យោងតាមរដ្ឋធម្មនុញ្ញជប៉ុន រយៈពេលរៀងរាល់ ៣ ឆ្នាំម្តង ប្រទេសនេះនឹងដំណើការបោះឆ្នោតឡើងវិញចំនួនអាសនៈពាក់កណ្តាលក្នុងចំណោមអាសនៈទាំង ២៤៨ នៅក្នុងព្រឹទ្ធសភា។  នៅក្នុងការបោះឆ្នោតនេះ ប្រជាជននឹងបោះឆ្នោតសម្រាប់អាសនៈចំនួន ១២៥ រួមទាំងអាសនៈជ្រើសរើសដោយផ្ទាល់ចំនួន ៧៤ នៅក្នុងមណ្ឌលបោះឆ្នោត អាសនៈ ចំនួន ៥០ តាមរយៈតំណាងសមាមាត្រ និងអាសនៈបំពេញបន្ថែមមួយនៅក្នុងតំបន់ក្រុងតូក្យូ។ សម្ព័ន្ធភាំពដែលកំពុងកាន់អំណាចរបស់នាយករដ្ឋមន្ត្រីលោក Ishiba ដែលរួមមានគណបក្សប្រជាធិបតេយ្យសេរី (LDP) និងគណបក្ស Komei បច្ចុប្បន្នកំពុងកាន់កាប់អាសនៈចំនួន ៧៥ ដែលមិនស្ថិតក្នុងការបោះឆ្នោតលើកនេះ។ ដើម្បីរក្សាសំឡេងភាគច្រើនរបស់ខ្លួននៅក្នុងព្រឹទ្ធសភា សម្ព័ន្ធភាពត្រូវការឈ្នះយ៉ាងហោចណាស់ ៥០ អាសនៈនៅក្នុងការបោះឆ្នោតនេះ។

លទ្ធផលបោះឆ្នោតត្រូវបានគេរំពឹងថានឹងត្រូវប្រកាសនៅព្រឹកថ្ងៃទី ២១ កក្កដា។ ប្រសិនបើសម្ព័ន្ធភាពចម្រុះដែលកំពុងកាន់អំណាចត្រូវបរាជ័យក្នុងការឈ្នះសំឡេងភាគច្រើន ប្រការនេះនឹងក្លាយជាលើកទីមួយចាប់តាំងពី សង្គ្រាមលោកលើកទី ២ ដែលប្រទេសជប៉ុនមានរដ្ឋាភិបាលភាគតិចដែលមានទាំងនៅក្នុងព្រឹទ្ធសភា និងសភាជាន់ទាបផងដែរ៕