• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

បង្កើតលក្ខខណ្ឌងាយស្រួលសម្រាប់ភ្ញៀវអន្តរជាតិចូលមកវៀតណាម

អ្នកនាំពាក្យក្រសួងការបរទេសបានអះអាងជាថ្មីម្តងទៀតថា រដ្ឋាភិបាលវៀតណាមមានគោលនយោបាយបើកសកម្មភាពទេសចរណ៍ឡើងវិញក្រោមលក្ខខណ្ឌធម្មតាថ្មី។
  អ្នកដំណើរបំពេញបែបបទឆ្លងដែននៅអាកាសយានដ្ឋានអន្តរជាតិ Noi Bai (រូបថត៖ TTXVN)  

នារសៀលថ្ងៃទី ១៧ មិនា ក្នុងសន្និសីទសារព័ត៌មានជាប្រចាំរបស់ក្រសួងការបរទេសដែលរៀបចំឡើងក្នុងទម្រង់អនឡាញ អញ្ជើញផ្តល់ព័ត៌មានបន្ថែមអំពីផែនការរបស់ វៀតណាមក្នុងការបើកទ្វារស្វាគមន៍ភ្ញៀវអន្តរជាតិរួមទាំងបទប្បញ្ញត្តិស្តីពីមុខសញ្ញាឆ្លងដែនក៏ដូចជាវិធីត្រួតពិនិត្យ អ្នកនាំពាក្យក្រសួងការបរទេសវៀតណាមលោកស្រី Le Thi Thu Hang បាននិយាយថា ដោយផ្អែកលើស្ថានភាពជំងឺរាតត្បាតនៅក្នុងប្រទេស វៀតណាមក៏ដូចជាក្នុងពិភពលោក នាថ្ងៃទី ១៥ ខែមីនា ក្រសួងសុខាភិបាលបានចេញឯកសារស្តីពី ការបង្ការនិងត្រួតពិនិត្យជំងឺកូវីដ-១៩ សម្រាប់ជនឆ្លងដែន។

អ្នកនាំពាក្យក្រសួងការបរទេសបានអះអាងជាថ្មីម្តងទៀតថា រដ្ឋាភិបាលវៀតណាមមានគោលការណ៍បើកសកម្មភាពទេសចរណ៍ឡើងវិញក្រោមលក្ខខណ្ឌធម្មតាថ្មី។

អនុវត្តន៍គោលនយោបាយនេះ ក្នុងរយៈពេលកន្លងមក ក្រសួង ស្ថាប័ននានាតាមមុខងារនិងភារកិច្ចរបស់ខ្លួនបានសហការយ៉ាងសកម្ម ធ្វើការស្រាវជ្រាវនិងបង្កើតគោលការណ៍ណែនាំសម្រាប់ដំណើរការឆ្លងដែននិងស្វាគមន៍ភ្ញៀវអន្តរជាតិ ចូលមក វៀតណាម។

យោងតាមអ្នកនាំពាក្យលោកស្រី Le Thi Thu Hang ជនបរទេសដែលចូលមកប្រទេស វៀតណាមក្នុងគោល បំណងទេសចរណ៍ អាចទាក់ទងភ្នាក់ងារទេសចរណ៍អន្តរជាតិនៅប្រទេសវៀតណាម ដើម្បីឲ្យភ្នាក់ងារនេះ ជួយបំពេញបែបបទជាមួយនាយកដ្ឋានអន្តោប្រវេសន៍ ហើយបន្ទាប់មកអាចទទួលបានទិដ្ឋាការនៅស្ថាប័នតំណាងវៀតណាមនៅឯបរទេស ឬស្ថាប័នមានសិទ្ធិចេញទិដ្ឋាការ ដូចជាការិយាល័យសេដ្ឋកិច្ចនិងវប្បធម៌ វៀតណាមនៅតៃប៉ិ ផងដែរ។

ក្រសួងការបរទេសបានបញ្ជាណែនាំឲ្យស្ថាប័នតំណាងនៅក្រៅប្រទេសរបស់វៀតណាម និងទីភ្នាក់ងារចេញទិដ្ឋាការដើម្បីសម្របសម្រួលជាមួយទីភ្នាក់ងារនិងអង្គការពាក់ព័ន្ធក្នុងប្រទេស ដើម្បីដោះស្រាយតម្រូវការទិដ្ឋាការរបស់ភ្ញៀវទេសចរមកកាន់ប្រទេសវៀតណាម ក៏ដូចជាស្វែងយល់អំពីទីផ្សារអាជីវកម្មនិងការវិនិយោគផងដែរ។

អ្នកនាំពាក្យលោកស្រី Le Thi Thu Hang បានបន្ថែមថា វៀតណាមបន្តការលើកលែងទិដ្ឋាការសម្រាប់ជនបរទេសក្រោមសន្ធិសញ្ញាអន្តរជាតិដែលវៀតណាមជាសមាជិក ឬលើកលែងទិដ្ឋាការតាមមូលដ្ឋានទៅវិញទៅមក ដែលក្នុងនោះរួមមានប្រទេសសិង្ហបុរី ថៃ និងប្រទេសអាស៊ីអាគ្នេយ៍៕

តាម​ VOV5 - វិទ្យុសម្លេងវៀតណាម

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

ក្រោយបុណ្យតេត ភ្ញៀវទេសចរនៅតែមកទស្សនាទីក្រុង Da Lat ក៏ដូចជា ខេត្ត Lam Dong ផងដែរ។ មន្ទីរវប្បធម៌ កីឡា និងទេសចរណ៍ខេត្ត Lam Dong កាលពីថ្ងៃទី ២៧ មករា បានឲ្យដឹងថា ចាប់ពីថ្ងៃទី ២០ ដល់ថ្ងៃទី ២៩ ខែមករា បរិមាណភ្ញៀវសរុបមកទស្សនា និងសម្រាកលំហែកាយនៅខេត្ត Lam Dong ត្រូវបានគេប៉ាន់ប្រមាណមានចំនួន ២៥ មឺនលើកនាក់ កើន ២,៥ ដងបើប្រៀប ធៀបនឹងឱកាសបុណ្យតេត ឆ្នាំ ២០២២។

Top