ព័ត៌មាន
នាយករដ្ឋមន្ត្រី លោក Nguyen Xuan Phuc ជួបចរចាជាមួយទីប្រឹក្សារដ្ឋមីយ៉ាន់ម៉ាលោកស្រី Aung San Suu Kyi
ទិដ្ឋភាពនៃកិច្ចចរចា
នារសៀលថ្ងៃទី១៩ ខែមេសា ឆ្នាំ២០១៨ នាយករដ្ឋមន្ត្រី លោក Nguyen Xuan Phuc បានអញ្ជើញជាអធិបតីពិធីទទួលស្វាគមន៍ទីប្រឹក្សា សាធារណរដ្ឋសហភាពមីយ៉ាន់ម៉ា លោកស្រី Aung San Suu Kyi ដែលកំពុងមានដំណើរទស្សនកិច្ចជាផ្លូវការនៅវៀតណាម ចាប់ពីថ្ងៃ១៩ ដល់ថ្ងៃទី២០ ខែមេសា។ បន្ទាប់ពីពិធីទទួលបដិសណ្ឋារកិច្ចមកភាគីទាំងពីរ បានអនុវត្តន៍កិច្ចចរចា។
នាយករដ្ឋមន្ត្រី លោក Nguyen Xuan Phuc និងទីប្រឹក្សារដ្ឋមីយ៉ាន់ម៉ាបានសម្តែងក្តីពេញចិត្តចំពោះការអភិវឌ្ឍនៃទំនាក់ទំនងវៀតណាម - មីយ៉ាន់ម៉ា ក្នុងរយៈពេល៤០ឆ្នាំកន្លងទៅ។ ភាគីទាំងពីរបានឯកភាព បង្កើនថែមទៀតកិច្ចសហប្រតិបត្តិការនយោបាយ ការទូត តាមរយៈការជម្រុញរាល់ដំណើរទស្សនកិច្ច និងជួបប្រាស្រ័យជាន់ខ្ពស់ និងគ្រប់ជាន់ថ្នាក់លើគ្រប់កាណាល់បក្ស រដ្ឋាភិបាល រដ្ឋសភានិងជួបប្រាស្រ័យប្រជាជន ព្រមទាំងអនុម័តយ៉ាងឆាប់ៗ កម្មវិធីសកម្មភាពអនុវត្តទំនាក់ទំនងដៃគូយុទ្ធសាស្ត្រ លើគ្រប់វិស័យវៀតណាម-មីយ៉ាន់ម៉ា ដំណាក់កាល២០១៨-២០២៣។ ថ្នាក់ដឹកនាំនៃប្រទេសទាំងពីរក៏បានសន្យាធ្វើឲ្យស៊ីជម្រៅថែមទៀត នូវទំនាក់ទំនងពាណិជ្ជកម្ម-វិនិយោគ ឈរលើមូលដ្ឋានភាគីទាំងពីរមានផលប្រយោជន៍ដូចគ្នា ព្រមទាំងអះអាងនឹងខិតខំប្រឹងប្រែងទទួលបានតម្លៃប្រាក់ពាណិជ្ជកម្មទ្វេភាគីឡើង ដល់ជាង១ពាន់លាន ដុល្លាអាមេរិក។
ថ្នាក់ដឹកនាំនៃប្រទេសទាំងពីរមានបំណង បង្កើនថែមទៀតកិច្ចសហប្រ តិបត្តិការលើវិស័យមួយចំនួនទៀត ដូចជា ហិរញ្ញវត្ថុ ថាមពល ជួបប្រាស្រ័យប្រជាជន និងជម្រុញឲ្យបានខ្លាំងថែមទៀត កិច្ចសហប្រតិបត្តិការលើវិស័យដឹកជញ្ជូន ទេសចរណ៍ យុត្តិធម៌ អប់រំនិងវប្បធម៌ជាដើម។
ផ្លាស់ប្តូរមតិលើបណ្តាបញ្ហាអន្តរជាតិ និងតំបន់ដែលមានការយកចិត្តទុក ដាក់ដូចគ្នា ភាគីទាំងពីរបានឯកភាពបង្កើនកិច្ចសហប្រតិបត្តិការលើបណ្តាវេទិកាតំបន់និងអន្តរជាតិ។ ភាគីទាំងពីរបានសង្កត់ធ្ងន់នូវសារៈសំខាន់នៃការរក្សាសន្តិភាពនិងស្ថិរភាពក្នុងតំបន់ សេរីភាពនាវាចរណ៍និងអាកាសចរណ៍នៅសមុទ្រខាងកើត គាំទ្រការដោះស្រាយជម្លោះដោយសន្តិវិធី ឈរលើអនុសញ្ញាអង្គការសហប្រជាជាតិ ស្តីពីច្បាប់សមុទ្រ ឆ្នាំ១៩៨២ រួមទាំងសន្យាអនុវត្តន៍ពេញ លេញប្រកបដោយប្រសិទ្ធភាពសេចក្តីថ្លែងការណ៍ ស្តីពីការប្រតិបត្តិសម្រាប់ភាគីនានានៅសមុទ្រខាងកើត (DOC) និងសម្រេចបានយ៉ាងឆាប់ៗ ក្រមប្រតិបត្តិសម្រាប់ភាគីនៅសមុទ្រខាងកើត (COC)។
បន្ទាប់ពីកិច្ចចរចា នាយករដ្ឋមន្ត្រី លោក Nguyen Xuan Phuc និងទីប្រឹក្សា សាធារណរដ្ឋសហភាពមីយ៉ាន់ម៉ា លោកស្រី Aung San Suu Kyi បានអញ្ជើញជាកសិណសាក្សីពិធីចុះហត្ថលេខាលើឯកសារសហប្រតិបត្តិការចំនួនពីររួមមាន៖ អនុស្សារណៈយោគយល់គ្នាស្តីពីកិច្ចសហប្រតិបត្តិការក្នុងវិស័យប្រៃ សណីយ៍ ទូរគមនាគមន៍និងព័ត៌មានវិទ្យានិងអនុស្សរណៈយោគយល់ស្តីពីកិច្ច សហប្រតិបត្តិការក្នុងវិស័យព័ត៌មាន៕
តាម VOV5 - វិទ្យុសម្លេងវៀតណាម
