ប្រធានាធិបតីកូរ៉េខាងត្បូងអះអាងនូវសារសំខាន់របស់អាស៊ាន EU និងរុស្ស៊ី
ប្រធានាធិបតីកូរ៉េខាងត្បូង លោក Moon Jae-in បានអះអាងនូវ សារៈសំខាន់នៃការជំរុញទំនាក់ទំនងការទូតរវាង Seoul ជាមួយបណ្ដាប្រទេស អាស៊ីនិងអឺរ៉ុប ក្នុងនោះ លោកបានលើកកំពស់ជាពិសេសនៃតួនាទីរបស់អាស៊ាន និងរុស្ស៊ី។ សេចក្តីសម្រេចនេះត្រូវបានប្រធានាធិបតីកូរ៉េខាងត្បូង លោក Moon Jae-in បាននាំចេញនាថ្ងៃទី២៩ ខែឧសភា ឆ្នាំ២០១៧ ក្នុងជំនួបនៃបណ្ដាបេសកជនពិសេស ដែលត្រូវបានចាក់បញ្ជូន ទៅប្រទេសនានាលើពិភពលោក។ លោក Moon Jae-in បានលើកច្បាស់ថា៖ លើវិស័យពាណិជ្ជកម្មនិងវិនិយោគ បណ្ដាប្រទេសអាស៊ានបានក្លាយទៅជាតំបន់សំខាន់ទី ២ ចំពោះកូរ៉េខាងត្បូង។ នេះក៏ជាតំបន់ដែលប្រជាពលរដ្ឋកូរ៉េខាងត្បូងទៅទស្សនាច្រើនបំផុត។ ថ្នាក់ដឹកនាំកូរ៉េខាងត្បូងក៏បានសង្កត់ធ្ងន់ទៅលើសារៈសំខាន់នៃប្រទេសរុស្ស៊ីជាពិសេសក្នុងបញ្ហាគ្មាននុយក្លេអ៊ែរលើឧប ទ្វីបកូរ៉េ ព្រមទាំងបានឲ្យដឹងថា៖ ការពិភាក្សារវាងលោក Song Young-gil និងប្រធានាធិបតីរុស្ស៊ី លោក Vladimir Putin ស្តីអំពីបញ្ហានេះទទួលបានលទ្ធផល សំខាន់៕
តាម VOV5 - វិទ្យុសំឡេងវៀតណាម
