិធីនេះ មានវត្តមានតំណាងស្ថានទូតវៀតណាមប្រចាំនៅសាធារណរដ្ឋឆែក បារាំង ហុងគ្រី និងតំណាងសមាគមជន វៀតណាមនៅប្រទេសអឺរ៉ុបជាច្រើន។
ក្នុងកម្មវិធីនេះ ឯកអគ្គរដ្ឋទូតវៀតណាមប្រចាំនៅសាធារណរដ្ឋឆែក លោក Thai Xuan Dung បានអះអាងថា ព្រឹត្តិការណ៍នេះមានអត្ថន័យដ៏ធំធេងក្នុងការកសាងស្មារតីសាមគ្គីភាពក្នុងសហគមន៍យុវជន និងនិស្សិតនៅឯបរទេស ហើយទន្ទឹមនឹងនោះបានបើក លំហផ្លាស់ប្តូរវប្បធម៌រវាងបណ្តាប្រទេស ក៏ដូចជារួមចំណែកក្នុងការឃោសនា ផ្សព្វផ្សាយ និងអភិរក្សអត្តសញ្ញាណវប្បធម៌របស់វៀតណាមផងដែរ។ នេះក៏ជាឱកាសសម្រាប់ជំនាន់វ័យគ្មេង បង្ហាញនូវភាពក្លាហាន ភាពវៃឆ្លាត ថាមវន្ត និងកម្លាំងវ័យក្មេងរបស់យុវជន និងនិស្សិតវៀតណាម ដើម្បីធ្វើសមាហរណកម្មអន្តរជាតិ ហើយតែងតែសម្លឹងឆ្ពោះទៅមាតុប្រទេស។
ក្នុងក្របខ័ណ្ឌនៃព្រឹត្តិការណ៍នេះ សកម្មភាពជាច្រើនត្រូវបានរៀបចំឡើងដូចជា ការតាំងពិព័រណ៍រូបថតអំពីទេសភាពវៀតណាម សន្និសីទវិទ្យាសាស្ត្រនៃចំណេះដឹងវ័យក្មេងវៀតណាមនៅទ្វីបអឺរ៉ុបជាដើម តាមនោះបង្កើតទីលានលេងសម្រាប់ផ្លាស់ប្តូរវប្បធម៌និងសិល្បៈដែលមានអត្ថប្រយោជន៍សម្រាប់យុវជនវៀតណាមនៅទូទាំងទ្វីបអឺរ៉ុប៕
