ព័ត៌មាន
ប្រធានរដ្ឋសភាវៀតណាម លោកស្រី Nguyen Thi Kim Ngan អញ្ជើញជួបធ្វើការជាមួយថ្នាក់ដឹកនាំខេត្ត Gia Lai
ប្រធានរដ្ឋសភា លោកស្រី Nguyen Thi Kim Ngan អញ្ជើញថ្លែងមតិក្នុងពិធី (រូបថតៈ VOV)
ក្នុងក្របខ័ណ្ឌនៃដំណើរទស្សនកិច្ចការ ងារនៅបណ្តាខេត្តភាគកណ្តាលប៉ែកខាងត្បូង (Nam Trung bo) និង Tay Nguyen (វៀតណាម) នារសៀលថ្ងៃទី១៩ ខែមីនា ឆ្នាំ២០១៩ ប្រធានរដ្ឋសភាវៀតណាម លោកស្រី Nguyen Thi Kim Ngan និងគណៈប្រតិភូរដ្ឋសភាបានអញ្ជើញជួបប្រជុំជាមួយ ថ្នាក់ដឹកនាំគណៈកម្មាធិការបក្សខេត្ត Gia Lai។
ថ្លែងនៅក្នុងជំនួបនេះ លោកស្រីប្រធានរដ្ឋសភាបានសង្កត់ធ្ងន់ថា: Gia Lai ត្រូវកំណត់ទិសដៅជាមូលដ្ឋានដើម្បីអាចអនុវត្តន៍ពីបណ្ដាលំបាកបំផុតដូចជា: អត្រាគ្រួសារក្រីក្រនៅតែមានកំរិតខ្ពស់; ជំរុញការកសាងជនបទថ្មី; ទាក់ទាញការវិនិយោគឲ្យកាន់តែច្រើនពីប្រភពឯកជន; បង្កើនផលិតផលកសិកម្មដើម្បីនាំចេញដើម ឈើ ហូបផ្លែ។ ទន្ទឹមជាមួយគ្នានោះ ខេត្ត Gia Lai ត្រូវការតភ្ជាប់ជាមួយខេត្ត Kon Tum ដើម្បីអភិ វឌ្ឍន៍តំបន់ទេសចរណ៍នៅ Tay Nguyen ផងដែរ។ លោកស្រីប្រធានរដ្ឋសភាអញ្ជើញផ្តល់អនុសាសន៍ថា: “ដើម្បីអភិវឌ្ឍវិស័យទេសចរណ៍ត្រូវតែមានការតភ្ជាប់គមនាគមន៍។ ខេត្ត Gia Lai និង Kon Tum សុទ្ធតែស្ថិតក្នុងអនុតំបន់ខ្ពង់រាបភាគខាងជើង ហេតុដូច្នេះគួរតែផ្តោតលើការអភិវឌ្ឍវិស័យទេសចរណ៍ដើម្បីក្លាយជាវិស័យសេដ្ឋកិច្ចមុខព្រួញ។ បច្ចុប្បន្ននេះ ខេត្ត Kon Tum កំពុងស្នើសុំចុះបញ្ជីរនូវទិសដៅទេសចរណ៍មួយចំនួនដែលមិនត្រូវបានបញ្ចូលក្នុងផែនការអភិវឌ្ឍន៍ទេសចរណ៍នៅតំបន់ Tay Nguyen។ ដូច្នេះ យើងត្រូវឆ្ពោះទៅកសាងផែនការរយៈពេល ១០ ឆ្នាំខាងមុខ សេវាទេសចរណ៍ Gia Lai ដែលតភ្ជាប់ជាមួយ Kon Tum តែម្តង”។
ក៏នារសៀលថ្ងៃដដែល ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ជើញទៅអុជធូបនៅទីលានសាមគ្គីភាពទីក្រុង Pleiku ; ធ្វើទស្សនកិច្ចនិងផ្តល់អំណោយដល់គ្រួសារបដិវត្តន៍ៗមួយចំនួនដែលមានគុណូបការៈ សម្រាប់ប្រទេសជាតិ៕
តាម VOV5 - វិទ្យុសំឡេងវៀតណាម
