ពិធីបុណ្យរីករាយរដូវក្តៅឆ្នាំ ២០២៣ - "Wow Da Nang" ប្រព្រឹត្តទៅចាប់ពីថ្ងៃទី ២៨ ខែកក្កដាដល់ថ្ងៃទី ១ ខែសីហាដោយមានសកម្មភាពចំនួន ១១ គួរឲ្យទាក់ទាញ។   បើកមហោស្រព គឺរាត្រីតន្ត្រីរីករាយជាមួយរដូវក្តៅនៃទីក្រុង Da Nang ឆ្នាំ ២០២៣ ចូលរួមសម្តែងដោយសិល្បករ សល្បការិនីល្បីៗឈ្មោះ។ បន្ទាប់មកគឺសកម្មភាពដូចជា៖ មហោស្រពម្ហូបអាហារវៀតណាម -  អន្តរជាតិ; ការបង្ហាញខ្លែងសិល្បៈ និងការបង្ហាញឆត្រយោងនៅតាមសមុទ្រ; ការប្រគុំតន្ត្រី Flashmob Zumba; បើកការប្រកួតឆត្រយោងទីក្រុង Da Nang; កម្មវិធីសិល្បៈតាមដងផ្លូវ…។ លោក  Tan Van Vuong អនុប្រធានមន្ទីរទេសចរណ៍ Da Nang បានឲ្យដឹងថា៖ “ក្នុងរដូវក្ដៅនេះ ខែកក្កដា និងសីហា ទីក្រុង Da Nang រៀបចំព្រឹត្តិការណ៍ជាច្រើន ដើម្បីបម្រើភ្ញៀវ ជាពិសេសមហោស្រពម្ហូបអាហារវៀតណាម-អន្តរជាតិ។ យើងនឹងមានតូបលក់អាហារជាង ៥០ នៃខេត្តក្រុង ដែលចងសម្ព័ន្ធភាពជាមួយទីក្រុង Da Nang។ សកម្មភាព និងព្រឹត្តិការណ៍ទាំងនេះបង្កើតម៉ាកយីហោ Da Nang ដើម្បីទាក់ទាញភ្ញៀវទេសចរ បង្កើនតម្លៃបទពិសោធន៍របស់ភ្ញៀវ ពេលមកទស្សនាទីក្រុង Da Nang”។

ពិធីបុណ្យរីករាយរដូវក្តៅ Da Nang ឆ្នាំ ២០២៣ - "Wow Da Nang" ត្រូវបានកំណត់ថា ជាព្រឹត្តិការណ៍វប្បធម៌ និងទេសចរណ៍ដ៏ពិសេស រួមចំណែកធ្វើឱ្យទីក្រុង Da Nang ក្លាយជាគោលដៅទេសចរណ៍ឈានមុខគេនៅតំបន់អាស៊ី៕