ថ្លែងមតិនៅទីនេះ ឯកអគ្គរដ្ឋទូត Tran Anh Vu បានចាត់ទុកថា៖ ទេសចរណ៍ និងការផ្លាស់ប្តូរប្រជាជនគឺជាខ្លឹមសារអាទិភាពមួយក្នុងកម្មវិធីអនុវត្តភាពជាដៃគូលើគ្រប់ជ្រុងជ្រោយវៀតណាម-ប្រ៊ុយណេ ដំណាក់កាល ២០២៣-២០២៧។ កន្លែងផ្សព្វផ្សាយទេសចរណ៍វៀតណាមបានគូសសញ្ញាជាលើកទីមួយដែលអង្គភាពការទូតត្រូវបានអនុញ្ញាតឱ្យប្រើប្រាស់ទីតាំងសាធារណៈនេះ។ ដើម្បីរក្សាលំហដ៏ស្រស់ស្អាត និងទាក់ទាញភ្ញៀវទេសចរណ៍មកស្វែងយល់ព័ត៌មាន លោកឯកអគ្គរដ្ឋទូត Tran Anh Vu បានឲ្យដឹងថា ស្ថានទូតវៀតណាមនឹងបង្ហាញវីដេអូគុណភាពខ្ពស់ ណែនាំប្រទេស និងប្រជាជនវៀតណាម រួមទាំងតំបន់ទេសចរណ៍ល្បីៗដូចជាខេត្ត Ninh Thuan ទីក្រុង Nha Trang និងទីក្រុង Da Nang ជាដើម។ ជាពិសេសវីដេអូអំពីខេត្ត Ninh Thuan ជាកន្លែងដែល សហគមន៍ឥស្លាមរស់នៅ ដើម្បីទាញយកភាពស្រដៀងគ្នាក្នុងសាសនាឥស្លាមជាមួយប្រ៊ុយណេ។

តាមលោកឯកអគ្គរដ្ឋទូត Tran Anh Vu ថា ដោយមានប្រជាជនវៀត ណាមជាង ៣០០ នាក់រស់នៅប្រ៊ុយណេ សហគមន៍បានរួមចំណែកដ៏គួរអោយចាប់អារម្មណ៍ចំពោះសេដ្ឋកិច្ចរបស់ប្រ៊ុយណេ រួមចំណែកជាស្ពានសម្រាប់រឹតបន្តឹងទំនាក់ទំនងមិត្តភាពវៀតណាម-ប្រ៊ុយណេ៕