ព័ត៌មាន
ប្រធានរដ្ឋសភា លោក ត្រឹន ថាញ់ មិន អញ្ជើញចូលរួមកម្មវិធីប្រគុំតន្ត្រីនិងសិល្បៈ “បទចម្រៀងដែលមិនអាចបំភ្លេចបាន”
អបអរសាទរខួបលើកទី ៨០ នៃទិវាបង្កើតកងទ័ពប្រជាជនវៀតណាម (២២ ធ្នូ ១៩៤៤ - ២២ ធ្នូ ២០២៤) និងខួបលើកទី ៣៥ នៃពិធីបុណ្យការពារជាតិរបស់ប្រជាជនទាំងមូល (២២ ធ្នូ ១៩៨៩ - ២២ ធ្នូ ២០២៤) នាយប់ថ្ងៃទី ២២ខែធ្នូ នៅទីក្រុងហូជីមិញ អគ្គនាយកដ្ឋាននយោបាយនៃកងទ័ពប្រជាជន វៀតណាម និងគណៈកម្មាធិការប្រជាជនទីក្រុងហូជីមិញបានរៀបចំកម្មវិធីប្រគុំតន្ត្រីនិងការសម្តែងសិល្បៈ “បទចម្រៀងដែលមិនអាចបំភ្លេចបាន” ជាមួយប្រធានបទ “ដើម្បីប្រជាជនភ្លេចខ្លួនឯង”។ ប្រធានរដ្ឋសភាលោក ត្រឹន ថាញ់ មិន និងថ្នាក់ដឹកនាំក្រសួងការពារប្រទេសជាច្រើនរូបបានអញ្ជើញចូលរួមកម្មវិធីនេះ។
ទីតាំងប្រារព្ធឡើងព្រឹត្តិការណ៍ទាំងមូលត្រូវបានតុបតែងដោយទង់ជាតិ និង ទង់យោធាចំនួន ១.៥០០។ កម្មវិធីនេះ បានចែកចេញជា ៣ ជំពូក ជាមួយ នឹងការសម្តែងពិសេសៗ។ ព្រឹត្តិការណ៍នេះមានការចូលរួមពីសិល្បករ សិល្បការិនី យុទ្ធជន យោធិន សមាជិកសហភាពយុវជន និងសិស្សានុសិស្សជាង១ពាន់នាក់ ផងដែរ៕
