នារសៀលថ្ងៃទី ១១ មករា ប្រធានាធិបតីឥណ្ឌូនេស៊ីលោក Joko Widodo មកដល់ទីក្រុងហាណូយ ចាប់ផ្តើមបំពេញដំណើរទស្សនកិច្ចផ្លូវរដ្ឋនៅវៀតណាម (ចាប់ពីថ្ងៃទី ១១ ដល់ថ្ងៃទី ១៣ ខែមករា) តបតាមការអញ្ជើញរបស់ប្រធានរដ្ឋវៀតណាមលោក Vo Van Thuong។ នេះជាលើកទី ២ ហើយ ដែលប្រធានាធិបតីលោក Joko Widodo បានមកវៀតណាម (ក្រោយដំណើរទស្សនកិច្ចនាខែកញ្ញា ឆ្នាំ ២០១៨) ហើយជាឱកាសសម្រាប់ភាគីទាំងពីរបន្តពិភាក្សាអំពីវិធានការជំរុញកិច្ចសហប្រតិបត្តិការ និងធ្វើឲ្យស៊ីជម្រៅថែមទៀតនូវទំនាក់ទំនងភាពជាដៃគូយុទ្ធសាស្ត្រ តាមនោះរឹតបន្តឹងចំណងមិត្តភាពជាប្រពៃណីដែល ត្រូវបានពូនជ្រុំក្នុងរយៈពេលជិត ៧០ ឆ្នាំមកហើយ។ ក្នុងដំណើរទស្សនកិច្ចនេះ ថ្នាក់ដឹកនាំនៃភាគីទាំងពីរនឹងពិភាក្សាលើវិស័យជាច្រើនដែលមានការយកចិត្តទុកដាក់ដូចគ្នា ដូចជា៖ ជំរុញពាណិជ្ជកម្ម និងការវិនិយោគ កិច្ចសហប្រតិបត្តិការក្នុងការផ្លាស់ប្តូរថាមពល ការអភិវឌ្ឍសេដ្ឋកិច្ចបៃតង និងប្រកបដោយនិរន្តរភាព សេដ្ឋកិច្ចឌីជីថល និងកិច្ចសហប្រតិបត្តិការលើវិស័យយានយន្តអគ្គិសនី កសិកម្មបច្ចេកវិទ្យាខ្ពស់ ជំរុញកិច្ចសហប្រតិបត្តិការ និងសហការគ្នាអំពីគោលជំហលើវេទិកាតំបន់ និងអន្តរជាតិ៕