ក្នុងជំនួបពិភាក្សានារសៀលថ្ងៃទី ៧ ខែមេសា នៅទីស្នាក់ការរដ្ឋាភិបាល នាយករដ្ឋមន្ត្រីវៀតណាមលោក Pham Minh Chinh បានវាយតំលៃខ្ពស់ចំពោះសាកលវិទ្យាល័យ RMIT Vietnam ជាវិនិយោគិនធំជាងគេរបស់អូស្ត្រាលីនៅវៀតណាម និងក៏ជាវិនិយោគិនបរទេសធំជាងគេក្នុងវិស័យអប់រំនាបច្ចុប្បន្ន។ លោកនាយករដ្ឋមន្ត្រីក៏បានវាយតម្លៃថា ការអប់រំ-បណ្តុះបណ្តាល និងការប្រាស្រ័យទាក់ទងគ្នារវាងប្រជាជន ជាមួយប្រជាជនបានក្លាយទៅជាផ្នែកសំខាន់នៃកិច្ចសហប្រតិបត្តិការទំនាក់ទំនងភាពជាដៃគូយុទ្ធសាស្ត្រដែលត្រូវបានអភិវឌ្ឍន៍យ៉ាងល្អរវាងប្រទេសទាំងពីរ ដែលសាកលវិទ្យាល័យ RMIT បានក្លាយជាគំរូដ៏រស់រវើក។

នាយករដ្ឋមន្ត្រីលោក Pham Minh Chinh បានអះអាងថា រដ្ឋាភិបាលវៀតណាមជានិច្ចកាលបង្កលក្ខណៈងាយស្រួលដល់វិនិយោគិនបរទេសមកប្រតិបត្តិការនៅវៀតណាម ក្នុងនោះមានសាកលវិទ្យាល័យ RMIT។ លោកមានគោលបំណងថា សាកលវិទ្យាល័យ RMITក្លាយទៅជាគំរូ ដើម្បីទាក់ទាញអង្គភាពអាជីវកម្មអូស្ត្រាលីកាន់តែច្រើនមកបណ្តាក់ទុននៅវៀតណាមនាពេលខាងមុខ រួមចំណែកជំរុញទំនាក់ទំនងមិត្តភាព និងទំនាក់ទំនងភាពជាដៃគូយុទ្ធសាស្ត្ររវាងប្រទេសទាំងពីរ។

រីឯខ្លួនវិញ លោកសាស្ត្រាចារ្យ Alec Cameron បានសន្យាថា RMIT នឹងបន្តសហប្រតិបត្តិការជាមួយវៀតណាម ដោយចែករំលែកអំពីផែនការអភិវឌ្ឍន៍នាពេលខាងមុខរបស់សាកលវិទ្យាល័យ RMIT វៀតណាម រួមទាំងបំណងចង់បង្កើនទុនវិនិយោគប្រមាណ ១០០ លានដុល្លារអូស្ត្រាលីនៅវៀតណាម និងតំបន់ផងដែរ៕