ពិធីនេះបានសម្គាល់ការឡើងកាន់ដំណែងរបស់សម្តេចប៉ាបអាមេរិកដំបូងគេក្នុងប្រវត្តិសាស្ត្រ ២.០០០ ឆ្នាំនៃព្រះវិហាររ៉ូម៉ាំងកាតូលិក។ បន្ទាប់ពីឡើងកាន់ដំណែងជាផ្លូវការនៅថ្ងៃទី ១៨ ខែឧសភា សម្តេចនឹងមានការជួបជាមួយមហាជនសាធារណជន ដែលនឹងធ្វើឡើងនៅថ្ងៃទី ២១ ខែឧសភា។
បន្ទាប់ពីត្រូវបានបុរីវ៉ាទីកង់ បោះឆ្នោតជ្រើសរើស នៅថ្ងៃទី ៨ ខែឧសភា សម្តេចប៉ាប ឡេអូ ទី ១៤ បានចាប់ផ្តើមកាលវិភាគដ៏មមាញឹកនៃពិធីសាសនា កិច្ចប្រជុំការទូត និងព្រឹត្តិការណ៍ឆ្នាំព្រះ។ សម្តេចប៉ាប ឡេអូ ទី១៤ នឹងបន្តប្រារព្ធពិធីបុណ្យឆ្នាំព្រះ ២០២៥ ដែលត្រូវបានគេស្គាល់ថាជា មហាពិធីបុណ្យ ដែលជាធម្មតាធ្វើឡើងរៀងរាល់ ២៥ ឆ្នាំម្តង ដោយទាក់ទាញអ្នកធ្វើធម្មយាត្រារាប់លាននាក់ទៅកាន់ទីក្រុងរ៉ូម ប្រទេសអ៊ីតាលី សម្រាប់ព្រឹត្តិការណ៍ជាបន្តបន្ទាប់។
ព្រឹត្តិការណ៍គួរឱ្យកត់សម្គាល់មួយទៀតគឺការប្រារព្ធពិធីធំសម្រាប់យុវជនចាប់ពីថ្ងៃទី២៨ ខែកក្កដា ដល់ថ្ងៃទី៣ ខែសីហា។
មានសញ្ញាជាច្រើនដែលថា សម្តេចប៉ាបឡេ អូ ទី ១៤ នឹងដើរតាមគន្លងរីកចម្រើននៃអ្នកកាន់តំណែងមុនរបស់ទ្រង់។ លើសពីនេះ សេចក្តីថ្លែងការណ៍មុនៗ ណែនាំថា លោកក៏អាចប្រកាន់ខ្ជាប់នូវគោលលទ្ធិកាតូលិកបែបប្រពៃណីផងដែរ៕
