ប្រធានរដ្ឋសភា លោក Vuong Dinh Hue ថ្លែងមតិនៅសម័យប្រជុំ (រូបថត៖ Doan Tan/TTXVN)

ប្រធានរដ្ឋសភាវៀតណាម លោក Vuong Dinh Hue បានអះអាងថា កំណែទម្រង់ប្រព័ន្ធយុត្តិធម៌គឺជាសសរស្តម្ភមួយក្នុងការសុក្រិតនីតិរដ្ឋ  ដូច្នេះខ្លឹមសារសំខាន់នៃកំណែទម្រង់ប្រព័ន្ធយុត្តិធម៌ គឺត្រូវផ្តោតសំខាន់លើភារកិច្ចផ្លាស់ប្តូរថ្មីអង្គភាពប្រតិបត្តិការនៃប្រព័ន្ធតុលាការគ្រប់កម្រិតថ្នាក់។ ដើម្បីបន្តការកសាង និងសុក្រិតនូវនីតិរដ្ឋនៃសង្គមនិយមវៀតណាមក្នុងសម័យកាលថ្មី តុលាការប្រជាជនកំពូលបានរាយការណ៍ និងត្រូវបានរដ្ឋសភាអនុម័ត  ដើម្បីបំពេញបន្ថែមកម្មវិធីបង្កើតច្បាប់ស្តីពីការរៀបចំតុលាការប្រជាជន (ធ្វើវិសោធនកម្ម)។

ប្រធានរដ្ឋសភា លោក Vuong Dinh Hue បានសង្កត់ធ្ងន់ថា វិសោធនកម្មបទប្បញ្ញត្តិនៃច្បាប់ត្រូវតែស្របតាមទស្សនៈ និងគោលនយោបាយរបស់បក្ស ក្នុងក្របខ័ណ្ឌនៃរដ្ឋធម្មនុញ្ញ ស្របតាមលក្ខណៈនៃប្រព័ន្ធនយោបាយ និងស្ថានភាពជាក់ស្តែងរបស់ វៀតណាមក្នុងសម័យកាលថ្មី។

តាមគម្រោង សេចក្តីព្រាងច្បាប់នេះនឹងត្រូវរដ្ឋសភាបោះឆ្នោតអនុម័តក្នុងសម័យប្រជុំលើកទី៦ ដែលធ្វើឡើងនៅខែតុលាឆ្នាំនេះ ហើយអនុម័តនៅសម័យប្រជុំលើកទី៧ នៅខែឧសភា ឆ្នាំក្រោយ៕