លោកនាយករដ្ឋមន្ត្រី ហ្វាម មិញជីញ បានស្នើឲ្យចិនផ្តល់អាទិភាពខ្ពស់ចំពោះកិច្ចសហប្រតិបត្តិការផ្លូវដែក ដោយជំរុញការចាប់ផ្តើមសាងសង់ខ្សែផ្លូវដែក ឡាវកៃ- ហាណូយ - ហាយហ្វុង ក្នុងខែធ្នូ ឆ្នាំ ២០២៥។ ភាគីទាំងពីរបានឯកភាពបន្តអនុវត្តន៍ជាក់ស្តែង និងប្រកបដោយប្រសិទ្ធភាពនូវការយល់ដឹងរួមជាន់ខ្ពស់ដែលសម្រេចបានក្នុងបណ្ដាដំណើរទស្សនកិច្ច; ជំរុញទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុង ជ្រោយវៀតណាម - ចិន តាមទិសដៅ “៦ បន្ថែមទៀត”; ជំរុញយ៉ាងខ្លាំងក្លានូវកិច្ចសហ ប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ; ពង្រីកកិច្ចសហប្រតិបត្តិការលើវិស័យ វិទ្យាសាស្ត្រ បច្ចេកវិទ្យា និងនវានុវត្តន៍។
លោកនាយករដ្ឋមន្ត្រី លី ឈាំង បានអះអាងថា ប្រទេសចិននឹងបន្តសម្របសម្រួលយ៉ាងជិតស្និទ្ធជាមួយវៀតណាមដើម្បីអនុវត្តន៍ជាក់ស្ដែងនូវការយល់ដឹងរួមរវាងថ្នាក់ដឹកនាំកំពូលនៃបក្សទាំងពីរ និងប្រទេសទាំងពីរ។ លោកនាយករដ្ឋមន្ត្រីចិនក៏បាន អះ អាងផងដែរថា ប្រទេសចិនត្រៀមខ្លួនជាស្រេចពន្លឿនការតភ្ជាប់យុទ្ធសាស្ត្រ អភិវឌ្ឍន៍ជាមួយវៀតណាម ដោយសម្តែងការគោរពចំពោះគោល បំណងរបស់វៀតណាមដែលចង់ ចាប់ផ្តើមសាងសង់ខ្សែផ្លូវដែកខ្នាតស្តង់ដារតភ្ជាប់ប្រទេសទាំងពីរក្នុងពេលឆាប់ៗនេះ។
 នាយករដ្ឋមន្ត្រីវៀតណាមលោក ហ្វាម មិញជីញ ជួបជាមួយប្រធានាធិបតីអ៊ុយរូហ្គាយលោក Yamandu Orsi។ រូបថត៖ Lai Hoa/VOV |
ជួបជាមួយអគ្គលេខាធិការអង្គការសហប្រជាជាតិ លោក Antonio Guterres លោកនាយករដ្ឋមន្រ្តី ហ្វាម មិញជីញ បានឲ្យដឹងថា វៀតណាមកំពុងត្រៀមរៀបចំយ៉ាង សកម្មសម្រាប់ពិធីចុះហត្ថលេខាលើអនុសញ្ញាអង្គការសហប្រជាជាតិស្ដីពីការប្រយុទ្ធប្រឆាំងបទល្មើសតាមអ៊ីនធឺណិតនៅទីក្រុងហាណូយក្នុងខែតុលាខាងមុខនេះ ហើយ សង្ឃឹមថានឹងទទួលស្វាគមន៍លោកអគ្គលេខាធិការអញ្ជើញមកចូលរួមព្រឹត្តិការណ៍ដ៏សំខាន់នេះ។ រីឯខ្លួនវិញ លោកអគ្គលេខាធិការ Antonio Guterres បានវាយតំលៃខ្ពស់ ចំពោះតួនាទី និងចក្ខុវិស័យរបស់វៀតណាមក្នុងរយៈពេលកន្លងមក ក៏ដូចជាវាយតំលៃ ខ្ពស់ចំពោះការរួមចំណែករបស់វៀតណាមចំពោះបញ្ហាដែលកំពុងទទួលបានការយក ចិត្តទុកដាក់របស់ពិភពលោក ហើយមានបំណងចង់វិលត្រឡប់មកបំពេញទស្សនកិច្ចនៅ វៀតណាមម្ដងទៀតក្នុងពេលឆាប់ៗនេះ៕
