ក្នុងនោះផ្នែកកែច្នៃ និងផលិតកម្មកើនឡើង ៤,៩%; ផ្នែកផលិតនិងចែកចាយអគ្គិសនីកើនឡើង ៥,៦% ; ផ្នែកផ្គត់ផ្គង់ទឹក ប្រតិបត្តិការគ្រប់គ្រងនិងប្រព្រឹត្តិកម្មកាក់សំណល់និងទឹកកខ្វក់កើនឡើង ៥,២% ។
បូកសរុបរយៈពេល ១០ ខែដើមឆ្នាំនេះ IIP ត្រូវបានប៉ាន់ស្មានថា នឹងកើនឡើង ០,៥% បើប្រៀបធៀបនឹងរយៈពេលដូចគ្នាកាលពីឆ្នាំមុន។ យោងតាមលោកស្រី Phi Thi Huong Nga ប្រធាននាយកដ្ឋានស្ថិតិឧស្សាហកម្មនិងសំណង់បានឱ្យដឹងថា ប្រតិបត្តិការផលិតកម្មនិងអាជីវកម្មរបស់សហគ្រាសក្នុងឧស្សាហកម្មកែច្នែ ផលិត និងឧស្សាហកម្មរ៉ែនៅតែជួបការលំបាក ប៉ុន្តែបានស្តារឡើងវិញយ៉ាងវិជ្ជមានជាងត្រីមាសទី ៣ ឆ្នាំ ២០២៣ ។
របាយការណ៍របស់អគ្គនាយកដ្ឋានស្ថិតិ ក៏បានសរឲ្យឃើញថា សន្ទស្សន៍ផលិតកម្មឧស្សាហកម្មក្នុងរយៈពេល១០ខែដើមឆ្នាំនេះ បើប្រៀបនឹងរយៈពេលដូចគ្នាកាលពីឆ្នាំមុន បានកើនឡើងនៅតាមមូលដ្ឋានចំនួន៤៩។ ខេត្តក្រុងមួយចំនួនដែលមានសន្ទស្សន៍ IIP កើនឡើងខ្ពស់គឺដោយសារផ្នែកកែច្នៃ និងផលិត; ផ្នែកផលិតនិងចែកចាយអគ្គិសនីបានកើនឡើងខ្ពស់ ក្នុងនោះមាន ខេត្ត Dak Lak ខេត្ត Bac Giang ខេត្ត Phu Tho ខេត្ត Nam Dinh ទីក្រុង Hai Phong។ល។
ដើម្បីជំរុញវិស័យផលិតកម្មឧស្សាហកម្មក្នុងប៉ុន្មានខែចុងឆ្នាំ អនុរដ្ឋមន្ត្រីក្រសួងឧស្សាហកម្មនិងពាណិជ្ជកម្មវៀតណាម លោក Do Thang Hai បានឲ្យដឹងថា ក្រសួងនឹងបន្តដោះស្រាយការលំបាកសម្រាប់សហគ្រាសដើម្បីជំរុញការអភិវឌ្ឍផលិតកម្ម; ស្នើឲ្យរដ្ឋាភិបាលបន្តរៀបចំការតភ្ជាប់សហគ្រាសក្នុងស្រុកជាមួយនឹងខ្សែសង្វាក់ផ្គត់ផ្គង់របស់សហគ្រាសសកលដែលមានទុនវិនិយោគផ្ទាល់ពីបរទេស (FDI) ធំៗដែលកំពុងវិនិយោគនៅវៀតណាម៕
