ព័ត៌មាន
នាយករដ្ឋមន្ត្រីវៀតណាមលោក Nguyen Xuan Phuc អញ្ជើញជួបសន្ទនាជាមួយគណៈកម្មាធិការបក្សខេត្ត Guangxi (ចិន)
នាយករដ្ឋមន្ត្រីវៀតណាម លោក Nguyen Xuan Phuc អញ្ជើញទទួលជួបជាមួយលោក Lu Xinshe លេខាគណៈកម្មាធិការបក្សនៃតំបន់ស្វយ័ត Guangzi Zhuang (ចិន) (រូបថតៈ VNA)
នារសៀលថ្ងៃទី១៩ ខែមីនា ឆ្នាំ២០១៩ នាយករដ្ឋមន្ត្រីវៀតណាមលោក Nguyen Xuan Phuc បានអញ្ជើញ ជួបសន្ទនាជាមួយលេខាគណះកម្មាធិការបក្សតំបន់ស្វយ័ត Guangxi Zhuang (ចិន) លោក Lu Xinshe ដែលកំពុងបំពេញទស្សនកិច្ចនៅវៀតណាម និងចូលរួមកម្មវិធីដើមនិទាឃរដូវជាមួយលេខា នៃគណៈកម្មាធិការបក្សខេត្ត Quang Ninh, Lang Son, Cao Bang និងខេត្ត Ha Giang (វៀតណាម)។
អញ្ជើញថ្លែងមតិនៅទីនេះ នាយករដ្ឋមន្រ្តីវៀតណាមលោក Nguyen Xuan Phuc ចង់ឱ្យភាគីទាំងពីរពង្រឹងនិងពង្រីកនូវទំនាក់ទំនងមិត្តភាពយ៉ាងល្អប្រសើរ រវាងបណ្ដាខេត្តជាប់ព្រំដែន ជាពិសេសការផ្លាស់ប្តូរសេដ្ឋកិច្ចនិងពាណិជ្ជកម្មជាមួយខេត្ត Guangxi តែម្តង។ នាយករដ្ឋមន្ត្រីបានអះអាងថា វៀតណាមគាំទ្រនិងមានបំណងជំរុញបញ្ហានេះឱ្យបានឆាប់។ ទន្ទឹមជាមួយគ្នានេះ រដ្ឋាភិបាលវៀតណាមនឹងបញ្ជាណែនាំឲ្យខេត្តជាប់ព្រំដែន ដើម្បីពង្រឹងនិងអភិវឌ្ឍន៍ហេដ្ឋារចនាសម្ព័ន្ធដឹកជញ្ជូនសំដៅបង្កើនទំនាក់ទំនងពាណិជ្ជកម្មជាមួយតំបន់នានារបស់ចិន។ លោកនាយករដ្ឋមន្ត្រីក៏បានស្នើរឲ្យបង្កើនការសម្របសម្រួលផ្លាស់ប្តូរ គណៈប្រតិភូគ្រប់ជាន់ថ្នាក់ បង្កើនកិច្ចសហប្រតិបត្តិការរវាងខេត្ត Guangxi និងបណ្ដាតំបន់ផ្សេងៗទៀតរបស់ វៀតណាមដូចជា ទីក្រុងហូជីមិញ ខេត្ត Quang Nam, Nghe An និងទីក្រុង Hai Phong ជាដើម។
លោកនាយករដ្ឋមន្ត្រីក៏បានស្នើឲ្យខេត្ត Guangxi បង្កលក្ខណៈងាយស្រួលបន្ថែមទៀតសម្រាប់ការឆ្លងដែនតាមរយៈច្រកទ្វារព្រំដែន ដើម្បីជំរុញទំនិញវៀតណាមជ្រៀតចូល ទីផ្សាររបស់ចិន។ នាយករដ្ឋមន្ត្រីបាននិយាយថា សហគ្រាសចិនធំៗ ជាទូទៅនិង ខេត្ត Guangxi ជាពិសេស ត្រូវការបង្កើនការវិនិយោគនិងកិច្ចសហប្រតិបត្តិការជាមួយ វៀតណាម។
ភាគីទាំងពីរគប្បីបង្កើនកិច្ចសហប្រតិបត្តិការដើម្បីពង្រឹងការតភ្ជាប់ ហេដ្ឋារចនាសម្ព័ន្ធគមនាគមន៍ផ្លូវគោកនិងផ្លូវដែក។ ម្យ៉ាងវិញទៀត គ្រប់គ្រងល្អព្រំដែន ជាពិសេសការប្រឆាំងការរត់ពន្ធឆ្លងកាត់ព្រំដែន និងប្រយុទ្ធប្រឆាំងនឹងឧក្រិដ្ឋកម្ម ដើម្បីរួមចំណែកក្នុងការកសាងនិងថែរក្សាព្រំដែនរវាងប្រទេសទាំងពីរប្រកបដោយសន្តិភាព។ រួមជាមួយគ្នានោះ ជំរុញការជួបប្រាស្រ័យប្រជាជនដើម្បីបង្កើនការយល់ដឹងគ្នាទៅវិញទៅមករវាងប្រជាជននៃប្រទេសទាំងពីរ៕
តាម VOV5 - វិទ្យុសំឡេងវៀតណាម
